ജൂനിയർ റിസർച്ച് ഫെലോ ഒഴിവിലേക്ക് അപേക്ഷിക്കാം, കാലിക്കറ്റ് സര്‍വകലാശാല വാര്‍ത്തകള്‍
മൂല്യനിർണയ ക്യാമ്പിൽ മാറ്റം
16 മുതൽ 20 വരെ നടത്താനിരുന്ന ഒന്നാം സെമസ്റ്റർ യു.ജി. റെഗുലർ/സപ്ലിമെന്ററി/ ഇംപ്രൂവ്മെൻറ് കേന്ദ്രീകൃത മൂല്യനിർണയ ക്യാമ്പുകളായി തിരഞ്ഞെടുക്കപ്പെട്ട ഗവ. കോളേജ് മലപ്പുറം, ഗവ. വിക്ടോറിയ കോളേജ് എന്നിവ യഥാക്രമം എൻ.എസ്.എസ്. കോളേജ് മഞ്ചേരി, മേഴ്സി കോളേജ് പാലക്കാട് എന്നിവയിലേക്ക് മാറ്റി.
ബി.ടെക്. പ്രവേശനം
കാലിക്കറ്റ് സർവകലാശാലാ ഇൻസ്റ്റിറ്റ്യൂട്ട് ഓഫ് എൻജിനീയറിങ് ടെക്നോളജിയിൽ 2024-25 വർഷത്തെ പ്രവേശനത്തിനായി ഹെൽപ്പ് ഡെസ്‌ക്‌ ആരംഭിച്ചു.
കംപ്യൂട്ടർ സയൻസ് ആൻഡ് എൻജിനീയറിങ്, ഇലക്‌ട്രോണിക്സ് ആൻഡ് കമ്യൂണിക്കേഷൻ, ഇലക്‌ട്രോണിക്സ് ആൻഡ് കംപ്യൂട്ടർ സയൻസ് എൻജിനീയറിങ്, ഇലക്‌ട്രിക്കൽ ആൻഡ് ഇലക്‌ട്രോണിക്സ്, മെക്കാനിക്കൽ, പ്രിന്റിങ് ടെക്നോളജി എന്നീ ബ്രാഞ്ചുകളിലേക്കുള്ള പ്രവേശനത്തിനായാണ് ഹെൽപ്പ് ഡെസ്‌ക്‌. കീം എഴുതാത്തവർക്കും പ്രവേശനം നേടാം. ഫോൺ: 9567172591.
ജൂനിയർ റിസർച്ച് ഫെലോ
ബോട്ടണി പഠനവകുപ്പിൽ ഡി.എസ്.ടി.- എസ്.ഇ.ആർ.ബി. കോർ റിസർച്ച് ഗ്രാന്റ് (സി.ആർ.ജി.) പ്രോജക്ടിനു കീഴിൽ ജൂനിയർ റിസർച്ച് ഫെലോയുടെ ഒരു ഒഴിവിലേക്ക് അപേക്ഷിക്കാം. കാലാവധി മൂന്നുവർഷം. അവസാന തീയതി 24. കൂടുതൽ വിവരങ്ങൾക്ക്: ഡോ. സി. പ്രമോദ്, ഇ-മെയിൽ: cpramod4@gmail.com, ഫോൺ: 9446992507.
പരീക്ഷാഫലം
എസ്.ഡി.ഇ. ഒന്നാം സെമസ്റ്റർ എം.എ. ഇക്കണോമിക്സ് നവംബർ 2023, 2022 പരീക്ഷാഫലം പ്രസിദ്ധീകരിച്ചു. പുനർമൂല്യനിർണയം 24 വരെ.
