IRITTY
ശമ്പളമില്ല, ശുചീകരണവുമില്ല; അത്തിത്തട്ട് ചീഞ്ഞുനാറുന്നു
ഇരിട്ടി: വേതനം നൽകാത്തതിനെ തുടർന്ന് ശുചീകരണ തൊഴിലാളികളുടെ വരവ് കുറഞ്ഞതോടെ നഗരസഭയുടെ അത്തിത്തട്ട് മാലിന്യ സംസ്കരണ കേന്ദ്രത്തിൽ ജൈവ, അജൈവ മാലിന്യങ്ങളുടെ വേർതിരിവ് മന്ദഗതിയിലായി. ഇതോടെ പ്രദേശത്ത് മാലിന്യം കുമിഞ്ഞുകൂടി ചീഞ്ഞു നാറുകയാണ്. നാടും നഗരവും ശുചീകരിക്കാൻ ജനപ്രതിനിധികളും സന്നദ്ധ സംഘടനകളും പ്രചാരണ കോലാഹലങ്ങൾ സംഘടിപ്പിക്കുമ്പോഴാണ് മാലിന്യ സംസ്കരണ കേന്ദ്രം ഒരു പ്രദേശത്തെ മലീമസമാക്കുന്നത്.
സംസ്കരണ കേന്ദ്രത്തിലെ ഏഴു ശുചീകരണ തൊഴിലാളികൾക്ക് മൂന്നുമാസമായി വേതനം ലഭിച്ചിട്ടില്ല. വേതനം കുടിശ്ശികയായതോടെ ജോലിക്കെത്തുന്നവരുടെ എണ്ണം മൂന്നു പേരിലേക്ക് ചുരുങ്ങിയതോടെയാണ് മാലിന്യങ്ങളുടെ വേർതിരിവ് മന്ദഗതിയിലായത്.
അജൈവമാലിന്യങ്ങൾ ഗ്രീൻ വേവ്സ് കമ്പനിക്ക് കൈമാറുകയും പ്ലാസ്റ്റിക്ക് കുപ്പികളും ജൈവ മാലിന്യങ്ങളിൽപ്പെടുന്ന കാർഡ്ബോർഡ് പോലുള്ള വസ്തുക്കളും വിറ്റു കിട്ടുന്ന വരുമാനവും കടകളിൽ നിന്നും വ്യക്തികളിൽ നിന്നും യൂസർ ഫീ ഇനത്തിൽ ലഭിക്കുന്ന വരുമാനവും ചേർത്താണ് തൊഴിലാളികൾക്ക് വേതനം നൽകിയിരുന്നത്. പ്രതിദിനം 350 രൂപയാണ് തൊഴിലാളികൾക്ക് നൽകേണ്ടത്.
തുച്ഛമായ വേതനം പോലും യഥാസമയം നൽകാൻ കഴിയാത്തതിനാൽ തൊഴിലാളികൾ അസംതൃപ്തിയിലുമാണ്. ആവശ്യത്തിന് സുരക്ഷാ പ്രതിരോധ മാർഗങ്ങൾ തൊഴിലാളികൾക്ക് നൽകാനും ബന്ധപ്പെട്ടവർക്ക് കഴിയുന്നല്ല. ഗാന്ധിജയന്തി ദിനത്തിൽ നാടാകെ നടന്ന ശുചീകരണ പ്രവൃത്തിയുടെ ഭാഗമായി വൻതോതിൽ മാലിന്യങ്ങളാണ് സംസ്ക്കരണ കേന്ദ്രത്തിൽ എത്തിയത്. ഇത് യഥാ സമയം വേർതിരിച്ച് മാറ്റാൻ കഴിയാത്തതാണ് മാലിന്യം കുമിഞ്ഞ് കൂടാൻ ഇടയാക്കിയത്.
