മദ്യലഹരിയിൽ ആസ്പത്രിയിലെത്തി അസഭ്യം പറഞ്ഞ റിയാലിറ്റി ഷോ താരം മധു അഞ്ചൽ പിടിയിൽ
കൊല്ലം: മദ്യലഹരിയിൽ ആസ്പത്രിയിലെത്തി അതിക്രമം കാണിച്ച റിയാലിറ്റി ഷോ താരം പിടിയിൽ. പ്രമുഖ ചാനലിലെ കോമഡി പരിപാടിയിലൂടെ ശ്രദ്ധേയനായ മധു അഞ്ചലിനെയാണ് പൊലീസ് അറസ്റ്റ് ചെയ്തത്.
ചൊവ്വാഴ്ച ഉച്ചയ്ക്കായിരുന്നു സംഭവം. അഞ്ചലിലെ സ്വകാര്യ ആസ്പത്രിയിൽ മദ്യ ലഹരിയിലെത്തിയ മധു രോഗികളുടെ കസേരയിലിരിക്കുകയായിരുന്നു. ഇത് ചോദ്യം ചെയ്ത സെക്യൂരിറ്റിയെയും രോഗികളെയും ഇയാൾ അസഭ്യം പറഞ്ഞു.
പുറത്തുപോകാൻ പറഞ്ഞതോടെയാണ് അതിക്രമം നടത്തിയത്.തുടർന്ന് ആസ്പത്രി അധികൃതർ പൊലീസിനെ വിവരമറിയിച്ചു.
പൊലീസ് ആസ്പത്രിയിലെത്തി അനുനയിപ്പിച്ച് കൊണ്ടുപോകാൻ ശ്രമിച്ചെങ്കിലും മധു പോകാൻ തയ്യാറായില്ല. ബലപ്രയോഗത്തിലൂടെയാണ് കൊണ്ടുപോയത്. മധുവിനെ അമ്മയ്‌ക്കൊപ്പം സ്റ്റേഷൻ ജാമ്യത്തിൽ വിട്ടയച്ചു.
