കേളകം: പ്ലസ് വൺ വിദ്യാർഥിനിയെ പീഡിപ്പിച്ച കേസിൽ 21-കാരൻ അറസ്റ്റിൽ. കേളകം കണ്ടംതോടിലെ ചിങ്ങേത്ത് ലിയോ.സി.സന്തോഷിനെയാണ് (21 ) കേളകം പോലീസ് അറസ്റ്റ് ചെയ്തത്. വിവാഹ വാഗ്ദാനം നല്കി പീഡിപ്പിച്ചുവെന്ന പരാതിയിൽ പോലീസ് അന്വേഷിക്കുന്നതിനിടെ മുങ്ങിയ പ്രതിയെ വിദഗ്ദമായാണ് കേളകം പോലീസ് എറണാകുളം തൃക്കാക്കര സ്റ്റേഷൻ പരിധിയിൽ നിന്ന് അറസ്റ്റ് ചെയ്തത്.പോക്സോ വകുപ്പുകൾ പ്രകാരമാണ് അറസ്റ്റ്.കഴിഞ്ഞ ആഴ്ച പൊതുസ്ഥലത്ത് കഞ്ചാവ് വലിച്ച കേസിലെ പ്രതിയാണ് ലിയോ. എസ്.ഐ.എം.രമേശന്റെ നേതൃത്വത്തിൽ എ.എസ്.ഐമാരായ സുനിൽ വളയങ്ങാടൻ, സി.വിജയൻ, സി.പി.ഒമാരായ ഒ.കെ.പ്രശോഭ്, പി.രാജേഷ്, സുമെഷ് എന്നിവരാണ് പ്രതിയെ പിടികൂടിയത്.

കേളകം : നെൽകൃഷിയുടെ പ്രാധാന്യങ്ങൾ മനസ്സിലാക്കുവാൻ കേളകം സെയ്ന്റ് തോമസ് എച്ച്.എസ്.എസിലെ എൻ.എസ്.എസ് വളണ്ടിയേഴ്സ് നടത്തുന്ന നെൽകൃഷി (‘നിലമുണർന്നു… വിതയ്ക്കാം വിത്ത് ‘) പദ്ധതിയുടെ ഉദ്ഘാടനം കണിച്ചാർ പഞ്ചായത്ത്‌ പ്രസിഡന്റ്‌ ആന്റണി സെബാസ്റ്റ്യൻ നിർവഹിച്ചു. സ്കൂൾ മാനേജർ ഫാദർ വർഗീസ് കവണാട്ടേൽ അധ്യക്ഷത വഹിച്ചു, വാർഡ് മെമ്പർ ലിസമ്മ ജോയ്, മുൻ പ്രോഗ്രാം ഓഫീസർ ഷൈജോ. കെ.വിജയൻ, പ്രോഗ്രാം ഓഫീസർ എ.സി.ഷാജി, എൻ.എസ്.എസ് വളണ്ടിയർ സാന്ദ്ര സണ്ണി എന്നിവർ സംസാരിച്ചു. പാടത്തിന്റെ ഉടമസ്ഥരായ ശ്രീനി അരിക്കാട്ട്, ഹരിന്ദ്രൻ അരിക്കാട്ട്, എൻ.എസ്.എസ് ലീഡേഴ്സ് വി.എസ്. ശ്രേയ, ജി അനുനന്ദ് എന്നിവർ നേതൃത്വം നൽകി.

കേളകം : അടക്കാത്തോട് സെയ്ൻ്റ് ജോസഫ്സ് ഹൈസ്കൂളിൽ അധ്യാപക വിദ്യാർത്ഥി സംഗമം നടത്തി. ആദ്യകാല അധ്യാപകരായ തങ്കച്ചൻ,സരോജിനി, സിസ്റ്റർ ക്രിസ്റ്റീന ,ടോമി എന്നിവരെ ആദരിച്ചു.പൂർവ വിദ്യാർത്ഥികളായ ജെയിംസ് ചെരുവിൽ, റോബർട്ട് പെരുമാട്ടി കുന്നേൽ , സന്തോഷ് പ്ലാക്കാട്ട് , സിബിച്ചൻ അടുക്കോലിൽ, സി. എച്ച്.നൗഷാദ്, ബെന്നി തറപ്പേൽ എന്നിവർ സംസാരിച്ചു.ജോജി പുന്നമറ്റം ,ജോർജ് വട്ടുകുളം , ജിജി മുതുകാട്ടിൽ , ബിനു പള്ളിക്കാട്ട്, കൃഷ്ണൻ കുട്ടികരിമാംകുഴി, ഇ. ഐ.സൈനബ, ഷിജി ചീരംവേലിൽ, ഷേർളി.വി.ജോസ്, ഗീത, ഷീബ ചേനാട്ട്, ഷൈലജ ഫിലിപ്പ്, സി. യു.ബിജു, തോമസ് പടിയംകണ്ടി എന്നിവർ നേതൃത്വം നൽകി.