മാലിന്യങ്ങളുടെ വേർതിരിവ് മന്ദഗതിയിലായതാണ് പ്രതിസന്ധിക്ക് കാരണമെന്ന് നഗരസഭ ചെയർപേഴ്സൻ കെ. ശ്രീലത പറഞ്ഞു. നിലവിലുള്ള തൊഴിലാളികൾ കൃത്യമായി ജോലിക്കെത്താത്തതും പ്രതിസന്ധിയുണ്ടാക്കി. അടുത്ത ദിവസം മുതൽ നഗരത്തിലെ ശുചീകരണ തൊഴിലാളികളെ സംസ്കരണ കേന്ദ്രത്തിലേക്ക് മാറ്റി ശുചീകരണം വേഗത്തിലാക്കുമെന്നും അവർ പറഞ്ഞു.
മാലിന്യ സംസ്കരണം ആധുനികവത്കരിക്കും. നാലു പുരുഷന്മാരും രണ്ടു സ്ത്രീകളുമായി ആറുപേരെ കൂടി അടിയന്തരമായി നിയമിക്കും. നിലവിലുള്ള ജൈവവള നിർമാണ യൂനിറ്റിന് ഡി വാട്ടേട് കമ്പോസ്റ്റിങ് സിസ്റ്റത്തിലേക്ക് മാറ്റുന്നതിനുള്ള പ്രവൃത്തി രണ്ടു മാസത്തിനുള്ളിൽ പൂർത്തീകരിക്കും. ഇതോടെ മാലിന്യ സംസ്കരണ സമയത്തുള്ള ദുർഗന്ധം പൂർണമായും ഇല്ലാതാവും. തുങ്കൂർ മൊഴി മോഡൽ സംസ്കരണ കേന്ദ്രവും ഒരാഴ്ചക്കുള്ളിൽ പ്രവർത്തനസജ്ജമാക്കുമെന്ന് ക്ലീൻസിറ്റി മാനേജർ രാജീവൻ പറഞ്ഞു.
IRITTY
അയ്യൻകുന്ന് പഞ്ചായത്തിലെ ഈന്തുംകരിയിൽ വളർത്തുനായയെ വന്യജീവി ആക്രമിച്ചു
ഇരിട്ടി: അയ്യൻകുന്ന് പഞ്ചായത്തിലെ ഈന്തുംകരിയിൽ വളർത്തുനായയെ വന്യജീവി ആക്രമിച്ചു. മാവേലിൽ മധു വിന്റെ നായയെ ആണ് വന്യ ജീവി പിടിച്ചത്. കഴുത്തിൽ ആഴത്തിൽ മുറിവേറ്റ നായ അതീവ ഗുരുതരാവസ്ഥയിലാണ്. രാത്രി ഒന്നരയോടെ ആണ് സംഭവം.നായ കരയുന്നത് കേട്ട് മധു വെളിയിൽ വന്നപ്പോഴാണ് ഗുരുതരമായി പരിക്കേറ്റ നിലയിൽ നായയെ കാണുന്നത്. ലൈറ്റിന്റെ വെളിച്ചത്തിൽ ഏതോ വന്യജീവി ഓടിമറയുന്നത് കണ്ടെന്നാണ് മധു പറയുന്നത്. കൂട്ടിൽ കയറിൽ കെട്ടിയിട്ടിരുന്നതുകൊണ്ടാണ് വന്യ ജീവിക്ക് നായയെ കൊണ്ടുപോകാൻ കഴിയാതെ വന്നത്.എന്നും കൂട് പൂട്ടാറുള്ള മധു ഇന്നലെ കൂട് പൂട്ടിയിരുന്നില്ല. രണ്ട് ദിവസമായി പ്രദേശത്ത് രാത്രിയിൽ നായ്ക്കൾ വല്ലാതെ കുരച്ച് ബഹളം വെച്ചിരുന്നതായി വീട്ടുകാർ പറയുന്നു. ഈന്തുംകരി ഉരുപ്പുംകുറ്റി റോഡിനോട് ചേർന്ന് ജനവാസ മേഖലയിലാണ് വന്യജീവിയുടെ ആക്രമണം.ആക്രമിച്ചത് പുലിതന്നെയാണ് എന്നാണ് നാട്ടുകാർ പറയുന്നത്.
