റേഷൻ വാങ്ങുന്നവര്‍ക്ക് ആശ്വാസ വാര്‍ത്ത; ട്രാൻസ്പോര്‍ട്ടേഷൻ കരാറുകാര്‍ അനിശ്ചിതകാല സമരം പിൻവലിച്ചു
സംസ്ഥാനത്തെ റേഷൻ വിതരണവും സംഭരണവും ഇന്ന് മുതല്‍ പൂര്‍ണ തോതില്‍ നടക്കും. റേഷൻ വാങ്ങുന്നവര്‍ക്ക് ആശ്വാസമാകുന്ന വാര്‍ത്തയാണ് റേഷൻ ട്രാൻസ്പോര്‍ട്ടേഷൻ കരാറുകാരില്‍ നിന്നും ഉണ്ടായിരിക്കുന്നത്.
ദിവസങ്ങളായി നടത്തിവന്നിരുന്ന അനിശ്ചിതകാല സമരം റേഷൻ ട്രാൻസ്പോര്‍ട്ടേഷൻ കരാറുകാര്‍ പിൻവലിച്ചു. നവംബര്‍ മാസം വരെയുള്ള കുടിശ്ശിക കിട്ടിയതോടെയാണ് തീരുമാനമെന്ന് റേഷൻ ട്രാൻസ്പോര്‍ട്ടേഷൻ കരാറുകാരുടെ സംഘടന അറിയിച്ചു. ഇതോടെ ഇന്നുമുതല്‍ സംസ്ഥാനത്ത് റേഷൻ വിതരണവും സംഭരണവും പൂര്‍ണ തോതില്‍ പുനഃരാരംഭിക്കുമെന്നാണ് വ്യക്തമാകുന്നത്.
