മട്ടന്നൂരില്‍ തിങ്കളാഴ്ച മുതല്‍ വീണ്ടും ഗതാഗത പരിഷ്‌ക്കാരം
മട്ടന്നൂർ: മട്ടന്നൂര്‍- ഇരിക്കൂര്‍ റോഡില്‍ റോഡ് പ്രവൃത്തി നടക്കുന്നതിനാല്‍ മാര്‍ച്ച് മൂന്ന് തിങ്കളാഴ്ച മുതല്‍ മട്ടന്നൂരില്‍ നിന്ന് ഇരിക്കൂര്‍ ഭാഗത്തേക്ക് പോകേണ്ട എല്ലാ ചെറിയ വാഹനങ്ങളും ഇരിട്ടി റോഡിലെ ബൈപാസ് റോഡ് വഴി ഇരിക്കൂര്‍ ഭാഗത്തേക്ക് പോകണമെന്ന് പോലീസ് അറിയിച്ചു.വലിയ വാഹനങ്ങള്‍ സാധാരണ പോലെ ഇരിക്കൂര്‍ റോഡിലേക്ക് പോകണം. മട്ടന്നൂര്‍ പോലീസ് സ്റ്റേഷനിലെ പോലീസുകാരുടെ സേവനവും ട്രാഫിക് എന്‍ഫോഴ്‌സ്‌മെന്റ് യൂണിറ്റിന്റെ സേവനവും പകല്‍ സമയങ്ങളില്‍ ഉണ്ടാകും. ആവശ്യമായ ദിശാബോര്‍ഡുകള്‍ സ്ഥാപിക്കാന്‍ പൊതുമരാമത്ത് റോഡ്‌സ് വിഭാഗത്തിനും മട്ടന്നൂര്‍ നഗരസഭയെയും ചുമതലപ്പെടുത്തി.മട്ടന്നൂര്‍ ടൗണില്‍ എത്തുന്ന അന്തര്‍സംസ്ഥാന ബസ്സുകള്‍ ബസ്റ്റാന്റില്‍ കയറാതെ പുറത്തുനിര്‍ത്തി യാത്രക്കാരെ കയറ്റുകയും ഇറക്കുകയും ചെയ്തുവരുന്നതായും അപകടങ്ങള്‍ വരുന്നതായും ശ്രദ്ധയില്‍പ്പെട്ടതിനാല്‍, എല്ലാ ബസ്സുകളും ബസ് സ്റ്റാന്റ് വഴി മാത്രം സര്‍വ്വീസ് നടത്തണം.