Breaking News
മീത്തലെ പുന്നാട് വീടിൻ്റെ കോൺഗ്രീറ്റ് സ്ലാബ് അടർന്ന് വീണ് ഒരാൾ മരിച്ചു
ഇരിട്ടി: മീത്തലെ പുന്നാട് വീടിൻ്റെ കോൺഗ്രീറ്റ് സ്ലാബ് അടർന്ന് വീണ് ഒരാൾ മരിച്ചു.നിർമ്മാണ തൊഴിലാളിയായ മാമ്പറം സ്വദേശി ഗണിപതിയാടൻ കരുണാകരൻ ആണ് മരിച്ചത്.സ്ലാബിനുള്ളിൽ കുടുങ്ങിയ കരുണാകരനെ ഫയർഫോഴ്സ് എത്തി നാട്ടുകാരുടെ സഹായത്തോടെ പുറത്തെടുത്തെങ്കിലും ജീവൻ രക്ഷിക്കാൻ കഴിഞ്ഞില്ല.
IRITTY
അഞ്ച് മിനിറ്റ്, ചിറകടിച്ചത് 12,000 ശലഭങ്ങൾ
ഇരിട്ടി:ആറളത്ത് അഞ്ച് മിനിറ്റിനകം പന്ത്രണ്ടായിരത്തിലധികം ആൽബട്രോസ് ചിത്രശലഭങ്ങളുടെ ദേശാടനക്കാഴ്ച. ആറളം, കൊട്ടിയൂർ വന്യജീവി സങ്കേതങ്ങളിൽ നടത്തിയ ശലഭ നിരീക്ഷണ ക്യാമ്പിലാണ് പൂമ്പാറ്റസംഗമം നിരീക്ഷകർ പകർത്തിയത്. മൂന്ന് ദിവസത്തെ സർവേയിൽ അറുപത് ശലഭ നിരീക്ഷകർ ദേശാടനം വീക്ഷിച്ചു. സർവേ സമാപന അവലോകന യോഗം ഉത്തരമേഖലാ വനം കൺസർവേറ്റർ കെ എസ് ദീപ ഉദ്ഘാടനംചെയ്തു. വൈൽഡ് ലൈഫ് വാർഡൻ ജി പ്രദീപ് അധ്യക്ഷനായി. അസി. വൈൽഡ് ലൈഫ് വാർഡൻ രമ്യ രാഘവൻ, ശലഭ നിരീക്ഷകരായ ഡോ. ജാഫർ പാലോട്ട്, ബാലകൃഷ്ണൻ വിളപ്പിൽ, വി കെ ചന്ദ്രശേഖരൻ എന്നിവർ സർവേ വിവരങ്ങൾ ക്രോഡീകരിച്ചു. കാൽനൂറ്റാണ്ടായി നടക്കുന്ന സർവേയിൽ ഇത്തവണയാണ് ഏറ്റവുമധികം ആൽബട്രോസ് പൂമ്പാറ്റകളുടെ ദേശാടനമുണ്ടായതെന്ന് അവലോകനയോഗം വിലയിരുത്തി. പതിനായിരത്തോളം ശലഭങ്ങൾ വരെ പുഴത്തിട്ടകളിൽ കൂട്ടം കൂടിയതായി നിരീക്ഷിച്ചു. പശ്ചിമഘട്ടത്തിൽ മാത്രം കാണപ്പെടുന്ന പുള്ളിവാലൻ, ബുദ്ധമയൂരി, റോസി, തളിർനീലി, ഓക്കില, മലബാർ റോസ് തുടങ്ങി പതിനേഴിനം ശലഭങ്ങളെയും കണ്ടെത്തി. ചീങ്കണ്ണിപ്പുഴയിലെ മണലൂറ്റൽ ആൽബട്രോസ് ശലഭങ്ങളുടെ കൂട്ടം ചേരലിന് പ്രതികൂലമാകുമെന്ന് സർവേ വിലയിരുത്തി. ആറളത്തെ ചിത്രശലഭ സങ്കേതമായി പ്രഖ്യാപിക്കണമെന്നും സർവേ സംഘം ആവശ്യപ്പെട്ടു.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു