PERAVOOR
ക്ഷീരവികസന വകുപ്പിന്റെ അവാർഡ് നേടി രമണി
മണത്തണ: ഏറ്റവും അധികം പാൽ അളന്നതിനുള്ള ക്ഷീരവികസന വകുപ്പിന്റെ അവാർഡ് ഇന്നലെയാണ് 65 വയസ്സുകാരിയായ രമണിയെ തേടിയെത്തുന്നത്. സാഹിവാൾ, ഗീർ, എച്ച്എഫ്, കപില ഇനങ്ങളിൽപെട്ട 65 പശുക്കളാണ് വിഭൂതി നിലയത്തിലെ എൻ.രമണിയുടെ ഫാമിലുള്ളത്. പ്രതിദിനം 400 ലീറ്ററിൽ അധികം പാൽ ഫാമിൽ നിന്നു കിട്ടും. രമണിയുടെ ഈ അംഗീകാരം ക്ഷീരമേഖലയിൽ തൊഴിൽ തേടുന്നവർക്കുള്ള പ്രോത്സാഹനവും കൂടിയാണ്.പശുക്കൾക്കു പുറമേ രണ്ട് എരുമകളും പോത്തുകളും. 25 ആടുകളും മുട്ടക്കോഴിയും വാത്തയും താറാവും വരെയുണ്ട് ഈ ചെറിയ ഫാമിൽ. വീടും ഫാമും കൂടിയുള്ള അഞ്ചേക്കർ സ്ഥലമാണു രമണിയുടെ ലോകം. വീടിനോട് ചേർന്നുള്ള ഭൂമിയിൽ പുൽക്കൃഷിയും നടത്തുന്നുണ്ട്.
കറവയ്ക്കുള്ള യന്ത്രങ്ങളും ഉണക്ക ചാണകം പൊടിക്കുന്നിതുള്ള യന്ത്രങ്ങളുമെല്ലാം വില കൊടുത്തു വാങ്ങിയാണ് ഉപയോഗിച്ചു തുടങ്ങിയത്. പിന്നീട് ക്ഷീര വികസന വകുപ്പ് ഇവയ്ക്കെല്ലാം സബ്സിഡി അനുവദിച്ചു കൊടുക്കുകയായിരുന്നു.ഫാമിനോട് ചേർന്ന് 9 പേർക്ക് തൊഴിൽ കൊടുക്കുകയും ചെയ്യുന്നു രമണി. വീട്ടിലെ ആവശ്യങ്ങൾക്ക് പണ്ടു പശുക്കളെ വളർത്തിയിരുന്നു. 7 വർഷം മുൻപാണ് കൂടുതൽ പശുക്കളെ വളർത്തണം എന്ന ആഗ്രഹം രമണിക്കുണ്ടാകുന്നത്. ഇക്കാര്യം മകൻ അനന്തനാരായണനോട് പറഞ്ഞപ്പോൾ അമ്മയുടെ താൽപര്യം സാധിച്ചു നൽകുകയായിരുന്നു. അ‍ഞ്ച് പശുക്കളുമായാണ് ഫാം ആരംഭിച്ചത്.ഗുജറാത്തിൽ നിന്നാണ് സാഹിവാൾ, ഗീർ പശുക്കളെ എത്തിച്ചത്. കർണാടകയിൽ നിന്ന് കപിലയേയും. പിന്നെ ഘട്ടം ഘട്ടമായി കൂടുതൽ പശുക്കളെ ഫാമിലേക്ക് ചേർത്തുതുടങ്ങി. ഭർത്താവ് റിട്ട. ഹവിദാർ സി.കെ.ശ്രീധരൻ നായർ. രാജശ്രീ, രശ്മി, നിത്യാനന്ദൻ, അനന്തനാരായണൻ എന്നിവരാണ് മക്കൾ.
