Connect with us

THALASSERRY

ചായക്കൂട്ടുകളിൽ തെളിയുന്നു ശുചിത്വ സന്ദേശം

Published

on

Share our post

തലശേരി : തെളിഞ്ഞ നീലാകാശത്തിന്‌ കീഴിൽ ചായക്കൂട്ടുകളുടെ മാസ്‌മരിക ഭംഗിയിൽ തലശേരി പുതിയ സ്‌റ്റാൻഡ്‌. ശുചിത്വ സന്ദേശം വരയിലൂടെ തെളിയുകയാണിവിടെ. കൊച്ചുകുഞ്ഞുങ്ങൾക്കുപോലും ഇത്തരം ചിത്രങ്ങൾ പകരുന്ന പാഠം മനസിലാക്കാനാകും. ബസ് സ്റ്റാൻഡിലൂടെ കടന്നുപോകുന്ന ഏതൊരാൾക്കും ഒരു നിമിഷം ഈ ചിത്രങ്ങൾ കണ്ണിലുടക്കും. അതിന്റെ മനോഹാരിതക്കൊപ്പം ശുചിത്വമെന്ന അവബോധവും മനസ്സിൽ വരച്ചിടും.  

പ്രകൃതിയെ നമ്മുടെ ഹൃദയത്തോട്‌ ചേർത്തുനിർത്തേണ്ടതിന്റെ ആവശ്യകത പറയുകയാണ്‌ സസ്യലതകൾക്കിടയിലെ ഹൃദയം. ചുറ്റുവട്ടം വൃത്തിയായി സൂക്ഷിക്കുമ്പോഴും നമ്മുടെ ജലസ്രോതസ്സുകൾ മലിനമാക്കപ്പെടുന്നുണ്ടെന്ന സത്യത്തിലേക്കും ഈ ചിത്രങ്ങൾ കാഴ്‌ചക്കാരെ നയിക്കും. വളരെ ലളിതമായി മാലിന്യംകൊണ്ടിടാനുള്ള നിർദേശചിത്രങ്ങളും വരച്ചിട്ടുണ്ട്‌. ഇന്ത്യൻ സ്വച്ഛതാ ലീഗിന്റെ ഭാഗമായി നഗരസഭയ്‌ക്കുവേണ്ടിയാണ്‌ ഒരുകൂട്ടം കലാകാരന്മാർ തലശേരി പുതിയസ്‌റ്റാൻഡ്‌ പരിസരത്ത്‌ ആൽത്തറയിൽ വരകളാൽ വർണ വസന്തം തീർത്തത്. വരയുടെ വർണലോകമെന്ന വാട്സാപ് കൂട്ടായ്മയിലെ കലാകാരന്മാരാണ് സൗജന്യമായി ചിത്രങ്ങൾ വരച്ചത്.

നാല്‌ വർഷമായി കലാരംഗത്ത് പ്രവർത്തിക്കുന്ന പരപ്പനങ്ങാടി സ്വദേശി കെ.പി. രബിത്ത്, ഇവന്റ് മാനേജ്മെന്റിന്റെ ഭാഗമായ മലപ്പുറം സ്വദേശി എം.ആർ. നിഖിൽ, കോടിയേരി സ്വദേശി സൗരാഗ് കൃഷ്ണ, കോളേജ്‌ വിദ്യാർഥികളായ യു. സ്വാതി, പൊന്ന്യത്തെ പി.കെ. അനഘ, സഹോദരി പി.കെ. ദീപിക എന്നിവർ ചേർന്നാണ് നഗരഹൃദയത്തിൽ ശുചിത്വ സന്ദേശ ചുവർചിത്രങ്ങൾ ഒരുക്കിയത്. സ്കൂളുകളിലും ആശുപത്രികളിലും മറ്റ് പൊതുസ്ഥലങ്ങളിലും ചിത്രങ്ങൾ വരയ്ക്കാൻ താൽപ്പര്യമുണ്ടെന്നും കേരളത്തിലുടനീളം ഇത്തരം സേവനപ്രവർത്തനങ്ങൾ തുടരുകയാണ്‌ വരയുടെ വർണലോകം കൂട്ടായ്മയുടെ ലക്ഷ്യമെന്നും ഇവർ പറയുന്നു.


