കുരുക്ഷേത്ര എന്‍.ഐ.ടിയില്‍ അധ്യാപക ഒഴിവുകള്‍
കുരുക്ഷേത്രയിലുള്ള നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്നോളജി അസിസ്റ്റന്റ് പ്രൊഫസര്‍ (ഗ്രേഡ്-1) തസ്തികയിലെ 99 ഒഴിവിലേക്ക് അപേക്ഷ ക്ഷണിച്ചു. സിവില്‍ എന്‍ജിനീയറിങ്-19, ഇലക്ട്രിക്കല്‍ എന്‍ജിനീയറിങ്-10, മെക്കാനിക്കല്‍ എന്‍ജിനീയറിങ്-12, പ്രൊഡക്ഷന്‍ & ഇന്‍ഡസ്ട്രിയല്‍ എന്‍ജിനീയറിങ്-6, ഇലക്ട്രോണിക്‌സ് & കമ്യൂണിക്കേഷന്‍ എന്‍ജിനീയറിങ്-7, കംപ്യൂട്ടര്‍ എന്‍ജിനീയറിങ്-15, ഇന്‍ഫര്‍മേഷന്‍ ടെക്നോളജി-8, ഫിസിക്സ്-5, മാത്തമാറ്റിക്സ്-2, ഹ്യുമാനിറ്റീസ് & സോഷ്യല്‍ സയന്‍സസ്-2, ബിസിനസ് അഡ്മിനിസ്ട്രേഷന്‍-4, കംപ്യൂട്ടര്‍ ആപ്ലിക്കേഷന്‍സ്-9 എന്നിങ്ങനെയാണ് വിവിധ വിഭാഗങ്ങളിലെ ഒഴിവുകള്‍.
യോഗ്യത: പിഎച്ച്.ഡി. ബിരുദം. ബിരുദ/ബിരുദാനന്തരബിരുദ കോഴ്സുകളില്‍ 60 ശതമാനത്തില്‍ കുറയാത്ത മാര്‍ക്കോടെ പാസായിരിക്കണം. പിഎച്ച്.ഡി.ക്കുശേഷം മൂന്നുവര്‍ഷത്തെയോ ആകെ ആറുവര്‍ഷത്തെയോ അധ്യാപന/ഗവേഷണ പരിചയം വേണം.
www.nitkkr.ac.in എന്ന വെബ്സൈറ്റ് വഴി ഓണ്‍ലൈനായി അപേക്ഷിക്കണം. അപേക്ഷയുടെ പ്രിന്റൗട്ടും അനുബന്ധരേഖകളുടെ സ്വയംസാക്ഷ്യപ്പെടുത്തിയ പകര്‍പ്പുകളും Registrar, National Institute of Technology, Kurukshetra-136119 (Haryana) എന്ന വിലാസത്തില്‍ സെപ്റ്റംബര്‍ 10-നകം ലഭിക്കത്തക്കവിധത്തില്‍ അയക്കണം. ഷോര്‍ട്ട്ലിസ്റ്റ് ചെയ്യപ്പെടുന്നവരെ പിന്നീട് ഇന്റര്‍വ്യൂവിന് ക്ഷണിക്കും.
അപേക്ഷാഫീസ്: 1,000 രൂപ. എസ്.സി./എസ്.ടി./ഭിന്നശേഷി വിഭാഗക്കാര്‍ക്ക് 500 രൂപ. ഓണ്‍ലൈന്‍ അപേക്ഷകള്‍ സ്വീകരിക്കുന്ന അവസാന തീയതി: സെപ്റ്റംബര്‍ 5.
