എങ്ങനെയാ മക്കളിങ്ങനെ ആവുന്നേ, അടി കൊടുത്ത് വളര്ത്തണം, കേരളം മുടിഞ്ഞു’ പ്രതിഷേധിച്ച് അധ്യാപിക
താമരശേരിയിലെ പത്താം ക്ലാസ് വിദ്യാര്ഥി ഷഹബാസിന്റെ കൊലപാതകത്തില് വെള്ളിമാട്കുന്ന് ജുവനൈല് ഹോമിനു മുമ്പില് റിട്ടയേര്ഡ് അധ്യാപികയുടെ പ്രതിഷേധം. ജുവനൈല് ഹോമിലെ അധ്യാപികയായിരുന്ന ജയാ രാമചന്ദ്രക്കുറുപ്പാണ് പ്രതിഷേധവുമായി എത്തിയത്. എന്റെ കുഞ്ഞാണെങ്കില് സഹിക്കുവോ? ഒരിക്കലും ആ കുട്ടികളെ പരീക്ഷ എഴുതിപ്പിക്കരുത്, നല്ല ശിക്ഷ കൊടുക്കണം, ബാലനിയമങ്ങള് മാറ്റണം, പ്രതികരിക്കാന് തന്നെയാണ് വന്നത് എന്ന് ജയാരാമചന്ദ്രന് പറഞ്ഞു. അധ്യാപകര്ക്കും മാതാപിതാക്കള്ക്കും ശിക്ഷിക്കാനുള്ള അധികാരമില്ലെങ്കില് ലോകം നന്നാകില്ലെന്നും അവര് പറഞ്ഞു
