Social
ബ്ലൂടൂത്ത് ഹെഡ്സെറ്റുകളും വാച്ചുകളും കണ്ടുപിടിക്കാം, ഫൈന്റ് മൈ ഡിവൈസ് അപ്ഗ്രേഡ് ചെയ്ത് ഗൂഗിൾ
പുതിയ ഫൈന്റ് മൈ ഡിവൈസ് നെറ്റ്‌വർക്ക് അവതരിപ്പിച്ച് ഗൂഗിള്‍. കാണാതായ ഉപകരണങ്ങള്‍ കണ്ടെത്തുന്നതിന് വേണ്ടിയുള്ള സംവിധാനമാണിത്. നിലവില്‍ യു.എസ്., കാനഡ എന്നിവിടങ്ങളില്‍ മാത്രമാണ് പുതിയ ഫൈന്റ് മൈ ഡിവൈസ് നെറ്റ്‌വർക്ക് അവതരിപ്പിച്ചിരിക്കുന്നക്. താമസിയാതെ തന്നെ ആഗോള തലത്തില്‍ ലഭ്യമാക്കും.
ആന്‍ഡ്രോയിഡ് 9-ലോ അതിന് ശേഷം പുറത്തിറങ്ങിയ ഓ.എസോ അടിസ്ഥാനമാക്കി പ്രവര്‍ത്തിക്കുന്ന ആന്‍ഡ്രോയിഡ് ഫോണുകളും അനുബന്ധ ഉപകരണങ്ങളും കണ്ടെത്താന്‍ ഇതുവഴി സാധിക്കും. ഇന്റര്‍നെറ്റ് കണക്ഷന്‍ ഇല്ലെങ്കിലും ഫൈന്റ് മൈ ഡിവൈസ് ഉപയോഗിച്ച് ഉപകരണങ്ങള്‍ കണ്ടെത്താം എന്നതാണ് പുതിയ അപ്‌ഡേറ്റിന്റെ സവിശേഷത.
എങ്ങനെയാണ് ഇതിന്റെ പ്രവര്‍ത്തനം
ആപ്പിളിന്റെ ഫൈന്റ് മൈ നെറ്റ്‌വർക്ക് പ്രവര്‍ത്തിക്കുന്നതിന് സമാനമാണിത്. എന്നാല്‍ ആന്‍ഡ്രോയിഡിന്റെ ജനപ്രീതിവെച്ച് ഗൂഗിളിന്റെ ഫൈന്റ് മൈ ഡിവൈസ് ആയിരിക്കും കൂടുതല്‍ ഫലപ്രദം.
ഉദാഹരണത്തിന് ഒരു ബ്ലൂടൂത്ത് ഹെഡ്‌സെറ്റ് നഷ്ടമായെന്നു കരുതുക. ആ ഹെഡ്‌സെറ്റ് എവിടെയാണോ അതിനടുത്തൂകൂടി ഒരു ആന്‍ഡ്രോയിഡ് ഫോണ്‍ ഉടമ സഞ്ചരിച്ചാല്‍ അയാളുടെ ഫോണിലേക്ക് ഹെഡ്‌സെറ്റിന്റെ ലൊക്കേഷന്‍ വിവരങ്ങള്‍ കൈമാറ്റം ചെയ്യപ്പെടുകയും അത് ഫൈന്റ് മൈ നെറ്റ്‌വർക്കിന്റെ സഹായത്തോടെ ഹെഡ്‌സെറ്റിന്റെ ഉടമയ്ക്ക് ഓണ്‍ലൈനായി കണ്ടെത്താന്‍ സാധിക്കുകയും ചെയ്യുന്നു. ആന്‍ഡ്രോയിഡിന് വലിയ സ്വീകാര്യതയുള്ളതിനാല്‍ ഈ സംവിധാനത്തിന് കൂടുതല്‍ ഫലപ്രദമായി പ്രവര്‍ത്തിക്കാനാവുന്നു.
ആന്‍ഡ്രോയിഡ് ഫോണ്‍ ഉടമ ഈ നെറ്റ്‌വർക്കിന്റെ ഭാഗമാവാന്‍ സമ്മതമറിയിച്ചാല്‍ മാത്രമേ ആ ഫോണ്‍ നെറ്റ്‌വർക്കിന് വേണ്ടി ഉപയോഗിക്കൂ. എന്‍ക്രിപ്റ്റ് ചെയ്ത ലൊക്കേഷന്‍ ഡാറ്റയാണ് ഇതുവഴി കൈമാറ്റം ചെയ്യുക. നെറ്റ്‌വർക്കിന്റെ ഭാഗമാവുന്ന ആന്‍ഡ്രോയിഡ് ഉപകരണങ്ങളുടെ വിവരങ്ങള്‍ കൈമാറ്റം ചെയ്യപ്പെടില്ല.
