‘ഉജ്വല’ പദ്ധതിയില്‍ 75 ലക്ഷം കുടുംബങ്ങള്‍ക്ക് കൂടി പാചക വാതകം
ന്യൂഡല്‍ഹി : ദാരിദ്ര്യരേഖക്ക് താഴെയുള്ള കുടുംബങ്ങള്‍ക്ക് സബ്‌സിഡി നിരക്കില്‍ പാചക വാതകം നല്‍കുന്നതിനുള്ള ഉജ്വല പദ്ധതി പ്രകാരം 75 ലക്ഷം കണക്ഷനുകള്‍ കൂടി അനുവദിക്കാന്‍ കേന്ദ്ര മന്ത്രിസഭാ യോഗത്തില്‍ തീരുമാനം.
ഇതിനായി 1650 കോടി രൂപ അനുവദിക്കാന്‍ മന്ത്രിസഭ തീരുമാനിച്ചു. 75 ലക്ഷം കണക്ഷനുകള്‍ കൂടി ആവുന്നതോടെ ഉജ്വല പദ്ധതിയുടെ ആകെ ഗുണഭോക്താക്കളുടെ എണ്ണം 10.35 കോടിയാവുമെന്ന് മന്ത്രി അനുരാഗ് ഠാക്കൂര്‍ വാര്‍ത്താ സമ്മേളനത്തില്‍ അറിയിച്ചു.
ദാരിദ്ര്യരേഖക്ക് താഴെയുള്ള കുടുംബങ്ങള്‍ക്ക് പാചക വാതകം നല്‍കുന്നതിനായി 2016 മെയിലാണ് സര്‍ക്കാര്‍ ഉജ്വല പദ്ധതിക്ക് തുടക്കം കുറിച്ചത്.
