ഓൺലൈൻ കച്ചവടത്തിൽ യുവാവിന് 24 ലക്ഷം നഷ്ടമായി
കാസർകോട് : വൻ ലാഭം മോഹിച്ച്ഓൺലൈൻ കച്ചവടത്തിൽ നിക്ഷേപിച്ച യുവാവിന്റെ 24 ലക്ഷം രൂപ നഷ്ടമായി. കാഞ്ഞങ്ങാട് അതിയാമ്പൂർ കാലിക്കടവിലെ പി ബിജുവിനാണ് പണം നഷ്ടമായത്. അപ് സ്റ്റോക്സ് എന്ന വ്യാജ ഓൺലൈൻ അപ്ലിക്കേഷനിലൂടെയാണ് യുവാവിന്റെ പണം നഷ്ടമായത്. മെയ് എട്ട് മുതൽ ജൂൺ 18 വരെയുള്ള വിവിധ ദിവസങ്ങളിലായാണ് ബിജു അപ്ലിക്കേഷൻ വഴി പണം നിക്ഷേപിച്ചത്. എന്നാൽ പലിശയോ മുടക്കുമുതലോ കിട്ടാതെ വന്നതോടെയാണ് ബിജു ഹോസ്ദുർഗ് പോലീസിൽ പരാതി നൽകിയത്. പോലീസ് കേസെടുത്ത് അന്വേഷണം ആരംഭിച്ചു
