ജില്ലാതല അറിയിപ്പുകൾ
⭕ ഡോക്ടര്‍ നിയമനം
കണ്ണൂർ: തളിപ്പറമ്പ് താലൂക്ക് ഹെഡ് ക്വാര്‍ട്ടേഴ്സ് ആശുപത്രിയില്‍ താല്‍ക്കാലികാടിസ്ഥാനത്തില്‍ ഡോക്ടറെ നിയമിക്കുന്നു. എം ബി ബി എസിനൊപ്പം ടി സി എം സി രജിസ്‌ട്രേഷനുള്ളവര്‍ ആഗസ്റ്റ് നാലിന് രാവിലെ 11 മണിക്ക് ജില്ലാ കലക്ടറേറ്റില്‍ അഭിമുഖത്തിന് എത്തണം. ഫോണ്‍: 0460 2203298
⭕ ഡോക്ടര്‍ നിയമനം
ജില്ലാ ആരോഗ്യ വകുപ്പിന് കീഴിലുള്ള സ്ഥാപനങ്ങളില്‍ നിലവിലുള്ളതും വരാനിരിക്കുന്നതുമായ ഡോക്ടര്‍മാരുടെ ഒഴിവുകളില്‍ അഡ്‌ഹോക്ക് വ്യവസ്ഥയില്‍ താല്‍ക്കാലിക ഡോക്ടര്‍മാരെ നിയമിക്കുന്നു. എം.ബി.ബി.എസിനൊപ്പം ടി.സി.എം.സി / കെ.എസ്.എം.സി രജിസട്രേഷനുള്ളവര്‍ക്ക് അപേക്ഷിക്കാം. ഉദ്യോഗാര്‍ഥികള്‍ വിദ്യാഭ്യാസ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളും പകര്‍പ്പുകളും ബയോഡാറ്റയും സഹിതം ആഗസ്റ്റ് 11 ന് രാവിലെ 10.30 നകം പള്ളിക്കുന്ന് ജില്ലാ നേഴ്‌സിങ് സ്കൂളിൽ പ്രവർത്തിക്കുന്ന ജില്ലാ മെഡിക്കല്‍ ഓഫീസില്‍ (ആരോഗ്യം) അഭിമുഖത്തിന് എത്തണം. ഫോണ്‍: 0497 2700194
⭕ സീറ്റ് ഒഴിവ്
കണ്ണൂർ സർവ്വകലാശാലയുടെ കീഴിലുള്ള മാനന്തവാടി ഗവ കോളേജിൽ പട്ടികവർഗ്ഗ വിഭാഗത്തിൽ എം.എ ഇംഗ്ലീഷ്, എം.കോം വിഷയങ്ങളിലും പട്ടികജാതി, പട്ടിക വർഗ്ഗവിഭാഗങ്ങളിൽ എം.എ ഡെവലപ്പ്മെൻറ് ഇക്കണോമിക്‌സ്, എം.എസ്.സി ഇലക്ട്രോണിക്‌സ് വിഷയങ്ങളിലും സീറ്റുകൾ ഒഴിവുണ്ട്. കണ്ണൂർ സർവ്വകലാശാലയിൽ രജിസ്‌റ്റർ ചെയ്ത അപേക്ഷയുടെ പകർപ്പുമായി ആഗസ്റ്റ് നാലിനു വൈകുന്നേരം അഞ്ച് മണിക്കകം കോളേജ് ഓഫീസിലെത്തി അപേക്ഷ നൽകണം. ഫോൺ- 04935240351, 9495647534
⭕ ട്രേഡ്സ്മാൻ ഒഴിവ്
കണ്ണൂർ ഗവ. പോളിടെക്നിക് കോളേജിൽ മെക്കാനിക്കൽ ഡിപ്പാർട്ട്മെന്റ് വെൽഡിംഗ് വർക്ക്ഷോപ്പിൽ ട്രേഡ്സ്മാൻ (വെൽഡർ) ഒഴിവിലേക്ക് താൽക്കാലിക നിയമനം നടത്തുന്നു. ഐ ടി ഐ / തത്തുല്യ യോഗ്യതയുള്ളവർക്ക് അപേക്ഷിക്കാം. അപേക്ഷകർ ബയോഡാറ്റ, മാർക്ക് ലിസ്റ്റ്, യോഗ്യത, പ്രവൃത്തി പരിചയം, അധിക യോഗ്യത എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകർപ്പുകളും സഹിതം ആഗസ്റ്റ് നാലിന് രാവിലെ 10.30 ന് കോളേജ് പ്രിൻസിപ്പാൾ മുമ്പാകെ അഭിമുഖത്തിന് എത്തണം. ഫോൺ: 0497 2835106
