13-കാരി പ്രസവിച്ചു; 16-കാരനായ സഹോദരൻ അറസ്റ്റിൽ
മണ്ണാർക്കാട് (പാലക്കാട്) : 13 വയസ്സുകാരി പ്രസവിച്ച കേസിൽ 16 വയസ്സുകാരനായ സഹോദരൻ അറസ്റ്റിൽ. പ്രതിയെ ജുവനൈൽ ഹോമിലേക്ക് മാറ്റി. കഴിഞ്ഞ മേയിലാണ് പെൺകുട്ടി മണ്ണാർക്കാട് താലൂക്ക് ആശുപത്രിയിൽ പ്രസവിച്ചത്. ഗർഭാവസ്ഥയിൽ ചികിത്സ തേടി ആസ്പത്രിയിലെത്തിയപ്പോഴാണ് സംഭവം പുറത്തറിഞ്ഞത്. തുടർന്ന് പൊലീസ് കേസ് എടുത്തിരുന്നു. ആക്രിസാധനങ്ങൾ വാങ്ങാൻ എത്തിയവർ വീട്ടിൽ അതിക്രമിച്ച് കയറി പീഡിപ്പിച്ചെന്നായിരുന്നു പൊലീസിന് ബന്ധുക്കൾ നൽകിയ വിവരം. പൊലീസ് നടത്തിയ അന്വേഷണത്തിലാണ് സഹോദരൻ അറസ്റ്റിലായത്.
