വളർത്തുമൃഗങ്ങളുടെ മഴക്കാല പരിരക്ഷ: നോഡൽ ഓഫീസറെ ചുമതലപ്പെടുത്തി
കണ്ണൂർ: ജില്ലാ മൃഗസംരക്ഷണ വകുപ്പ് വളർത്തുമൃഗങ്ങളുടെ മഴക്കാല പരിരക്ഷയുടെ ഉറപ്പ് വരുത്തുന്നതിനായി നിർദേശങ്ങൾ പുറത്തിറക്കി. ഇതിൻ്റെ പ്രവർത്തനങ്ങൾ ഏകോപിപ്പിക്കുന്നതിന് ജില്ലാ നോഡൽ ഓഫീസറായി ചീഫ് വെറ്ററിനറി ഓഫീസർ ഡോ. ബിജോയ് വർഗീസിനെ ചുമലതപ്പെടുത്തി.
ജില്ലയിൽ കർഷകർക്കായി കൺട്രോൾ റൂം തുറന്നിട്ടുണ്ട്. ഫോൺ നമ്പർ: 04972 700184. മഴക്കെടുതിയിൽ വളർത്തു മൃഗങ്ങൾ നഷ്ടപ്പെട്ടാൽ അതത് പ്രദേശത്തെ മൃഗാസ്പത്രിയിൽ അറിയിക്കണം.
