പഴയ പാഠ പുസ്തകങ്ങള് ഇനി ഒറ്റ ക്ലിക്കില്
പഴയ പാഠപുസ്തകങ്ങള് ഡിജിറ്റലൈസ് ചെയ്ത് പൊതുവിദ്യാഭ്യാസ വകുപ്പ്. 1896 മുതല് പ്രസിദ്ധീകരിച്ചിട്ടുള്ള വിവിധ വിഷയങ്ങളിലെ പാഠപുസ്തകങ്ങളാണ് ഡിജിറ്റലൈസ് ചെയ്തത്. 1896 മുതല് പ്രസിദ്ധീകരിച്ചിട്ടുള്ള വിവിധ വിഷയങ്ങളിലെ പാഠപുസ്തകങ്ങള് ഇനി വിരല്ത്തുമ്പിലെന്ന് മന്ത്രി ശിവന്കുട്ടി അറിയിച്ചു.
ലൈബ്രറിക്ക് അനുബന്ധമായി ടെക്സ്റ്റ് ബുക്ക് ആര്ക്കൈവ്സും നിലവിലുണ്ട്. നിരവധി വര്ഷങ്ങളായി പൊതുവിദ്യാഭ്യാസ വകുപ്പ് പ്രസിദ്ധീകരിച്ചിട്ടുള്ള പാഠപുസ്തകങ്ങളാണ് ഇവിടെ സൂക്ഷിച്ചിട്ടുള്ളത്. കാലപ്പഴക്കം കൊണ്ട് പല പുസ്തകങ്ങളും ഉപയോഗ ശൂന്യമാകാന് സാധ്യതയുണ്ട്. ഇക്കാര്യം എസ്.സി.ഇ.ആര്.ടി. ഗവേണിംഗ് ബോഡി യോഗം വിശദമായി ചര്ച്ച ചെയ്യുകയും നിലവിലെ ആര്ക്കൈവ്സ് ഡിജിറ്റലൈസ് ചെയ്യുന്നതിന് തീരുമാനം കൈക്കൊള്ളുകയും ചെയ്തു.
ഇതിന്റെ ഭാഗമായി നിലവില് 1250ലധികം പാഠപുസ്തകങ്ങളാണ് ഡിജിറ്റലൈസ് ചെയ്തിട്ടുള്ളത്. 1896 മുതല് പ്രസിദ്ധീകരിച്ചിട്ടുള്ള വിവിധ വിഷയങ്ങളിലെ പാഠപുസ്തകങ്ങളുടെ ഏകദേശം 1,50,000 പേജുകള് ഇതിനോടകം ഡിജിറ്റലൈസ് ചെയ്തു കഴിഞ്ഞു.ഈ പ്രവര്ത്തനം ഇനിയും തുടരേണ്ടതുണ്ട്.ഡിജിറ്റലൈസ് ചെയ്ത പുസ്തകങ്ങള് പൊതുജനങ്ങള്ക്ക് ഓണ്ലൈനായി ലഭ്യമാക്കുന്നതിനുള്ള നടപടി സ്വീകരിക്കുകയാണെന്ന് വിദ്യാഭ്യാസ വകുപ്പ് അറിയിച്ചു.
