സ്റ്റേറ്റ് ബാങ്ക് ഒഫ് ഇന്ത്യയിൽ (എസ്.ബി.ഐ) അവസരം. കസ്​റ്റർമർ സപ്പോർട്ട് ആൻഡ് സെയിൽസ് വിഭാഗത്തിൽ ജൂനിയർ അസോസിയേ​റ്റ് തസ്‌തികയിലേക്ക് ഉദ്യോഗാർത്ഥികളെ വിളിച്ചിരിക്കുന്നത്. 13,735 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ജനുവരി ഏഴ് വരെ അപേക്ഷിക്കാം. 20നും 28നും ഇടയിൽ പ്രായമുളളവരാണ് അപേക്ഷിക്കേണ്ടത്. പ്രിലിമിനറി, മെയിൻ പരീക്ഷകളിലൂടെയാണ് ഉദ്യോഗാർത്ഥികളെ തിരഞ്ഞെടുക്കുന്നത്.ഫെബ്രുവരിയിലായിരിക്കും പ്രിലിമിനറി പരീക്ഷ നടക്കുക. തുടർന്ന് മാർച്ച് അല്ലെങ്കിൽ ഏപ്രിലിൽ മെയിൻ പരീക്ഷ നടക്കും. സംവരണമുളള (എസ്‌സി, എസ് ടി, പിഡബ്യൂഡി, എക്സ് സർവീസ്) ഉദ്യോഗാർത്ഥികൾ നൂറ് രൂപ അടച്ചാണ് അപേക്ഷ സമർപ്പിക്കേണ്ടത്. ജനറൽ, ഒബിസി വിഭാഗത്തിന് 600 രൂപയാണ് അപേക്ഷാഫീസ്. അംഗീകൃത സർവകലാശാലയിൽ നിന്ന് ബിരുദം നേടിയവർക്ക് അപേക്ഷിക്കാം. ഇന്റഗ്രേ​റ്റഡ് ഡ്യുവൽ ബിരുദ സർട്ടിഫിക്ക​റ്റുളളവർ മാനദണ്ഡങ്ങൾ പരിശോധിക്കേണ്ടതാണ്. ഉദ്യോഗാർത്ഥികൾക്ക് ഇംഗ്ലീഷ് ഭാഷയിൽ എഴുതാനും വായിക്കാനും അറിഞ്ഞിരിക്കണം.തിരഞ്ഞെടുക്കുന്നത്.

1. ഒരു മണിക്കൂർ ദൈർഘ്യമുളളതായിരിക്കും പ്രിലിമിനറി അല്ലെങ്കിൽ ആദ്യഘട്ട പരീക്ഷ . അതിൽ ഇംഗ്ലീഷ് ഭാഷ,റീസണിംഗ്,ക്വാണ്ടി​റ്റേ​റ്റീവ് ആപ്​റ്റി​റ്റ്യൂഡ് എന്നിവ ഉൾപ്പെട്ട ചോദ്യങ്ങൾ ഉണ്ടാകും. 100 മാർക്കിനായിരിക്കും പരീക്ഷ.
2. മെയിൻ പരീക്ഷയിൽ ഉദ്യോഗാർത്ഥികളുടെ ഭാഷാബോധം,റീസണിംഗ് എബിലി​റ്റി.സാങ്കേതികവിദ്യ പരിജ്ഞാനം, സമകാലിക അറിവ് എന്നിവ ബന്ധപ്പെടുത്തിയ ചോദ്യങ്ങൾ ഉണ്ടാകും.3. മാർക്കിന്റെ അടിസ്ഥാനത്തിൽ ഉദ്യോഗാർത്ഥികളെ അഭിമുഖത്തിനായി ക്ഷണിക്കും.4. കൂടുതൽ വിവരങ്ങൾക്ക് സ്റ്റേറ്റ് ബാങ്ക് ഒഫ് ഇന്ത്യയുടെ ഔദ്യോഗിക വെബ്സൈറ്റായ sbi.co.in പ്രവേശിക്കുക.