താമസിയാതെ കൂടുതല്‍ ഉപകരണങ്ങളില്‍
പിക്‌സല്‍ 8, പിക്‌സല്‍ 8 പ്രോ ഉടമകള്‍ക്ക് ഫോണ്‍ ഓഫ് ആണെങ്കിലും ഫൈന്റ് മൈ ഡിവൈസ് വഴി അവ കണ്ടെത്താനാവും. ഇതിനായി പ്രത്യേകം ഹാര്‍ഡ് വെയര്‍ ഫോണുകളില്‍ ഉപയോഗിച്ചിട്ടുണ്ട്. മേയ് മുതല്‍ കീകള്‍, വാലറ്റുകള്‍, ബ്ലൂടൂത്ത് ട്രാക്കറുകളുള്ള ലഗേജുകള്‍ എന്നിവയെല്ലാം ഈ രീതിയില്‍ കണ്ടെത്താനാവുമെന്ന് കമ്പനി പറഞ്ഞു. താമസിയാതെ തന്നെ യുഫി, ജിയോ, മോട്ടോറോള തുടങ്ങിയ കമ്പനികള്‍ ബ്ലൂടൂത്ത് ട്രാക്കറുകള്‍ അവതരിപ്പിക്കും. ബ്ലൂടൂത്ത് ടാഗുകള്‍ ഉപയോഗിച്ച് വ്യക്തികളെ ട്രാക്ക് ചെയ്യുന്നത് തടയുന്നതിനായി അണ്‍നൗണ്‍ ട്രാക്കര്‍ അലര്‍ട്ട് സംവിധാനവും ഇതിലുണ്ട്. പുതിയ ഫൈന്റ് മൈ ഡിവൈസ് നെറ്റ്‌വർക്ക് പിന്തുണയ്ക്കുന്ന ജെബിഎല്‍, സോണി പോലുള്ള ബ്രാന്‍ഡുകളുടെ ഹെഡ്‌ഫോണുകളും താമസിയാതെ പുറത്തിറങ്ങുമെന്നും ഗൂഗിള്‍ വ്യക്തമാക്കി.
Social
ചാറ്റിലെ ചിത്രങ്ങള്‍ സേവ് ചെയ്യാനാവില്ല- സ്വകാര്യത ഉറപ്പിക്കാന്‍ പുതിയ നീക്കവുമായി വാട്സാപ്പ്
വാട്സാപ്പിന്റെ ഐഒഎസ് വേര്‍ഷനിലെ ചാറ്റുകളുടെ സ്വകാര്യത ശക്തിപ്പെടുത്താന്‍ പുതിയ ഫീച്ചര്‍ ഒരുങ്ങുന്നു. ‘അഡ്വാന്‍സ്ഡ് ചാറ്റ് പ്രൈവസി’ എന്ന് പേര് നല്‍കിയിരിക്കുന്ന ഈ ഫീച്ചര്‍, നിങ്ങള്‍ അയക്കുന്ന മീഡിയ ഫയലുകള്‍ സ്വീകര്‍ത്താവിന്റെ ഫോണില്‍ സേവ് ആകുന്നത് തടയുന്നതടക്കമുള്ള സുരക്ഷാ സൗകര്യങ്ങള്‍ ഉള്‍ക്കൊള്ളുന്നതാണ്. ഈ ഫീച്ചര്‍ സജീവമാക്കിയാല്‍, നിങ്ങളുമായുള്ള ചാറ്റ് ഹിസ്റ്ററി മറ്റാര്‍ക്കും എക്സ്പോര്ട്ട് ചെയ്‌തെടുക്കാനും കഴിയില്ല.വാട്സാപ്പിന്റെ ഫീച്ചര്‍ ട്രാക്കിങ് വെബ്സൈറ്റായ വാബീറ്റാ ഇന്‍ഫോയുടെ റിപ്പോര്‍ട്ട് പ്രകാരം, ഐഒഎസിന്റെ അടുത്ത അപ്ഡേറ്റുകളിലൊന്നില്‍ ഈ ഫീച്ചര്‍ ലഭ്യമാകും. വാട്സാപ്പ് ഐ.ഒ.എസ് ബീറ്റാ പതിപ്പ് 25.10.10.70-ലാണ് ഈ ഫീച്ചര്‍ ആദ്യമായി കണ്ടെത്തിയതെന്നും റിപ്പോര്‍ട്ടില്‍ പറയുന്നു.