പേരാവൂർ : മാലിന്യമുക്തം നവകേരളം ജനകീയ ക്യാമ്പയിന്റെ ഭാഗമായി ബ്ലോക്കിലെ ഏഴ് പഞ്ചായത്തുകളിലുള്ള 74 വിദ്യാലയങ്ങളും, അഞ്ച് കോളേജുകളും ഹരിതമായി മാറിയതിന്റെ ബ്ലോക്ക്‌തല പ്രഖ്യാപനം വ്യാഴാഴ്ച നടക്കും.വൈകിട്ട് മൂന്നിന് ജില്ലാ പഞ്ചായത്ത് പ്രസിഡന്റ് അഡ്വ. കെ. കെ.രത്നകുമാരി ഉദ്ഘാടനം ചെയ്യും, കലാലയങ്ങൾക്കുള്ള ഉപഹാരം ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബിനോയ്‌ കുര്യനും മാതൃക വിദ്യാലയങ്ങൾക്കുള്ള ഉപഹാരം പഞ്ചായത്ത് ജോയിന്റ് ഡയറക്റ്റർ ടി. ജെ.അരുണും, സർട്ടിഫിക്കറ്റ് വിതരണം ഉപജില്ല വിദ്യാഭ്യാസ ഓഫീസർ സി കെ സത്യനും നിർവഹിക്കും. ഹരിതകേരളം മിഷൻ ജില്ലാ കോർഡിനേറ്റർ ഇ.കെ. സോമശേഖരൻ പദ്ധതി വിശദീകരിക്കും.

പേരാവൂർ: കല്ലേരിമലയിൽ കെ.എസ്.ആർ.ടി.സി ബസുകൾ കൂട്ടിയിടിച്ച് നിരവധി യാത്രക്കാർക്ക് പരിക്ക്. മാനന്തവാടിയിലേക്ക് പോവുന്ന ബസും പയ്യാവൂർക്ക് പോവുന്ന ബസും കൂട്ടിയിടിക്കുകയായിരുന്നു. പരിക്കേറ്റവരെ പേരാവൂരിലെ വിവിധ ആസ്പത്രികളിൽ പ്രവേശിപ്പിച്ചു. ഇന്ന് വൈകിട്ട് മൂന്ന് മണിയോടെയാണ് അപകടം.

സെബാസ്റ്റ്യൻ ജോർജ് തയ്യാറാക്കിയ സ്മരണികയുടെ പ്രകാശനം ജിമ്മിയുടെ മൂത്ത സഹോദരൻ റിട്ട.ഐ.ജി ജോസ് ജോർജ് ജിമ്മിയുടെ കൊച്ചുമകൻ ജേക്കബ് ജോർജിന് കൈമാറി പ്രകാശനം ചെയ്യുന്നു

പേരാവൂർ: ജിമ്മിജോർജിന്റെ 37-ാം ചരമവാർഷികത്തോടനുബന്ധിച്ച് സഹോദരൻ സെബാസ്റ്റ്യൻ ജോർജ് തയ്യാറാക്കിയ സ്മരണികയുടെ പ്രകാശനം നടത്തി. ജിമ്മിയുടെ മൂത്ത സഹോദരൻ റിട്ട.ഐ.ജി ജോസ് ജോർജ് ജിമ്മിയുടെ കൊച്ചുമകൻ ജേക്കബ് ജോർജിന് കൈമാറി പ്രകാശനം നിർവഹിച്ചു.

പേരാവൂർ മേജർ ആർക്കി എപ്പിസ്‌കോപ്പൽ ആർച്ച് പ്രീസ്റ്റ് ഫാദർ മാത്യു തെക്കേമുറിയിൽ, ഫാദർ സനീഷ്, സെബാസ്റ്റ്യൻ ജോർജ്, ലൗലി ജോർജ്, ജോസഫ് ജോർജ്, ഫ്രാൻസിസ് ബൈജു ജോർജ്, സ്റ്റാൻലി ജോർജ്, ഡോ.ലില്ലി, കെ.ജെ.മേരി എന്നിവർ സംബന്ധിച്ചു.

1970 മുതലുള്ള ജോർജ് കുടുംബത്തിന്റെ ചരിത്രം, കായികരംഗത്ത് ജോർജ് ബ്രദേഴ്‌സ് നേടിയ നേട്ടങ്ങളുടെ വിശദവിവരങ്ങൾ, നാട്ടിലെ കായിക താരങ്ങൾക്കായി സ്ഥാപിച്ച ജിമ്മിജോർജ് സ്‌പോർട്‌സ് അക്കാദമി, അഞ്ജു-ബോബി സ്‌പോർട്‌സ് ഫൗണ്ടേഷൻ , ജിമ്മിജോർജ് പുരസ്‌കാര ജേതാക്കളായ 36 കായികതാരങ്ങളുടെ വിവരങ്ങൾ തുടങ്ങിയവ സ്മരണികയിൽ പ്രതിപാദിച്ചിട്ടുണ്ട്. കായിക താരങ്ങൾക്ക് റഫറൻസാക്കാനും സ്മരണിക ഉപകരിക്കും.