ടൂറിസ്റ്റ് ബസും ലോറിയും കൂട്ടിയിടിച്ച് അപകടം; 20 വിദ്യാര്‍ഥികള്‍ക്ക് പരിക്ക്
പെരുമ്പാവൂർ: എറണാകുളം പെരുമ്പാവൂരില്‍ ടൂറിസ്റ്റ് ബസും ലോറിയും കൂട്ടിയിടിച്ച് അപകടം. അപകടത്തില്‍ 20 വിദ്യാര്‍ഥികള്‍ക്ക് പരിക്കേറ്റു. അഞ്ച് പേരുടെ നില ഗുരുതരമാണ്‌. പെരുമ്പാവൂര്‍ സിഗ്‌നല്‍ ജംഗ്ഷനിലാണ് അപകടം നടന്നത്. ഇന്ന് പുലര്‍ച്ചെ 2.15നാണ് അപകടമുണ്ടായത്.
കൊണ്ടോട്ടി ആര്‍ട്‌സ് ആന്‍ഡ് സയന്‍സ് കോളേജിലെ വിദ്യാര്‍ഥികളുമായി വിനോദ യാത്രപോയി തിരികെ വന്ന ബസാണ് അപകടത്തില്‍പെട്ടത്. മൂന്നാറില്‍ നിന്ന് വിനോദ യാത്ര കഴിഞ്ഞ് കൊണ്ടോട്ടിയിലേക്ക് തിരിച്ച് പോകുന്നതിനിടെയായിരുന്നു അപകടം.
മൂവാറ്റുപ്പുഴ ഭാഗത്തേക്ക് പോകുന്ന ലോറിയുമായി ബസ് കൂട്ടിയിടിക്കുകയായിരുന്നു. പരിക്കേറ്റ വിദ്യാര്‍ഥികളെ എറണാകുളം രാജഗിരി ആശുപത്രിയിലേക്കും പെരുമ്പാവൂരിലെ സ്വകാര്യ ആശുപത്രിയിലേക്കും മാറ്റി.