Share our post

THALASSERRY

നിരീക്ഷണ കാമറകളെത്തി; തലശ്ശേരി കടല്‍ത്തീരത്തെ മാലിന്യം തള്ളല്‍ നിലച്ചു

Published

on

Share our post

തലശ്ശേരി : നിരീക്ഷണ കാമറകള്‍ വന്നതോടെ തലശ്ശേരി കടല്‍ത്തീരത്തെ മാലിന്യം തള്ളലിന് അറുതിയായി. മാർച്ച്‌ 27നാണ് കടല്‍ത്തീരത്ത് അത്യാധുനിക നിരീക്ഷണ കാമറകള്‍ സ്ഥാപിച്ചത്. ഒരു ഓട്ടോമാറ്റിക് നമ്ബർ പ്ലേറ്റ് റീഡിങ്ങ് കാമറ ഉള്‍പ്പെടെ അഞ്ച് കാമറകളാണ് തലശ്ശേരി കടല്‍പ്പാലം മുതല്‍ മത്സ്യമാർക്കറ്റ് വരെയുള്ള പരിധിയില്‍ സ്ഥാപിച്ചത്. മാലിന്യം തളളുന്നവരെ കണ്ടെത്തി പിഴ ഉള്‍പ്പെടെ കർശന നടപടികള്‍ ചുമത്തുന്നതിന് നഗരസഭയാണ് കാമറകള്‍ സ്ഥാപിച്ചത്.കടല്‍പാലം പരിസരത്തെ പൊലീസ് എയ്ഡ് പോസ്റ്റിലാണ് കാമറയിലെ നിരീക്ഷണം നടക്കുന്നത്. വാഹനങ്ങളില്‍ കൊണ്ടുവന്നാണ് കാലങ്ങളായി കടല്‍ത്തീരത്ത് ആളുകള്‍ മാലിന്യം തളളിയിരുന്നത്. അറവുമാലിന്യങ്ങളും ആഴുകിയ പഴവർഗങ്ങളും ഹോട്ടല്‍ മാലിന്യങ്ങളുമടക്കം ഇവിടെ നിക്ഷേപിക്കുന്നത് പതിവായിരുന്നു. ഇക്കാരണത്താല്‍ കടല്‍ത്തീരത്ത് നായ ശല്യവും വ്യാപകമാണ്.കടല്‍ക്കരയില്‍ മാലിന്യം തള്ളുന്നത് പതിവായതോടെയാണ് നിരീക്ഷണ കാമറകള്‍ സ്ഥാപിക്കാൻ നഗരസഭ അധികൃതർ മുന്നോട്ടുവന്നത്. വ്യാപാരികളുടെ സഹകരണത്തോടെയാണ് കാമറകള്‍ സ്ഥാപിച്ചത്. കാമറയില്‍ കുടുങ്ങി പിടിവീഴുമെന്ന് തോന്നിയതോടെ മാലിന്യം തളളുന്നവർ പിറകോട്ടു വലിഞ്ഞു. തമിഴ് നാട്ടില്‍ നിന്നടക്കം മത്സ്യം കയറ്റിയെത്തുന്ന ലോറിയുള്‍പ്പെടെയുള്ള വാഹനങ്ങളില്‍ നിന്നുള്ള മലിന ജലം കടപ്പുറം റോഡില്‍ ഒഴുക്കിവിടുന്നതിനും നിരീക്ഷണ കാമറകള്‍ വന്നതോടെ പരിഹാരമായി. മത്സ്യം കയറ്റിപ്പോകുന്ന വാഹനങ്ങളില്‍ നിന്നുള്ള മലിനജലം പുറത്തേക്കൊഴുക്കുന്നതും ഇവിടെ പതിവായിരുന്നു. മലിനജലം കുത്തിയൊഴുകിയ റോഡുകള്‍ കഴിഞ്ഞ ദിവസം മുതല്‍ ക്ലീനാണ്. പൊലീസിന്റെ സഹായത്തോടെയാണ് കടല്‍തീരത്ത് മാലിന്യം തള്ളുന്നവർക്കെതിരെ നഗരസഭ നടപടി കർശനമാക്കിയത്. ഇക്കാര്യത്തില്‍ ഒരു വിട്ടുവീഴ്ചയും വേണ്ടെന്ന് നിയമസഭ സ്പീക്കർ എ.എൻ. ഷംസീർ പൊലീസിനും നിർദേശം നല്‍കിയിട്ടുണ്ട്.


