നിരോധിത പ്ലാസ്റ്റിക്ക് ഉത്പന്നങ്ങളുടെ മൊത്ത വിതരണക്കാരനെ ആറളം പഞ്ചായത്തധികൃതർ പിടികൂടി
ആറളം: നിരോധിത പ്ലാസ്റ്റിക്ക് ഉത്പന്നങ്ങൾ മൊത്തക്കച്ചവടം ചെയ്യുന്നയാളെ വാഹനം സഹിതം ആറളം പഞ്ചായത്തധികൃതർ പിടികൂടി പിഴ ചുമത്തി.
ശിവപുരം സ്വദേശി പുതിയാണ്ടി അബ്ദുൾ സലാമിനെയാണ് ഒന്നര ക്വിന്റൽ നിരോധിത പ്ലാസ്റ്റിക്ക് ഉത്പന്നങ്ങളും ഇവ കൊണ്ടുവന്ന കാറും സഹിതം പഞ്ചായത്തധികൃതർ പിടികൂടി പതിനായിരം രൂപ പിഴ ചുമത്തിയത്.
നിരോധിത ഉത്പന്നങ്ങൾ കയറ്റിവന്ന കാർ നിയമനടപടികൾക്കായി ആറളം പോലീസിന് കൈമാറി.ആറളം പഞ്ചായത്ത് സെക്രട്ടറി പി.എസ്.രശ്മിമോൾ,അസി.സെക്രട്ടറി ആർ.എസ്.സുനിൽ കുമാർ,ക്ലാർക്ക് കെ.രാജേഷ് എന്നിവരാണ് പരിശോധന നടത്തിയത്.
