Breaking News
പെരുമ്പുന്നയിൽ കൃഷിയിടത്തിൽ അജ്ഞാത ജീവി; വനം വകുപ്പ് പരിശോധന

ഇരിട്ടി: എടത്തൊട്ടി പെരുമ്പുന്നയിൽ കൃഷിയിടത്തിൽ കണ്ട അജ്ഞാത ജീവി ജനങ്ങളിൽ ഭീതിപരത്തി. കടുവയെന്ന് തോന്നിക്കുന്ന രീതിയിലുള്ള ജീവിയെയാണ് കണ്ടതെന്നാണ് ടാപ്പിങ് തൊഴിലാളികൾ പറയുന്നത്. മേഖലയിൽ പരിശോധന നടത്തിയ വനം വകുപ്പ് പുലിയോ കടുവയോ ആകാനുള്ള സാധ്യത തള്ളിക്കളഞ്ഞു.
ബുധനാഴ്ച പുലർച്ചെ പെരുമ്പുന്ന മണിയാണി എന്ന സ്ഥലത്ത് പെരുമ്പുന്ന പള്ളിയുടെ അധീനതയിലുള്ള റബർ എസ്റ്റേറ്റിലാണ് ടാപ്പിങ് തൊഴിലാളികൾ അജ്ഞാത ജീവിയെ കണ്ടത്. നീളവും ഉയരവും നീണ്ട വാലും ദേഹത്ത് വരയുമുള്ള ജീവിയെയാണ് കണ്ടതെന്ന് ടാപ്പിങ് തൊഴിലാളികളായ ഷിബു ജോർജും ഭാര്യ ബിന്ദുവും പറഞ്ഞു.
പുലർച്ചെ 4.30ഓടെ തോട്ടത്തിൽ ടാപ്പിങ് ചെയ്യുന്നതിനിടയിൽ 100 മീറ്റർ അകലെ റബർ തോട്ടത്തിലെ പ്ലാറ്റ്ഫോമിലൂടെ നടന്നുപോകുന്നതാണ് ഇവർ കണ്ടത്. ഹെഡ്ലൈറ്റ് വെളിച്ചം തെളിഞ്ഞതോടെ ജീവി വളരെവേഗത്തിൽ നടന്നുനീങ്ങി. രൂപസാദൃശ്യം കണ്ട് കടുവയെയാണ് കണ്ടതെന്ന് ഉറപ്പിക്കുകയാണ് ഷിബു.
ഒരാഴ്ച മുമ്പ് ഈ സ്ഥലത്തുനിന്ന് കടുവയുടേതെന്ന് സംശയിക്കുന്ന അലർച്ച കേട്ടതായും നാട്ടുകാരിൽ ചിലർ പറഞ്ഞു. നാട്ടുകാരുടെയും വനവകുപ്പിന്റെയും നേതൃത്വത്തിൽ മേഖലയിൽ തിരച്ചിൽ നടത്തിയെങ്കിലും വരണ്ട പ്രദേശമായതിനാൽ കാൽപാടുകളൊന്നും തിരിച്ചറിയാൻ കഴിഞ്ഞില്ല.
മണത്തണ സെക്ഷൻ ഫോറസ്റ്റ് ഓഫിസർ സി.കെ. മഹേഷ്, വാച്ചർ ഒ.സി. സിജി എന്നിവരുടെ നേതൃത്വത്തിൽ നടത്തിയ പരിശോധനയിൽ കടുവയോ പുലിയോ ആകാനുള്ള സാധ്യതയില്ലെന്നും കാട്ടുപൂച്ചയെ പോലുള്ള മറ്റു ജീവികൾ ആകാനുള്ള സാധ്യതയാണെന്നുമാണ് പറയുന്നത്. കുറച്ചു ദിവസങ്ങൾക്കു മുമ്പ് എടത്തൊട്ടി മേഖലയിൽ ടാപ്പിങ് തൊഴിലാളികളും യാത്രക്കാരും പുലിയെ കണ്ടതായി പറഞ്ഞിരുന്നു.
Breaking News
ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
Breaking News
കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
Breaking News
എക്സാലോജിക്കില് വിജിലന്സ് അന്വേഷണമില്ല; ഹര്ജി തള്ളി ഹൈക്കോടതി

കൊച്ചി: എക്സാലോജിക് സി.എം.ആര്.എല് ഇടപാട് കേസില് വിജിലന്സ് അന്വേഷണം വേണമെന്ന ആവശ്യം തള്ളി ഹൈക്കോടതി. മുഖ്യമന്ത്രി പിണറായി വിജയന്റെ മകള് വീണാ വിജയന് സി.എം.ആര്.എല് ഇല്ലാത്ത സേവനത്തിന് പ്രതിഫലം നല്കി എന്നതുമായി ബന്ധപ്പെട്ട പരാതി വിജിലന്സ് കോടതി തള്ളിയതിനെതിരെ മാത്യു കുഴല്നാടന് എം.എല്.എ.യും കളമശ്ശേരി സ്വദേശി പരേതനായ ഗിരീഷ് ബാബുവും ഫയല് ചെയ്ത ഹര്ജിയിലാണ് ഹൈക്കോടതി വിധി പറഞ്ഞത്.പ്രതിഫലം നല്കി എന്ന ആദായനികുതി സെറ്റില്മെന്റ് ബോര്ഡിന്റെ കണ്ടെത്തലില് മുഖ്യമന്ത്രി പിണറായി വിജയന്, വീണാ വിജയന് എന്നിവര്ക്കെതിരെയുള്ള അന്വേഷണം നടത്തണമെന്നായിരുന്നു പരാതിയിലെ ആവശ്യം. അന്വേഷണ ആവശ്യം തള്ളിയ വിജിലന്സ് കോടതി ഉത്തരവ് റദ്ദാക്കി വീണ്ടും തീരുമാനമെടുക്കാനായി വിജിലന്സ് കോടതിയോട് നിര്ദേശിക്കണം എന്നായിരുന്നു രണ്ടു ഹര്ജികളിലെയും ആവശ്യം.വീണയ്ക്കും ഇവരുടെ ഉടമസ്ഥതയിലുള്ള എക്സാലോജിക് കമ്പനിക്കും ഇല്ലാത്ത സോഫ്ട്വെയര് സേവനത്തിന്റെ പേരില് ഒരുകോടി 72 ലക്ഷം രൂപ നല്കി എന്നായിരുന്നു ആദായനികുതി സെറ്റില്മെന്റ് ബോര്ഡിന്റെ കണ്ടെത്തല്. മുഖ്യമന്ത്രിയുടെ മകള് എന്ന സ്ഥാനം ഉപയോഗിച്ചാണ് എക്സാലോജിക് കമ്പനി സിഎംആര്എല്ലില് നിന്ന് മാസപ്പടി വാങ്ങിയത് എന്നതായിരുന്നു പ്രധാന ആരോപണം.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്