ഈ ഫീച്ചര്‍ ഉപയോക്താക്കള്‍ക്ക് ആപ്പ് സെറ്റിംഗ്സ് വഴി ഇഷ്ടാനുസരണം ആക്ടിവേറ്റ് ചെയ്യാം. ഇത് ആക്ടിവേറ്റ് ചെയ്താല്‍, നിങ്ങള്‍ അയച്ച മീഡിയ ഫയലുകള്‍ സ്വീകര്‍ത്താവിന് അവരുടെ ഫോണില്‍ സേവ് ചെയ്യാന്‍ സാധിക്കില്ല. മീഡിയ ഫയല്‍ ഗാലറിയിലേക്ക് സേവ് ചെയ്യാന്‍ ശ്രമിച്ചാല്‍, ‘അഡ്വാന്‍സ്ഡ് ചാറ്റ് പ്രൈവസി ഓണ്‍ ആണ്, ഇത് മീഡിയ ഓട്ടോ-സേവ് ആകുന്നത് തടയുന്നു’ എന്ന സന്ദേശം പോപ്പ്-അപ്പായി ദൃശ്യമാകും. ചാറ്റ് ഹിസ്റ്ററി എക്സ്പോര്ട്ട് ചെയ്യുന്നത് തടയുമെന്നതാണ് ഈ ഫീച്ചറിന്റെ മറ്റൊരു പ്രധാന സവിശേഷത. ഈ ഫീച്ചര്‍ ആക്ടിവേറ്റ് ചെയ്താല്‍, നിങ്ങളുമായുള്ള ചാറ്റ് സ്വീകര്‍ത്താവിന് എക്സ്പോര്ട്ട് ചെയ്യാന്‍ കഴിയാതെ വരും. ആന്‍ഡ്രോയിഡ് ഉപയോക്താക്കള്‍ക്കായും സമാനമായ ഫീച്ചര്‍ വാട്സാപ്പ് വികസിപ്പിച്ചു വരുന്നുണ്ട്. നിലവില്‍ നിര്‍മാണ ഘട്ടത്തിലുള്ള ഈ ഫീച്ചര്‍, നിരവധി പരീക്ഷണങ്ങള്‍ക്ക് ശേഷമാകും എല്ലാ ഉപയോക്താക്കള്‍ക്കും ലഭ്യമാവുക. സ്വകാര്യതയ്ക്ക് കൂടുതല്‍ മുന്‍ഗണന നല്‍കുന്ന ഈ പുതിയ ഫീച്ചര്‍ വാട്സാപ്പ് ഉപയോഗം കൂടുതല്‍ സുരക്ഷിതമാക്കുമെന്നാണ് പ്രതീക്ഷിക്കപ്പെടുന്നത്.
വാട്സാപ്പ് സ്റ്റാറ്റസ് അപ്‌ഡേറ്റില്‍ ഇനി പാട്ടുകളും ചേര്‍ക്കാം. കഴിഞ്ഞദിവസത്തെ അപ്‌ഡേറ്റിലൂടെയാണ് വാട്സാപ്പ് സ്റ്റാറ്റസില്‍ സംഗീതവും ചേര്‍ക്കാനുള്ള ഫീച്ചര്‍ അവതരിപ്പിച്ചത്. നിലവില്‍ ഇന്‍സ്റ്റഗ്രാം സ്റ്റോറിയില്‍ ലഭ്യമായതിന് സമാനമായ ഫീച്ചറാണ് വാട്‌സാപ്പിലും നല്‍കിയിരിക്കുന്നത്.പുതിയ അപ്‌ഡേറ്റിന് പിന്നാലെ വാട്സാപ്പ് സ്റ്റാറ്റസ് പോസ്റ്റ് ചെയ്യുന്നവേളയില്‍ പാട്ടുകള്‍ ചേര്‍ക്കാനുള്ള ഓപ്ഷനും ലഭ്യമായിട്ടുണ്ട്. വാട്‌സാപ്പില്‍ ‘ആഡ് സ്റ്റാറ്റസ്’ ക്ലിക്ക് ചെയ്ത് സ്റ്റാറ്റസായി പോസ്റ്റ് ചെയ്യാനുള്ള ചിത്രമോ വീഡിയോയോ തിരഞ്ഞെടുത്താല്‍ മുകളിലായി ‘മ്യൂസിക് നോട്ടി’ന്റെ ചിഹ്നം കാണാം. ഇതില്‍ ക്ലിക്ക് ചെയ്താല്‍ നിരവധി പാട്ടുകളുള്ള മ്യൂസിക് ല്രൈബറിയില്‍നിന്ന് ഇഷ്ടമുള്ള പാട്ടുകള്‍ തിരഞ്ഞെടുക്കാം. സ്റ്റാറ്റസുകളില്‍ പങ്കുവെയ്ക്കുന്ന പാട്ടുകള്‍ ‘എന്‍ഡ്-ടു-എന്‍ഡ്’ എന്‍ക്രിപ്റ്റഡ് ആയതിനാല്‍ ഉപഭോക്താക്കള്‍ പങ്കിടുന്ന പാട്ടുകള്‍ വാട്‌സാപ്പിന് കാണാനാകില്ലെന്നും ഉപഭോക്താക്കളുടെ സുഹൃത്തുക്കള്‍ക്ക് മാത്രമേ കാണാനാവുകയുള്ളൂവെന്നും പുതിയ അപ്‌ഡേറ്റ് സംബന്ധിച്ച് വാട്സാപ്പ് അറിയിച്ചു.
