എഴുത്തുകൂട്ടം വായനക്കൂട്ടം പത്തിന് ആരംഭിക്കും
എഴുതിയും വായിച്ചും അവധിക്കാലം ആഹ്ലാദകരമാക്കാൻ സമഗ്രശിക്ഷ കേരളവും ജില്ലാ ലൈബ്രറി കൗൺസിലും വിദ്യാർഥികൾക്കായി നടപ്പാക്കുന്ന എഴുത്തുകൂട്ടം വായനക്കൂട്ടം 10ന് തുടങ്ങും. അവധിക്കാലത്ത് കുട്ടികളെ ഗ്രന്ഥശാലകളിൽ എത്തിച്ച് മികച്ച വായനക്കാരാക്കി മാറ്റുക എന്നതാണ് പദ്ധതിയുടെ ലക്ഷ്യം ഗ്രന്ഥശാല പഞ്ചായത്ത് സമിതിയുടെ നേതൃത്വത്തിൽ വായന, എഴുത്ത്, എഡിറ്റിങ് എന്നിവയെക്കുറിച്ച് കുട്ടികൾക്ക് ശിൽപശാല നടത്തും.നേതൃസമിതിക്കു കീഴിലെ വായനശാലകളിൽ നിന്നു തിരഞ്ഞെടുക്കപ്പെട്ട കുട്ടികളും
ലൈബ്രേറിയന്മാരും പരിശീലനത്തിൽ പങ്കാളികളാകും. ഇവരുടെ നേതൃത്വത്തിലായിരിക്കും വായന ശാലകളിൽ പ്രവർത്തനം നടത്തുക.
ബിആർസിയിലെ ജീവനക്കാർ പ്രവർത്തനത്തിന് അക്കാദമിക പിന്തുണ നൽകും. വായനയ്ക്കു പുറമേ ലഘുവ്യായമങ്ങൾ, സുംബ- എയറോബിക്സ് ഡാൻസ്, റീൽസ് നിർമാണം, സിനിമ പ്രദർശനം, കരകൗശല വസ്തുക്കളുടെ നിർമാണം തുടങ്ങിയവയുമുണ്ടാകും. സമഗ്രശിക്ഷ കേരളം ജില്ലയിൽ നടത്തിയ വായനച്ചങ്ങാത്തം വായനശാലകളിൽ എന്ന പ്രവർത്തനത്തിന്റെ തുടർച്ചയാണിത്.