വ്യാപാര സംരക്ഷണ സന്ദേശ ജാഥക്ക് പേരാവൂരിൽ നല്കിയസ്വീകരണ സമ്മേളനത്തിൽ ജാഥാ ക്യാപറ്റൻ ഇ.എസ്.ബിജു സംസാരിക്കുന്നു
പേരാവൂർ: വിവിധ ആവശ്യങ്ങളുന്നയിച്ച് വ്യാപാരി വ്യവസായി സമിതി സംസ്ഥാന കമ്മിറ്റി നടത്തുന്ന വ്യാപാര സംരക്ഷണ സന്ദേശ ജാഥക്ക് പേരാവൂരിൽ ഉജ്ജ്വല സ്വീകരണം നല്കി. സ്വീകരണ സമ്മേളനത്തിൽ പേരാവൂർ ഏരിയാ പ്രസിഡന്റ് അഷറഫ് ചെവിടിക്കുന്ന് അധ്യക്ഷനായി. ജാഥാ ക്യാപറ്റൻ ഇ.എസ്.ബിജു, വൈസ് ക്യാപറ്റ്ൻ വി.ഗോപിനാഥ്, ജാഥാംഗങ്ങളായ വി.പാപ്പച്ചൻ, എസ്.ദിനേശ്,എസ്.രാധാകൃഷ്ണൻ, പേരാവൂർ ഏരിയാ സെക്രട്ടറി എം.കെ.അനിൽ കുമാർ, പി.വി.ശ്രീധരൻ, യൂണിറ്റ് പ്രസിഡൻറ് ഷബി നന്ത്യത്ത്, സെക്രട്ടറി ഷൈജിത്ത് കോട്ടായി, ബ്യൂട്ടി പാർലർ അസോസിയേഷൻ ജില്ലാ സെക്രട്ടറി എം.ബിന്ദു, കെ.പി.അബ്ദുൾ റഷീദ് എന്നിവർ സംസാരിച്ചു.
പേരാവൂർ സെയ്ന്റ് ജോസഫ്‌സ് എച്ച്.എസ് 1987-88 ബാച്ച് വിദ്യാർഥികൾസംഘടിപ്പിച്ച സ്‌നേഹ കൂട്ടായ്മയിൽ പങ്കെടുത്തവർ
പേരാവൂർ: ബന്ധങ്ങൾ സുദൃഢമാക്കാൻ 36 വർഷങ്ങൾക്ക് ശേഷം പേരാവൂർ സെയ്ന്റ് ജോസഫ്‌സ് എച്ച്.എസ് 1987-88 ബാച്ച് വിദ്യാർഥികൾ ഒത്തുകൂടി. ഗുരുകുലം കൂട്ടായ്മയുടെ കീഴിൽ സ്മൃതിമധുരം 88 എന്ന പേരിലാണ് സ്‌നേഹ കൂട്ടായ്മ സംഘടിപ്പിച്ചത് . പൂർവാധ്യാപകരെ ആദരിക്കുകയുംമൺമറഞ്ഞ അധ്യാപകർക്കും സഹപാഠികൾക്കും ശ്രദ്ധാഞ്ജലി അർപ്പിക്കുകയും ചെയ്തു. സ്‌കൂൾ മാനേജർ ഫാദർ മാത്യു തെക്കേമുറി ഉദ്ഘാടനം ചെയ്തു. റോജി ജോർജ് അധ്യക്ഷനായി. പ്രഥമാധ്യാപകൻ സണ്ണി .കെ. സെബാസ്റ്റ്യൻ പൂർവ അധ്യാപകരെ ആദരിച്ചു.
സെക്രട്ടറി സി. ജയചന്ദ്രബോസ്, സന്തോഷ് കുമാർ, ലിജി രാജേഷ്, ദീപ സേവ്യർ, ബിജു മാത്യു, ഹംസ കീഴ്പ്പട , ജോസ് മാത്യു,പൂർവ അധ്യാപകരായ ജോർജ് മാത്യു, വി .ഡി .ജോസഫ്, പി.വി.നാരായണൻ എന്നിവർ സംസാരിച്ചു.
പേരാവൂർ: വ്യാപാരി വ്യവസായി സമിതിയുടെ വ്യാപാര സംരക്ഷണ സന്ദേശ സംസ്ഥാന ജാഥയുടെ ഭാഗമായി പേരാവൂർ ടൗണിൽ വിളംബര ജാഥ നടത്തി. ഏരിയ സെക്രട്ടറി എം.കെ.അനിൽകുമാർ ഉദ്ഘാടനം ചെയ്തു. ഏരിയ പ്രസിഡന്റ് അഷറഫ് ചെവിടിക്കുന്ന് അധ്യക്ഷനായി. യൂണിറ്റ് പ്രസിഡന്റ് ഷബി നന്ത്യത്ത്, സെക്രട്ടറി ഷൈജിത്ത് കോട്ടായി, ബ്യൂട്ടിപാർലർ അസോസിയേഷൻ ജില്ലാ സെക്രട്ടറി എം. ബിന്ദു, പി.ജി.പവിത്രൻ , പി.വി .ശ്രീധരൻ, കെ.പി. അബ്ദുൾ റഷീദ്,എം. കെ. ബാബു, റീജ പ്രദീപൻ എന്നിവർ നേതൃത്വം നല്കി.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
