കാക്കയങ്ങാട്: പാല ഗവ.ഹയർ സെക്കൻഡറി സ്‌കൂളിൽ നടന്ന ഫോക്കസ് പോയിന്റ് ക്ലാസ്സിൽ നൂറിലധികം കുട്ടികളും രക്ഷിതാക്കളും പങ്കെടുത്തു. പ്രിൻസിപ്പൽ ശ്രീകുമാർ, സി. സജു, ജയദേവൻ, ഷിജു, കുര്യൻ, ഷാന്റി എന്നിവർ സംസാരിച്ചു. ഉന്നത വിജയം നേടിയ വിദ്യാർത്ഥികളെ ഉപഹാരം നൽകി അനുമോദിച്ചു . എസ്.എസ്.എൽ.സിക്ക് ശേഷമുള്ള ഉപരിപഠന സാധ്യതകളെ കുറിച്ചും പ്ലസ് വൺ അപേക്ഷ നടപടിക്ക്രമങ്ങളെക്കുറിച്ചും കരിയർ ഗൈഡ് ഷക്കീൽ അരയാക്കൂൽ ക്ലാസെടുത്തു.

പേരാവൂർ: അനധികൃത കുഴൽക്കിണറുകൾ കാരണം വീട്ടുകിണറുകൾ വറ്റിവരണ്ടതായും കുടിവെള്ളം പോലുമില്ലാതായതായും പരാതിപ്പെട്ട് പേരാവൂർ പാമ്പാളിയിലെ നിരവധി കുടുംബങ്ങൾ ജില്ലാ കളക്ടർക്കും പേരാവൂർ പഞ്ചായത്തിനും പരാതി നല്കി. പ്രദേശത്ത് വ്യാപകമായി കുഴൽക്കിണറുകൾ കുഴിക്കുന്നതായും ഇതിനെതിരെ പഞ്ചായത്ത് നടപടി സ്വീകരിക്കണമെന്നും പ്രദേശവാസികൾ ആവശ്യപ്പെട്ടു.

കിണർ കുഴിച്ചാൽ വെള്ളം ലഭിക്കുന്ന പ്രദേശത്ത് കുഴൽക്കിണറിന് അനുമതി നല്കരുതെന്നാണ് പ്രദേശവാസികളുടെ ആവശ്യം. കുഴൽക്കിണറുകളാണ് പ്രദേശത്ത് കുടിവെള്ള ക്ഷാമം ഉണ്ടാക്കിയതെന്നും ഇനി ഒരു കുഴൽക്കിണർ പോലും കുഴിക്കാൻ അനുമതി നല്കരുതെന്നും 60 ഓളം പേർ ഒപ്പിട്ട പരാതിയിൽ ആവശ്യപ്പെട്ടു.

പേരാവൂർ : മുനീറുൽ ഇസ്ലാം സഭ ഹജ്ജ് യാത്രയയപ്പും പ്രാർത്ഥനാ സദസ്സും സംഘടിപ്പിച്ചു. മഹല്ല് പ്രസിഡന്റ് യു.വി.റഹീം അധ്യക്ഷത വഹിച്ചു. മഹല്ല് ഖത്വീബ് മൂസ മൗലവി മുഖ്യ പ്രഭാഷണം നടത്തി. മഹല്ല് സെക്രട്ടറി കെ.പി.അബ്ദുറഷീദ്, ഉപദേശകസമിതി ചെയർമാൻ പുതിയാണ്ടി അബ്ദുള്ള ഹാജി, അബ്ദുൽ അസീസ് ഫൈസി, അസ്ലം ഫൈസി, ശിഹാബുദ്ദീൻ സഅദി, തറാൽ ഹംസ, സിറാജുദ്ദീൻ മൗലവി ,സി.നാസർ ,അഷറഫ് ചെവിടിക്കുന്ന്, പൊയിൽ മുഹമ്മദ്, മാഹിൻ മാസ്റ്റർ എന്നിവർ സംസാരിച്ചു