മുൻ കേന്ദ്രമന്ത്രി ഇ.വി.കെ.എസ്‌.ഇളങ്കോവൻ അന്തരിച്ചു
ചെന്നൈ: മുൻ കേന്ദ്രമന്ത്രി ഇ.വി.കെ.എസ്‌.ഇളങ്കോവൻ അന്തരിച്ചു. ചെന്നൈയിൽ രാവിലെ 10:15നായിരുന്നു അന്ത്യം.മൻമോഹൻ സിംഗ് സർക്കാരിൽ ടെക്സ്റ്റെയിൽസ് സഹമന്ത്രി ആയിരുന്ന അദ്ദേഹം തമിഴ്നാട് പിസിസി മുൻ അധ്യക്ഷനുമായിരുന്നു. നിലവിൽ ഈറോഡ് ഈസ്റ്റിലെ എംഎൽഎ ആണ്. മകൻ തിരുമകൻ മരിച്ച ഒഴിവിൽ 2023 ജനുവരിയിൽ നടന്ന ഉപതെരഞ്ഞെടുപ്പിലൂടെയാണ് എംഎൽഎ ആയത്.ജയലളിതയുടെ വിമർശകൻ ആയി ശ്രദ്ധിക്കപ്പെട്ട നേതാവാണ് ഇളങ്കോവന്‍. നെഹ്റു കുടുംബത്തോട് അടുപ്പം പുലർത്തിയ നേതാവായിരുന്നു അദ്ദേഹം. 2014ൽ രാഹുൽ ഗാന്ധി പിസിസി അധ്യക്ഷൻ ആയി നിയമിച്ചു. എ.കെ.ആന്‍റണി സമിതിയുടെ റിപ്പോർട്ടിനെ തുടർന്നായിരുന്നു നിയമനം.
