കൊ​ല്ലം: കു​വൈ​റ്റി​ലു​ണ്ടാ​യ വാ​ഹ​നാ​പ​ക​ട​ത്തി​ൽ മ​ല​യാ​ളി ഹോം ​ന​ഴ്സ് മ​രി​ച്ചു. കൈ​ത​ക്കോ​ട് വേ​ലം​പൊ​യ്ക മി​ഥു​ൻ ഭ​വ​ന​ത്തി​ൽ ജ​യ​കു​മാ​രി (51) ആ​ണ് മ​രി​ച്ച​ത്.ക​ഴി​ഞ്ഞ ദി​വ​സം ജോ​ലി​ക്കു പോ​കാ​നാ​യി ടാ​ക്സി​യി​ൽ സ​ഞ്ച​രി​ക്കു​മ്പോ​ൾ കു​വൈ​റ്റി​ലെ​ ഫ​ർ​വാ​നി​യ​യി​ൽവച്ച് മ​റ്റൊ​രു വാ​ഹ​ന​വു​മാ​യി കൂ​ട്ടി​യി​ടി​ച്ചാ​ണ് അ​പ​ക​ടം. കൊ​ല്ലം ജി​ല്ലാ പ്ര​വാ​സി സ​മാ​ജം കു​വൈ​റ്റ് അ​ബ്ബാ​സി​യ നി​ർ​വാ​ഹ​ക സ​മി​തി​യം​ഗ​മാ​യ ജ​യ​കു​മാ​രി കു​വൈ​റ്റി​ൽ ത​ന്നെ ജോ​ലി ചെ​യ്യു​ന്ന സ​ഹോ​ദ​രി​യോ​ടൊ​പ്പ​മാ​യി​രു​ന്നു താ​മ​സം.ഭ​ർ​ത്താ​വ് : പ​രേ​ത​നാ​യ ബാ​ബു. മ​ക്ക​ൾ: പ​രേ​ത​നാ​യ മി​ഥു​ൻ, മീ​ദു. മ​രു​മ​ക​ൻ രാ​ഹു​ൽ.

മുംബൈ: പ്രായപൂര്‍ത്തിയാകാത്ത ഭാര്യയുമായി ഉഭയസമ്മതത്തോടെയുള്ള ലൈംഗിക ബന്ധം ബലാത്സംഗത്തിന്റെ പിരധിയില്‍ വരുമെന്ന് ബോംബെ ഹൈക്കോടതി. ഭാര്യയുടെ ബലാത്സംഗ പരാതിയില്‍ യുവാവിന് 10 വര്‍ഷം തടവ് വിധിച്ച് നാഗ്പുര്‍ ബെഞ്ചാണ് ഈ സുപ്രധാന നിരീക്ഷണം നടത്തിയത്.

18 വയസിന് താഴെയുള്ള പെണ്‍കുട്ടിയുമായി ലൈംഗിക ബന്ധത്തില്‍ ഏര്‍പ്പെടുന്നത് അവള്‍ വിവാഹിതയാണോ അല്ലയോ എന്നത് പരിഗണിക്കാതെ തന്നെ ബലാത്സംഗമാണെന്ന് പ്രസ്താവിക്കേണ്ടതുണ്ടെന്ന് ജസ്റ്റിന് ജി.എ സനപ് അധ്യക്ഷനായ ബെഞ്ച് വ്യക്തമാക്കി. പ്രതിയും ഇരയും ഈ ബന്ധത്തില്‍ ജനിച്ച ആണ്‍കുഞ്ഞിന്റെ മാതാപിതാക്കളാണെന്ന് ഡിഎന്‍എ റിപ്പോര്‍ട്ട് സ്ഥിരീകരിച്ചതായും ബെഞ്ച് നിരീക്ഷിച്ചു.