വാട്സ്ആപ്പിന്റെ ഏറ്റവും പുതിയ ഫീച്ചറായ വോയ്സ് മെസ്സേജ് ട്രാൻസ്‌ക്രിപ്‌ഷൻ ഫീച്ചർ ആൻഡ്രോയിഡ് ഫോണുകളിൽ ലഭ്യമായിത്തുടങ്ങി. ഉടൻ തന്നെ ഐഒഎസ് ഫോണുകളിലും ഫീച്ചർ ലഭ്യമാകും. ഇതോടെ വോയ്സ് മെസ്സേജ് കേള്‍ക്കാന്‍ പറ്റാത്ത സാഹചര്യങ്ങളില്‍ അവ ട്രാന്‍സ്ക്രിപ്റ്റ് ചെയ്ത് വായിക്കാന്‍ സാധിക്കും 2024 നവംബറിലാണ് വാട്സ്ആപ്പ് വോയിസ് മെസ്സേജ് ട്രാൻസ്‌ക്രിപ്‌ഷൻ പുറത്തിറക്കുന്നതായി അറിയിച്ചത്. യാത്രകൾക്കിടയിലും ബഹളങ്ങൾക്കിടയിലും വോയിസ് മെസ്സേജ് കേൾക്കാൻ സാധിക്കാത്ത സാഹചര്യങ്ങളിൽ ഈ ഫീച്ചർ ഉപകാരപ്രദമാകും. ഓൺ ഡിവൈസ് പ്രോസസിങ്ങിലൂടെയാണ് വോയിസ് മെസേജുകളെ ടെക്സ്റ്റ് മെസേജുകളാക്കുന്നത്. ഈ വിവരങ്ങളെല്ലാം സുരക്ഷിതമായിരിക്കുമെന്നും, യാതൊരു വിവരവും തങ്ങൾ ശേഖരിക്കില്ലെന്നും വാട്സ്ആപ്പ് തന്നെ പറയുന്നുണ്ട്.
ഇംഗ്ലീഷ്, സ്പാനിഷ്, പോർച്ചുഗീസ്, റഷ്യൻ എന്നെ ഭാഷകളിലാണ് നിലവിൽ ട്രാൻസ്‌ക്രിപ്റ്റ് സംവിധാനമുള്ളത്‌. ഹിന്ദിയോ, മറ്റ് ഇന്ത്യൻ പ്രാദേശിക ഭാഷകളോ നിലവിൽ ലഭ്യമല്ല.വോയ്സ് ടെക്സ്റ്റാക്കി മാറ്റാൻ വാട്‌സ്ആപ്പിലെ സെറ്റിങ്‌സിൽ മാറ്റം വരുത്തണം. ഇതിനായി വാട്സ്ആപ്പ് സെറ്റിംഗ്സ് തുറന്ന് ചാറ്റ്‌സിൽ ടാപ്പ് ചെയ്യുക. തുടർന്ന് താഴേക്ക് സ്‌ക്രോൾ ചെയ്ത് വോയ്സ് മെസേജ് ട്രാൻസ്‌ക്രിപ്റ്റ് എന്ന ഓപ്ഷൻ ടാഗിൾ ചെയ്യുക. ഇപ്പോൾ കാണിക്കുന്ന ഓപ്ഷനുകളിൽ നിന്ന് നിങ്ങൾക്ക് ഇഷ്ടപ്പെട്ട ഭാഷ തിരഞ്ഞെടുക്കാം.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്‌ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര്‍ കുനിത്തലയില്‍ പടക്കവില്പന ശാലക്ക് സമീപത്തെ സംഘര്‍ഷം;നാലു പേര്‍ക്കെതിരെ കേസ്
