ജില്ലയിൽ ഹയർ സെക്കൻഡറി തുല്യതാ പരീക്ഷ തുടങ്ങി
കണ്ണൂർ : സംസ്ഥാന സാക്ഷരതാ മിഷൻ പൊതുവിദ്യാഭ്യാസ വകുപ്പുമായി ചേർന്ന് നടത്തുന്ന ഹയർ സെക്കൻഡറി തുല്യതാ പരീക്ഷക്ക് ജില്ലയിൽ തുടക്കമായി. എട്ട് പരീക്ഷാ കേന്ദ്രങ്ങളിലായി 1246 പേർ പരീക്ഷ എഴുതി. ഒന്നാം വർഷ ഹയർസെക്കണ്ടറി തുല്യതയ്ക്ക് 865 പേരും രണ്ടാവർഷ ഹയർസെക്കണ്ടറി തുല്യതയ്ക്ക് 381 പേരുമാണ് പരീക്ഷ എഴുതിയത്. ഇതിൽ 1000 പേർ ഹ്യുമാനിറ്റീസ് ഗ്രൂപ്പ്, 246 പേർ കോമേഴ്സ് ഗ്രൂപ്പുമാണ്.
ചാവശ്ശേരി ഹയർ സെക്കൻഡറി സ്‌കൂൾ, മട്ടന്നൂർ സെക്കൻഡറി സ്‌കൂൾ, തലശ്ശേരി ബ്രണ്ണൻ ഹയർ സെക്കൻഡറി സ്‌കൂൾ, കല്യാശ്ശേരി ഹയർ സെക്കൻഡറി സ്‌കൂൾ, പള്ളിക്കുന്ന് ഹയർ സെക്കൻഡറി സ്‌കൂൾ, കൂത്തുപറമ്പ് ഹയർ സെക്കൻഡറി സ്‌കൂൾ, സീതിസാഹിബ് ഹയർ സെക്കൻഡറി സ്‌കൂൾ, തളിപ്പറമ്പ് മൂത്തേടത്ത് ഹയർ സെക്കൻഡറി സ്‌കൂൾ, മാത്തിൽ ഹയർ സെക്കൻഡറി സ്‌കൂൾ എന്നിവയാണ് പരീക്ഷാ കേന്ദ്രങ്ങൾ.
