പോസ്റ്റ് മെട്രിക് സ്‌കോളര്‍ഷിപ്പ് : അപേക്ഷ ക്ഷണിച്ചു
കേന്ദ്ര സംസ്ഥാന സര്‍ക്കാരുകള്‍ സംയുക്തമായി പിന്നാക്ക വിഭാഗ വികസന വകുപ്പ് മുഖേന നടപ്പാക്കുന്ന പി.എം. വൈ.എ.എസ്.എ.എസ്. വി. ഐ ഒ. ബി. സി, ഇ. ബി. സി പോസ്റ്റ് മെട്രിക് സ്‌കോളര്‍ഷിപ്പ് പദ്ധതിയിലേക്ക് അപേക്ഷ ക്ഷണിച്ചു. സര്‍ക്കാര്‍/ എയ്ഡഡ് സ്‌കൂളുകളിലെ ഹയര്‍സെക്കണ്ടറി/ വെക്കേഷണല്‍ ഹയര്‍ സെക്കണ്ടറി, സി. എ/ സി. എം .എ/ സി. എസ് (ഫൗണ്ടേഷന്‍ കോഴ്സുകള്‍ ഒഴികെ), സംസ്ഥാനത്തിനകത്തെ കേന്ദ്ര സ്ഥാപനങ്ങളിലെ വിവിധ പോസ്റ്റ് മെട്രിക് കോഴ്സുകള്‍, സംസ്ഥാനത്തിന് പുറത്തെ ദേശീയ പ്രാധാന്യമുള്ള വിദ്യാഭ്യാസ സ്ഥാപനങ്ങളിലോ മറ്റ് സര്‍ക്കാര്‍ സ്ഥാപനങ്ങളിലോ ബിരുദ ബിരുദാന്തര കോഴ്സുകള്‍ക്ക് മെറിറ്റ് / റിസര്‍വേഷനില്‍ പ്രവേശനം നേടിയ പിന്നാക്ക വിഭാഗത്തില്‍പ്പെട്ടവര്‍ക്ക് അപേക്ഷിക്കാം. കുടുംബ വാര്‍ഷിക വരുമാനം 2.5 ലക്ഷം രൂപയില്‍ കൂടരുത്. വിശദ വിവരങ്ങള്‍ www.egrantz.kerala.gov.in, www.bcdd.kerala.gov.in ല്‍ ലഭിക്കും. ഡിസംബര്‍ 15നകം അപേക്ഷ സമര്‍പ്പിക്കണം. ഫോണ്‍: 0495 2377786.
