തെരഞ്ഞെടുപ്പ് ബോധവത്ക്കരണവുമായി വോട്ട് വണ്ടി

തിരുവനന്തപുരം: ലോക്‌സഭാ തെരഞ്ഞെടുപ്പിന് മുന്നോടിയായി സമ്മതിദായകരെ വോട്ട് ചെയ്യേണ്ടതിന്റെ പ്രാധാന്യത്തെക്കുറിച്ച് ബോധവത്ക്കരിക്കുന്നതിനും വോട്ടിങ് മെഷീനുകൾ പരിചയപ്പെടുത്തുന്നതിനുമായി വോട്ട് വണ്ടി പര്യടനം തുടങ്ങി. 140 നിയമസഭാ മണ്ഡലങ്ങളിലും പര്യടനം നടത്തുന്ന ‘വോട്ട് വണ്ടി’ യുടെ യാത്ര സംസ്ഥാന ചീഫ് ഇലക്ടറൽ ഓഫീസർ സഞ്ജയ് കൗൾ ഫ്ലാഗ് ഓഫ് ചെയ്തു.

വോട്ട് ചെയ്യാൻ ആളുകളെ പ്രേരിപ്പിച്ച് സംസ്ഥാനത്ത് 100 ശതമാനം പോളിങ് ഉറപ്പാക്കുകയാണ് ലക്ഷ്യമെന്ന് അദ്ദേഹം പറഞ്ഞു. ചടങ്ങിന്റെ ഭാഗമായി വിദ്യാർഥികളുടെ റോളർ സ്‌കേറ്റിങ്, ഫ്‌ളാഷ് മോബ്, ചെണ്ടമേളം തുടങ്ങിയ പരിപാടികളും സംഘടിപ്പിച്ചു. കവടിയാറിൽ നടന്ന ചടങ്ങിൽ സബ്കലക്ടർ ഡോ. അശ്വതി ശ്രീനിവാസും പങ്കെടുത്തു.