പേരാവൂരിൽ ബൈക്കും സ്കൂട്ടിയും കൂട്ടിയിടിച്ച് രണ്ട് യുവാക്കൾക്ക് പരിക്ക്
പേരാവൂർ: കാഞ്ഞിരപ്പുഴ പി.ഡബ്ള്യു.ഡി റസ്റ്റ് ഹൗസിന് സമീപം ബൈക്കും സ്കൂട്ടറും കൂട്ടിയിടിച്ച് രണ്ടുപേർക്ക് പരിക്ക്. തൊണ്ടിയിൽ മാന്നാർ വീട്ടിൽ മുഹമ്മദ് റാഷിദ് (18), മാലൂർ താളിക്കാട് യദു നിവാസിൽ യദുകൃഷ്ണൻ (22) എന്നിവർക്കാണ് പരിക്കേറ്റത്. ഇരുവരെയും തലശേരി ഇന്ദിരാഗാന്ധി ആസ്പത്രിയിൽ പ്രവേശിപ്പിച്ചു. വെള്ളിയാഴ്ച രാത്രി 8.30-ഓടെയാണ് അപകടം. മണത്തണ ഭാഗത്ത് നിന്നും വന്ന സ്കൂട്ടറും എതിർ ദിശയിൽ നിന്നും വന്ന ബൈക്കും കൂട്ടിയിടിക്കുകയായിരുന്നു. മണത്തണയിലെ വർക് ഷോപ്പ് ജീവനക്കാരനാണ് യദുകൃഷ്ണൻ.
