കോളയാട്: പഞ്ചായത്ത് പരിധിയിൽ സ്വകാര്യ സ്ഥലത്ത് അപകടാവസ്ഥയിലുള്ള മരങ്ങൾ ഉടമകളുടെ ഉത്തരവാദിത്വത്തിൽ മുറിച്ചു മാറ്റണമെന്ന് പഞ്ചായത്ത് സെക്രട്ടറി അറിയിച്ചു. അല്ലാത്തപക്ഷം ഇത്തരം മരങ്ങൾകൊണ്ടുണ്ടാകുന്ന അപകടങ്ങൾക്ക് സ്ഥലമുടമ ഉത്തരവാദിയായിരിക്കുമെന്നും സെക്രട്ടറി അറിയിച്ചു.

കോളയാട് : പള്ളിപ്പാലം-വായന്നൂർ-വേക്കളം റോഡ് പ്രവൃത്തി നടക്കുന്നതിനാല്‍ ഇന്ന് മുതല്‍ 14 വരെ ഇതുവഴിയുളള വാഹനഗതാഗതം പൂര്‍ണമായും നിരോധിച്ചു. വാഹനങ്ങള്‍ വെള്ളര്‍വള്ളി-വായന്നൂര്‍ റോഡ്, മണ്ഡപം-കുനിത്തല റോഡ്, പുത്തലം കോറ റോഡ് എന്നിവയും മറ്റ് അനുബന്ധ റോഡുകളും ഉപയോഗിക്കണമെന്ന് തലശ്ശേരി പൊതുമരാമത്ത് നിരത്തുകള്‍ ഉപവിഭാഗം അസി.എക്‌സിക്യൂട്ടീവ് എഞ്ചിനീയര്‍ അറിയിച്ചു.

കോളയാട്: കോളയാട് മഖാം ഉറൂസ് സമാപിച്ചു. സമാപന സമ്മേളനത്തിൽ വളവിൽ മൂസ അധ്യക്ഷത വഹിച്ചു. ലുഖ്മാനുൽ ഹക്കീം സഖാഫി പുല്ലാര മുഖ്യ പ്രഭാഷണം നടത്തി. പി. മഹറൂഫ്, സലാം വായന്നൂർ, പി. മുസ്തഫ, എ.പി. ഇബ്രാഹിം ഹാജി, കെ.കെ. മുഹമ്മദ് ഹാജി, ഒ.കെ. അഷറഫ്, എം.കെ. കാദർഹാജി, അലി അക്ബർ സഖാഫി എന്നിവർ സംസാരിച്ചു.

മുഹയുദ്ധീൻ മുസ്ല്യാർ പ്രാർത്ഥനകൾക്കും ഹാദിനഭാൻ ഖിറാഅത്തിനും മഹല്ല് ഖത്തീബ് അബ്ദുൾ നാസർ ദാരിമി കട്ടിപ്പാറ ദിഖ്‌റ ദുആ മജ്‌ലീസിനും നേതൃത്വം നൽകി.