കോഴിക്കോട് ട്രാഫിക് എസ്. ഐ വാഹനാപകടത്തിൽ മരിച്ചു
കോഴിക്കോട് : വാഹനാപകടത്തിൽ ട്രാഫിക് എസ്. ഐ മരിച്ചു. കോഴിക്കോട് ടൗൺ ട്രാഫിക് എസ്. ഐ വിചിത്രൻ ആണ് മരിച്ചത്. മുരിയാട് പാലത്തിൽ ഇന്നലെ രാത്രിയായിരുന്നു അപകടം.
സ്കൂട്ടറിൽ പോകുകയായിരുന്ന വിചിത്രനെ അജ്ഞാതവാഹനം ഇടിക്കുകയായിരുന്നു. തലക്ക് ഗുരുതരമായി പരിക്കേറ്റ വിചിത്രനെ ആസ്പത്രിയിൽ എത്തിച്ചെങ്കിലും രക്ഷിക്കാനായില്ല. സംഭവത്തിൽ പോലീസ് കേസെടുത്തു.
