തെയ്യം വികലമായും വികൃതമായും അവതരിപ്പിക്കുന്നത് നിർത്തണം
കണ്ണൂർ : തെയ്യം എന്ന അനുഷ്ഠാന കർമത്തെ വികലമായും വികൃതമായും പൊതു വേദികളിലും സാംസ്കാരിക പരിപാടികളിലും അവതരിപ്പിക്കുന്നത് നിർത്തണമെന്ന് സംസ്ഥാന മലയൻ സമുദായോദ്ധാരണ സംഘം സംസ്ഥാന ഭാരവാഹികൾ ആവശ്യപ്പെട്ടു.
നേരത്തെ ഉത്തര കേരളത്തിൽ മാത്രം പ്രവർത്തിച്ച സംഘടന സംസ്ഥാന തലത്തിൽ വ്യാപിപ്പിച്ചതായും ഭാരവാഹികൾ അറിയിച്ചു
അമ്പത് വയസ് കഴിഞ്ഞ മുഴുവൻ കോലധാരികൾക്കും പെൻഷൻ അനുവദിക്കണം. തെയ്യം കോലധാരികൾക്ക് ക്ഷേമനിധി ഏർപ്പെടുത്തണമെന്നും കോലധാരി ഉൾപ്പെടുന്ന കുടുംബങ്ങൾക്ക് ഇ. എസ്. എ ആനുകൂല്യം നടപ്പിലാക്കമെന്നും ഭാരവാഹികൾ കണ്ണൂരിൽ വാർത്ത സമ്മേളനത്തിൽ പറഞ്ഞു.
സംസ്ഥാന പ്രസിഡണ്ട് എം. കൃഷ്ണൻ പണിക്കർ, അനീഷ് പണിക്കർ, പവിത്രൻ പള്ളിക്കുന്ന്, സി. പി പ്രകാശൻ, പി. കൃഷ്ണൻ എന്നിവർ പങ്കെടുത്തു.
