Breaking News
റോഡുകൾ അടഞ്ഞു: വിദ്യാർഥികൾക്കിത് ദുരിതയാത്ര

തലശ്ശേരി: കോൺക്രീറ്റ് ചെയ്ത് നവീകരിക്കുന്നതിനായി എം.ജി റോഡ് വഴിയുളള യാത്രക്ക് ചൊവ്വാഴ്ച മുതൽ നിരോധനം ഏർപ്പെടുത്തി. റോഡ് നവീകരിക്കുന്നതിന്റെ മുന്നോടിയായി വാട്ടർ അതോറിറ്റിയുടെ പഴയ പൈപ്പുകൾ മാറ്റി പുതിയവ സ്ഥാപിക്കുന്ന പ്രവൃത്തിയാണ് ഇന്നലെ ആരംഭിച്ചത്.
പൈപ്പ് മാറ്റുന്ന പ്രവൃത്തി പൂർത്തിയായാൽ റോഡ് കോൺക്രീറ്റ് ചെയ്യുന്ന പ്രാരംഭ ജോലികൾ തുടങ്ങും. ജനറൽ ആശുപത്രി റോഡിന് പുറമെ എം.ജി റോഡും അടച്ചതിനാൽ നഗരത്തിലെത്തുന്ന വിദ്യാർഥികളാണ് കൂടുതൽ ദുരിതത്തിലായത്. അരക്കിലോ ചുറ്റളവിൽ അഞ്ച് ഹയർ സെക്കൻഡറി വിദ്യാലയങ്ങൾ തലശ്ശേരി ടൗണിൽ പ്രവർത്തിക്കുന്നുണ്ട്.
പ്രാഥമിക വിദ്യാലയങ്ങൾ വേറെയും. ബസുകളിലും മറ്റു സ്വകാര്യ വാഹനങ്ങളിലും കാൽ നടയായും എത്തുന്ന വിദ്യാർഥികൾക്ക് റോഡ് നിർമാണം പൂർത്തിയാകുന്നത് വരെ യാത്ര ബുദ്ധിമുട്ടാകും. ജനറൽ ആശുപത്രി റോഡും കോൺക്രീറ്റ് ചെയ്യുന്നതിനാൽ കഴിഞ്ഞ ഒരു മാസത്തിലധികമായി അടച്ചിട്ടിരിക്കുകയാണ്.
രണ്ട് റോഡുകളിലും ഒരേസമയം പ്രവൃത്തി നടത്തുന്നതിനാൽ വ്യാപാര മേഖലയും പ്രതിസന്ധിയിലാണ്. നഗരസൗന്ദര്യവത്കരണത്തിന്റെ ഭാഗമായി ഹാർബർ എൻജിനീയറിങ് വിഭാഗത്തിൽ നിന്നും അനുവദിച്ച 2.50 കോടി രൂപ ചെലവിലാണ് റോഡ് നവീകരിക്കുന്നത്. രണ്ടു റോഡുകളും കോൺക്രീറ്റ് ചെയ്ത് പൂർണമായി തുറക്കണമെങ്കിൽ ഒരു മാസത്തിലേറെ ഇനിയും കാത്തിരിക്കണം.
ജനറൽ ആശുപത്രി റോഡിന്റെ നിർമാണം ചൊവ്വാഴ്ച വൈകീട്ട് പുനരാരംഭിച്ചെങ്കിലും രാത്രിയിൽ മാത്രമേ പ്രവൃത്തി നടത്തുന്നുള്ളു. പകൽ സമയങ്ങളിൽ വെയിലിന് കാഠിന്യം കൂടിയതിനാൽ നിർമാണ ജോലികൾ ചെയ്യുന്നതിന് തൊഴിലാളികൾക്ക് പ്രായോഗിക ബുദ്ധിമുട്ടുകളുണ്ട്.
വിവാഹ സീസണായതിനാൽ റോഡ് അടച്ചിട്ടത് തുണി വ്യാപാരികളെയാണ് കാര്യമായി ബാധിച്ചത്. ടൗണിൽ വാഹനങ്ങൾ നിർത്തിയിടാൻ മതിയായ ഇടമില്ലാത്തതിനാൽ ടൗണിലേക്ക് ആളുകളുടെ വരവും കുറയുകയാണ്. എം.ജി റോഡ് അടച്ചതിനാൽ കുയ്യാലി, ഗുഡ്സ് ഷെഡ് റോഡ് വഴിയുള്ള യാത്രയാണ് ആളുകൾക്ക് കൂടുതൽ ദുഷ്കരമായിട്ടുള്ളത്. ഇതുവഴിയുള്ള വാഹനങ്ങളുടെ കുരുക്ക് ചില നേരങ്ങളിൽ നഗരത്തെയാകെ ബാധിക്കുന്ന അവസ്ഥയുമുണ്ട്.
Breaking News
ഗോകുലം ഗോപാലന്റെ സ്ഥാപനത്തിൽ ഇഡി റെയ്ഡ്

ചെന്നൈ: വ്യവസായിയും സിനിമാ നിർമാതാവുമായ ഗോകുലം ഗോപാലന്റെ സ്ഥാപനത്തിൽ എൻഫോഴ്സ്മെന്റ് ഡയറക്ടറേറ്റിന്റെ പരിശോധന. ചെന്നൈ കോടമ്പാക്കത്തുള്ള ഗോകുലം ചിറ്റ്സ് ഫിനാൻസിന്റെ കോർപ്പറേറ്റ് ഓഫീസിലാണ് റെയ്ഡ്. ഇഡി കൊച്ചി യൂണിറ്റിലെ ഉദ്യോഗസ്ഥരും പരിശോധനയിൽ പങ്കെടുക്കുന്നുണ്ട്. രാവിലെ മുതലാണ് പരിശോധന ആരംഭിച്ചത്. 2023 ഏപ്രിലിൽ ഗോകുലം ഗോപാലനെ ഇഡി ചോദ്യംചെയ്തിരുന്നു. കൂടുതൽ വിവരങ്ങൾ ലഭ്യമല്ല.
Breaking News
ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
Breaking News
കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്