5ജി സേവനം ഇന്ത്യയിൽ വ്യാപകമാക്കുന്നതിന്റെ ഭാഗമായി ഇന്ത്യയിൽ ചില നഗരങ്ങളിൽ പരീക്ഷണാടിസ്ഥാനത്തിൽ ലഭ്യമാക്കാൻ ഒരുങ്ങി വോഡഫോൺ ഐഡിയ (വി). ഇന്ത്യയൊട്ടാകെ ഒരുമിച്ച് നടപ്പാക്കാതെ 17 ടെലികോം സർക്കിളുകളിൽ മാത്രമാണ് 5ജി സേവനം കിട്ടുക. 5ജി ഇന്ത്യയിൽ പ്രഖ്യാപിച്ച ശേഷം രണ്ട് വർഷം പിന്നിട്ട ശേഷമേ വി ഇന്ത്യയിൽ 5ജി സേവനം നൽകുന്നുള്ളു. 2022ൽ 5ജി ലേലത്തിൽ ജിയോയ്‌ക്കും എയർടെല്ലിനും ഒപ്പം വിയും പങ്കെടുത്തിരുന്നു. അവർ വൈകാതെ 5ജി സേവനം ലഭ്യമാക്കി തുടങ്ങിയെങ്കിലും വി ഇപ്പോഴാണ് നൽകി തുടങ്ങുന്നത്.3.3 ജിഗാ‌ഹെ‌ട്‌സ് മുതൽ 26 ജിഗാഹെട്‌സ് വരെ സ്‌പെക്‌ട്രത്തിലാണ് 5ജി സേവനം ലഭിക്കുക. പ്രീപെയ്‌ഡ്, പോസ്‌റ്റ്‌പെയ്‌ഡ് കസ്റ്റമർമാർക്ക് 5ജി ഫോണിൽ ലഭിക്കും. 2025 മാർച്ചോടെ ഡൽഹിയിലും മുംബയിലും ആണ് 5ജി സേവനം വി നൽകിത്തുടങ്ങുക. കൊമേഴ്‌സ്യൽ ലോഞ്ച് എന്നാണെന്ന് വ്യക്തമല്ലെങ്കിലും മെല്ലെ വി 5ജി സേവനത്തിലേക്ക് കാലെടുത്തുവച്ചിരിക്കുകയാണ്. മുഴുവൻ ജനങ്ങൾക്കും 5ജി സേവനം എന്നുണ്ടാകുമെന്ന് വൈകാതെ അറിയിക്കുമെന്നാണ് വി വക്താവ് നൽകുന്ന വിവരം.

വിവിധ സംസ്ഥാനങ്ങളിൽ വി 5ജി സേവനം ലഭിക്കുന്ന സ്ഥലങ്ങൾ ഇവയാണ്.രാജസ്ഥാൻ: ജയ്‌പൂർ.ഹരിയാന: കർണാൽകൊൽക്കത്ത: സെക്‌ടർ അഞ്ച് , സാൾട്ട് ലേക്ക്കേരള: തൃക്കാക്കര, കാക്കനാട്കിഴക്കൻ യുപി: ലക്‌നൗപടിഞ്ഞാറൻ യുപി: ആഗ്രമദ്ധ്യ പ്രദേശ്: ഇൻഡോർഗുജറാത്ത്: അഹമ്മദാബാദ്ആന്ധ്ര: ഹൈദരാബാദ്പശ്‌ചിമ ബംഗാൾ: സിലിഗുരിബിഹാർ: പാ‌ട്‌നമുംബയ്: വർളി, മറോൾ അന്ധേരി ഈസ്‌റ്റ്കർണാടക: ബംഗളൂരു ഡയറി സർക്കിൾപഞ്ചാബ്: ജലന്ധർതമിഴ്‌നാട്: ചെന്നൈമഹാരാഷ്‌ട്ര:പൂനെ (ശിവാജി നഗർ)ഡൽഹി: ഓഖ്‌ല വ്യവസായ മേഖല.കഴിഞ്ഞ ജൂലായിലാണ് രാജ്യത്തെ സ്വകാര്യ ടെലികോം സേവന ദാതാക്കളായ ജിയോ, എയർടെൽ,വി എന്നിവ താരിഫ് വ‌ർദ്ധന നടത്തിയത്. എന്നാൽ പൊതുമേഖലാ സ്ഥാപനമായ ബിഎസ്എൻഎൽ അന്ന് വർദ്ധനവ് വരുത്തിയില്ല. മാത്രമല്ല 4ജി സേവനം രാജ്യത്ത് വർദ്ധിപ്പിക്കാനും നടപടിയെടുത്തിരുന്നു. ഇതോടെ നിരക്ക് കുറവുള്ള ബിഎസ്‌എൻഎല്ലിലേക്ക് നിരവധി പേർ മാറിയിരുന്നു. ഇവരെ തിരികെയെത്തിക്കാനും പുതിയ കസ്റ്റമർമാരെ നേടാനുമാണ് 5ജി സേവനം വി നടപ്പാക്കുന്നത്.

