കണ്ണൂർ:ലോറിയുടെ വാടകവർധന ആവശ്യപ്പെട്ട് നവംബർ 25 മുതൽ ജില്ലയിൽഅനിശ്ചിത കാല പണിമുടക്ക് നടത്താൻ തീരുമാനിച്ചതായി കോർഡിനേഷൻ കമ്മിറ്റി ഭാരവാഹികൾ വാർത്താ സമ്മേളനത്തിൽ അറിയിച്ചു. സ്വതന്ത്രലോറി ഓണേർസ് അസോസിയേഷൻ, ലോറി ഡ്രൈവേർസ് യൂണിയൻ ലോറിട്രാൻസ്പോർട്ട് ഏജന്റ്സ് അസോസിയേഷൻ എന്നിവയുടെ സംയുക്ത സംഘടനയാണ് കോർഡിനേഷൻ കമ്മിറ്റി. പത്ത് വർഷം മുമ്പുള്ള വാടക വാങ്ങിയാണിപ്പോഴും ലോറികൾ സർവ്വീസ് നടത്തുന്നതെന്ന് സ്വതന്ത്ര ലോറി ഓണേർസ് അസോസിയേഷൻപ്രസിഡണ്ട് അഷറഫ് എടക്കാട് പറഞ്ഞു.സ്പേർപാർട്ട്സ്മുതൽ ഡീസൽ വരെ എല്ലാ സാധനങ്ങൾക്കും വിലവർദ്ദിച്ചിട്ടും ലോറി വാടക വർദ്ദിപ്പിക്കാൻ ബന്ധപ്പെട്ടവർ തയ്യാറാവാഞ്ഞതാണ് സമരത്തിലേക്ക് നീങ്ങാൻ തങ്ങൾ നിർബ്ബന്ധിതരായതെന്ന് ഇവർപറഞ്ഞു. വാർത്താ സമ്മേളനത്തിൽ സയ്യിദ് ശറഫുദ്ദീൻ, സി അബ്ദുൽ ഗഫൂർ ,എ മഹീന്ദ്രൻ ,കെ സലീം ഹാജി എന്നിവരും പങ്കെടുത്തു.

പറശ്ശിനിക്കടവ്:ജില്ലാ ടൂറിസം പ്രൊമോഷൻ കൗൺസിൽ, കേരള അഡ്വഞ്ചർ ടൂറിസം പ്രൊമോഷൻ സൊസൈറ്റി, കേന്ദ്ര ടൂറിസം മന്ത്രാലയം കൊച്ചി ഓഫീസ് എന്നിവയുടെ നേതൃത്വത്തിൽ നടത്തുന്ന ദേശീയ കയാക്കിങ് ചാമ്പ്യൻഷിപ്പ് ‘കണ്ണൂർ കയാക്കത്തോൺ 2024′ ഞായറാഴ്ച നടക്കും.പറശ്ശിനിക്കടവ് ബോട്ട് ടെർമിനലിൽ രാവിലെ ഏഴിന് ആരംഭിക്കുന്ന മത്സരം പത്തോടെ അഴീക്കൽ ബോട്ട് ടെർമിനലിൽ അവസാനിക്കും.വിവിധ ജില്ലകളിൽ നിന്നുള്ളവർക്ക് പുറമെ കർണാടക, തമിഴ്‌നാട്, ഡൽഹി, ഗോവ, മഹാരാഷ്ട്ര, ലക്ഷദ്വീപ്, തെലങ്കാന, പഞ്ചാബ്, ഉത്തരാഖണ്ഡ് സംസ്ഥാനങ്ങളിൽ നിന്നുള്ളവരും മത്സരിക്കും.സിംഗിൾ, ഡബിൾ കയാക്കുകൾ മത്സരത്തിൽ ഉണ്ടാകും.

കണ്ണൂർ: ജില്ലയിലെ പ്രധാന വിനോദസഞ്ചാര കേന്ദ്രങ്ങളിലൊന്നായ ഏഴരക്കുണ്ട് വെള്ളച്ചാട്ടം ഹരിത ടൂറിസം കേന്ദ്രമായി അഡ്വ. സജീവ് ജോസഫ് എം.എൽ.എ പ്രഖ്യാപിച്ചു. ടൂറിസം കേന്ദ്രത്തിനുള്ള ഹരിത സർട്ടിഫിക്കറ്റ് എം.എൽഎ വിതരണം ചെയ്തു. ഏഴരക്കുണ്ട് വാട്ടർഫാൾസ് ടൂറിസം കേന്ദ്രത്തിലേക്കുള്ള റോഡ് വികസനം, ട്രക്കിങ്ങ്പാത്ത് നവീകരണം എന്നിവയ്ക്കുള്ള ഫണ്ട് എംഎൽഎ ചടങ്ങിൽ പ്രഖ്യാപിച്ചു. ഏരുവേശ്ശി പഞ്ചായത്ത് പ്രസിഡന്റ് മിനി ഷൈബി അധ്യക്ഷയായി. പഞ്ചായത്ത് വൈസ് പ്രസിഡന്റ് മധു തൊട്ടിയിൽ, ഡിടിപിസി ജില്ലാ സെക്രട്ടറി ജെ.കെ ജിജേഷ് കുമാർ, പഞ്ചായത്ത് സെക്രട്ടറി റോബർട്ട് ജോർജ്, അസി.സെക്രട്ടറി ബിജോയ് മാത്യു, ഹരിത കേരള മിഷൻ ജില്ലാ കോ ഓർഡിനേറ്റർ ഇ.കെ സോമശേഖരൻ, പി.പി സുകുമാരൻ, വി.ഇ.ഒ അജീഷ്, കുടിയാന്മല ഫാത്തിമ മാതാ പള്ളി വികാരി ഫാദർ പോൾ വള്ളോപ്പള്ളി, പൊട്ടം പ്ലാവ് സെന്റ് ജോസഫ് പള്ളി വികാരി ഫാദർ ജോസഫ് ആനചാരിൽ, പൊട്ടൻ പ്ലാവ് മുത്തപ്പൻ ക്ഷേത്ര സമിതി പ്രസിഡന്റ് വി.കെ വാസുദേവൻ നായർ, വൈസ് മെൻ ഇന്റർനാഷണൽ പ്രസിഡന്റ് ജോയ് ജോൺ കുറിച്ചിയേൽ, കുടിയാന്മല യൂണിറ്റ് കെ.വി.വി.ഇ.എസ് സെക്രട്ടറി ബെന്നി, ഏഴരക്കുണ്ട് വാട്ടർഫാൾസ് മാനേജർ സെബാസ്റ്റ്യൻ മാത്യു,ആഗ്നസ് എബി കുട്ടിക്കാനായിൽ എന്നിവർ സംസാരിച്ചു.