Share our post
Continue Reading

THALASSERRY

പോക്സോ കേസിൽ മുങ്ങിയ പ്രതി പിടിയിൽ

Published

on

Share our post

ത​ല​ശ്ശേ​രി: പോ​ക്സോ കേ​സി​ലെ പ്ര​തി​യെ ത​മി​ഴ്നാ​ട്ടി​ലെ തി​രു​പ്പൂ​ർ ജി​ല്ല​യി​ലെ ധാ​രാ​പു​രം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ നി​ന്ന് പി​ടി​കൂ​ടി. 2016 ൽ ​ത​ല​ശ്ശേ​രി സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ലെ പ്ര​തി ത​ല​ശ്ശേ​രി ഗോ​പാ​ല​പേ​ട്ട​യി​ലെ സ​ത്താ​റി​നെ​യാ​ണ് ത​ല​ശ്ശേ​രി പൊ​ലീ​സ് സ്റ്റേ​ഷ​നി​ലെ എ​ൽ.​പി വാ​റ​ന്റ് അ​ന്വേ​ഷി​ക്കു​ന്ന സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പി. ​റി​ജി​ൽ, സി.​കെ. നി​ധി​ൻ എ​ന്നി​വ​രു​ടെ സ​മ​ർ​ഥ​മാ​യ അ​ന്വേ​ഷ​ണ​ത്തി​ലൂ​ടെ പി​ടി​കൂ​ടി​യ​ത്. കേ​സ് ര​ജി​സ്റ്റ​ർ ചെ​യ്ത​തി​ന് ശേ​ഷം പ്ര​തി​യെ പി​ടി​കൂ​ടാ​നാ​കാ​തെ അ​ബ്സ്കോ​ണ്ടി​ങ് ചാ​ർ​ജ് കൊ​ടു​ത്ത​തി​ന് ശേ​ഷം ഒ​മ്പ​ത് വ​ർ​ഷ​ത്തി​ല​ധി​ക​മാ​യി മു​ങ്ങി ന​ട​ക്കു​ക​യാ​യി​രു​ന്നു പ്ര​തി.പ്ര​തി​യു​ടെ ഒ​രു ഫോ​ട്ടോ പോ​ലും ല​ഭി​ച്ചി​രു​ന്നി​ല്ല. എ​ങ്ങ​നെ​യെ​ങ്കി​ലും പ്ര​തി​യെ ക​ണ്ടെ​ത്ത​ണ​മെ​ന്ന ഉ​റ​ച്ച തീ​രു​മാ​ന​ത്തി​ൽ നി​ര​ന്ത​ര​മാ​യ പ​രി​ശ്ര​മ​ത്തി​ന്റെ ഫ​ല​മാ​യി നൂ​റു​ക​ണ​ക്കി​ന് സ​ത്താ​റു​മാ​രെ ഐ.​സി.​ജെ.​എ​സി​ൽ പ​രി​ശോ​ധി​ച്ച​തി​ൽ​നി​ന്നാ​ണ് ഇ​തേ പേ​രി​ലു​ള്ള ഒ​രാ​ൾ കോ​യ​മ്പ​ത്തൂ​ർ ജ​യി​ലി​ൽ ത​ട​വു​കാ​ര​നാ​യി​രു​ന്ന വി​വ​രം ല​ഭി​ച്ച​ത്.കോ​യ​മ്പ​ത്തൂ​ർ ജ​യി​ലി​ൽ അ​ന്വേ​ഷി​ച്ച​തി​ൽ ത​മി​ഴ്നാ​ട്ടി​ലെ പൊ​ള്ളാ​ച്ചി സി​വി​ൽ സ​പ്ലൈ സി.​ഐ.​ഡി സ്റ്റേ​ഷ​നി​ലെ കേ​സി​ലാ​ണ് ഇ​യാ​ൾ ജ​യി​ലി​ൽ കി​ട​ന്ന​തെ​ന്ന് മ​ന​സ്സി​ലാ​യി. ജ​യി​ലി​ൽ നി​ന്നും പ്ര​തി​യു​ടെ ലോ​ക്ക​ൽ അ​ഡ്ര​സ് ശേ​ഖ​രി​ച്ച് അ​ന്വേ​ഷി​ച്ച​തി​ൽ പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ട്ടോ നാ​ട്ടി​ലെ വി​ശ്വ​സ്ഥ​രെ കാ​ണി​ച്ച് അ​ന്വേ​ഷ​ണം ന​ട​ത്തി​യ​പ്പോ​ൾ പ്ര​തി​യാ​യ സ​ത്താ​റാ​ണെ​ന്ന് വ്യ​ക്ത​മാ​യി. പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ൺ ന​മ്പ​റി​ന്റെ ലൊ​ക്കേ​ഷ​ൻ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​യാ​ൾ പി​ടി​യി​ലാ​യ​ത്. സി​വി​ൽ പൊ​ലീ​സ് ഓ​ഫി​സ​റാ​യ രോ​ഹി​ത്തും സം​ഘ​ത്തി​ലു​ണ്ടാ​യി​രു​ന്നു.


Share our post
Continue Reading

THALASSERRY

തലശ്ശേരിയിൽ കണ്ണവം സ്വദേശിയായ പൊലീസുകാരൻ ട്രെയിൻ തട്ടി മരിച്ചു

Published

on

Share our post

തലശ്ശേരി: പൊലീസുകാരൻ ട്രെയിൻ തട്ടി മരിച്ചു. പാനൂർ പൊലീസ് സ്റ്റേഷൻ സി.പി.ഒ കണ്ണവം സ്വദേശി മുഹമ്മദാണ് മരിച്ചത്. തലശ്ശേരി റെയിൽവേ സ്റ്റേഷന് സമീപം വന്ദേഭാരത് തട്ടിയാണ് മരണം. പൊലീസ് സ്ഥലത്തെത്തി മൃതദേഹം ആസ്പത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.


Share our post
Continue Reading

Trending

error: Content is protected !!