കേരള സർക്കാർ സ്ഥാപനമായ ഐഎച്ച്ആർഡി വിവിധ കേന്ദ്രങ്ങളിൽ 2025 ജനുവരിയിൽ ആരംഭിക്കുന്ന വിവിധ പിജി ഡിേേപ്ലാമ, ഡിപ്ലോമ, സർട്ടിഫിക്കറ്റ് കോഴ്‌സുകളിലേക്ക് അപേക്ഷ ക്ഷണിച്ചു. കോഴ്‌സുകൾ: പിജി ഡിപ്ലോമ ഇൻ സൈബർ ഫോറൻസിക്സ് ആൻഡ സെക്യൂരിറ്റി, യോഗ്യത: കമ്പ്യൂട്ടർ സയൻസിൽ എംടെക്, ബിടെക്, എം.സി.എ, ബി.എസ്സി/എം.എ.സ്സി കമ്പ്യൂട്ടർ സയൻസ്/ ബിസിഎ. പിജിഡിസിഎ, യോഗ്യത ബിരുദം. ഡിപ്ലോമ ഇൻ ഡാറ്റ എൻട്രി ടെക്നിക്സ് ആന്റ് ഓഫീസ് ഓട്ടോമേഷൻ, യോഗ്യത എസ്.എസ്.എൽ.സി. ഡിപ്ലോമ ഇൻ കംപ്യൂട്ടർ ആപ്ലിക്കേഷൻസ്, യോഗ്യത: പ്ലസ് ടു. സർട്ടിഫിക്കറ്റ് കോഴ്സ് ഇൻ ലൈബ്രറി ആൻഡ് ഇൻഫർമേഷൻ സയൻസ്, യോഗ്യത: എസ്എസ്എൽസി.കോഴ്സുകളിൽ ചേരുന്ന എസ്സി/ എസ്ടി, മറ്റ് പിന്നോക്ക വിദ്യാർഥികൾക്ക് നിയമവിധേയമായി വിദ്യാഭ്യാസ ആനുകൂല്യത്തിന് അർഹതയുണ്ടായിരിക്കും.അപേക്ഷകർ https://www.ihrdadmissions.org/ എന്ന വെബ് സൈററ് മുഖേന അപേക്ഷ നൽകണം. അപേക്ഷയോടൊപ്പം ഓൺലൈനായി രജിസ്ട്രേഷൻ ഫീസും (150 രൂപ, എസ്എസി/എസ് ടി 100 രൂപ ) അടയ്ക്കേണ്ടതാണ്. ഓൺലൈനായി സമർപ്പിച്ച അപേക്ഷയുടെ പ്രിന്റൗട്ടും നിർദിഷ്ട അനുബന്ധങ്ങളും സഹിതം പ്രവേശനം ആഗ്രഹിക്കുന്ന സെന്ററുകളിൽ രജിസ്ട്രേഷൻ ഫീസിന്റെ ഡിഡിയും അനുബന്ധങ്ങളും സഹിതം നേരിട്ടോ ഓൺലൈൻ വഴിയോ അപേക്ഷ ഡിസംബർ 31 നു വൈകീട്ട് നാല് മണിക്കു മുമ്പായി സമർപ്പിക്കണം.