എം.ഡി.എം.എയുമായി കേളകം സ്വദേശികൾ പിടിയിൽ

കേളകം: എം.ഡി.എം.എയുമായി കേളകം സ്വദേശികളായ രണ്ടു യുവാക്കൾ പിടിയിൽ. കേളകം ചെങ്ങോത്തെ കുന്നപ്പള്ളിയിൽ സജിൻ ജെയിംസ് (24), പൊയ്യമലയിലെ ആൽബിൻ ബിനോയ് (24) എന്നിവരാണ് അറസ്റ്റിലായത്. സജിൻ ജെയിംസിനെ ചെങ്ങോത്ത് നിന്ന് കേളകം പോലീസും ആൽബിൻ ബിനോയിയെ കണ്ണൂരിൽ നിന്ന് ജില്ലാ പോലീസ് മേധാവിയുടെ പ്രത്യേക സ്‌ക്വാഡുമാണ് പിടികൂടിയത്. ആൽബിൻ നിന്നും ലഭിച്ച വിവരത്തിന്റെ അടിസ്ഥാനത്തിലാണ് സച്ചിൻ ജെയിംസും പിടിയിലായത്. ഇരുവരിൽ നിന്നും അഞ്ചു ഗ്രാം എം.ഡി.എം.എ കണ്ടെടുത്തു. മുൻപ് പലതവണ കഞ്ചാവുമായി ഇവരെ പോലീസും എക്‌സൈസും പിടികൂടിയിട്ടുണ്ട്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.