പഠിച്ച പുസ്തകങ്ങൾ പാഴാക്കേണ്ട : ഇരിക്കൂർ എച്ച്.എസ്.എസ്സിൽ ‘പുസ്തകപ്പൂരം’

ഇരിക്കൂർ : പരീക്ഷ തീരുന്ന ദിവസം പഠിച്ചുകഴിഞ്ഞ പുസ്തകങ്ങൾ തുണ്ടംതുണ്ടമായി കീറി ആകാശത്തേക്കെറിഞ്ഞ് രസിക്കുന്നത്‌ ഒഴിവാക്കാൻ അധ്യാപകർ പുതിയ മാർഗം കണ്ടെത്തി. ഓരോ ദിവസത്തെ പരീക്ഷ കഴിയുമ്പോഴും ആ വിഷയവുമായി ബന്ധപ്പെട്ട പുസ്തകങ്ങൾ ശേഖരിക്കാൻ സംവിധാനമൊരുക്കുക. ഇതിന് ‘പുസ്തകപ്പൂരം’ എന്ന പേരും നൽകി. പത്താം ക്ലാസ് പരീക്ഷ കഴിയുന്ന കുട്ടികളുടെ പുസ്തകങ്ങൾ ശേഖരിച്ച് അടുത്തവർഷം പ്രയോജനപ്പെടുത്തുന്നതാണ് പദ്ധതി.