ഭാര്യയുടെയോ ഭാര്യയെന്ന് അവകാശപ്പെടുന്ന പെണ്‍കുട്ടിയുടെയോ പ്രായം 18 വയസ്സിന് താഴെയായിരിക്കുമ്പോള്‍ ഉഭയസമ്മതത്തോടെയുള്ള ലൈംഗിക ബന്ധമെന്ന വാദത്തിന്‌ നിയമപരമായി സാധ്യമല്ലെന്നും കോടതി വ്യക്തമാക്കി. പ്രതിക്ക് കീഴ്‌ക്കോടതി വിധിച്ച 10 വര്‍ഷത്തെ കഠിന തടവും ബെഞ്ച് ശരിവെച്ചു.

പരാതിക്കാരിയായ പെണ്‍കുട്ടിയെ യുവാവ് നിര്‍ബന്ധിത ലൈംഗികബന്ധത്തിന് ഇരയാക്കിയെന്നതാണ് കേസ്. പീഡനം നടക്കുമ്പോള്‍ യുവതിക്ക് പ്രായപൂര്‍ത്തിയായിരുന്നില്ല. എന്നാല്‍ ഈ ബന്ധത്തില്‍ യുവതി ഗര്‍ഭിണിയാകുകയും യുവാവ് പിന്നീട് പരാതിക്കാരിയെ വിവാഹം ചെയ്യുകയുമായിരുന്നു. എന്നാല്‍ ദാമ്പത്യബന്ധം വഷളായതോടെ യുവതി ഇയാള്‍ക്കെതിരേ പരാതി നല്‍ക്കുകയായിരുന്നു.

കണ്ണൂർ:പൊതുവിദ്യാഭ്യാസ വകുപ്പ് സമഗ്രശിക്ഷാ കേരളം ജില്ലാ സ്‌പെസിഫിക്‌ ഇന്നൊവേറ്റീവ് പ്രോഗ്രാമിന്റെ ഭാഗമായി രൂപീകരിച്ച ഭിന്നശേഷി കുട്ടികളുടെ സംഗീത ട്രൂപ്പ് ‘രാഗലയം’ കെ വി സുമേഷ് എംഎൽഎ ഉദ്ഘാടനംചെയ്തു. ഡിഡിഇ ബാബു മഹേശ്വരി പ്രസാദ് അധ്യക്ഷനായി. നടൻ സന്തോഷ് കീഴാറ്റൂർ മുഖ്യാതിഥിയായി. രാഗലയം ട്രൂപ്പിന്റെ എംബ്ലം അസി. കലക്ടർ ഗ്രന്ഥേ സായികൃഷ്ണ, സന്തോഷ് കീഴാറ്റൂർ എന്നിവർ പ്രകാശിപ്പിച്ചു. ലോഗോ രൂപകൽപ്പനചെയ്ത കെ ഷിബിനെയും സംസ്ഥാന കായികമേളയിൽ മികച്ചപ്രകടനം നടത്തിയ ഇൻക്ലൂസീവ് സ്‌പോർട്‌സ് ടീമംഗങ്ങളെയും അനുമോദിച്ചു.
വിഎച്ച്എസ്ഇ അസി. ഡയരക്ടർ ഇ ആർ ഉദയകുമാരി, എസ്എസ്‌കെ ജില്ലാ പ്രൊജക്ട് കോ–- ഓഡിനേറ്റർ ഇ സി വിനോദ്, ഡിപിഒമാരായ ഡോ. പി കെ സബിത്ത്, രാജേഷ് കടന്നപ്പള്ളി, കൈറ്റ് ജില്ലാ കോ–-ഓഡിനേറ്റർ കെ സുരേന്ദ്രൻ, ഡിഇഒ കെ പി നിർമല, എഇഒ ഒ സി പ്രസന്ന, എസ്‌ വൈ ഷൂജ, പരിശീലകൻ പ്രമോദ് ജി ഗോവിന്ദ്, ഇൻക്ലൂസീവ് സ്‌പോർട്‌സ് എസ്ആർജി വി വി നിഷ, കെ അനന്യ, ഇൻക്ലൂസീവ് സ്‌പോർട്‌സ് ടീം ക്യാപ്റ്റൻ ആൽബിൻരാജ് എന്നിവർ പങ്കെടുത്തു. ജില്ലയുടെ വിവിധ ഭാഗങ്ങളിൽനിന്നുള്ള 19 കുട്ടികളാണ് ട്രൂപ്പിലുള്ളത്.