വയനാട്ടിൽ ഹൈ​സ്‌​കൂ​ൾ മ​ല​യാ​ളം അ​ധ്യാ​പ​ക ത​സ്തി​ക​യി​ലേ​ക്ക് നി​യ​മ​ന​മി​ല്ല; ഒ​ഴി​വു​ണ്ടാ​യി​ട്ടും റി​പ്പോ​ർ​ട്ട് ചെ​യ്യു​ന്നി​ല്ലെ​ന്ന് ഉ​ദ്യോ​ഗാ​ർ​ഥി​ക​ൾ

മാ​ന​ന്ത​വാ​ടി: മ​റ്റെ​ല്ലാ ജി​ല്ല​ക​ളി​ലും റെ​ക്കോ​ഡ് നി​യ​മ​ന​ങ്ങ​ൾ ന​ട​ന്ന് കാ​ലാ​വ​ധി​ക്കു മു​മ്പ് ത​ന്നെ റാ​ങ്ക് പ​ട്ടി​ക അ​വ​സാ​നി​ക്കു​മ്പോ​ൾ ആ​ദ്യ റാ​ങ്കു​ക​ൾ നേ​ടി​യ​വ​ർ​ക്കു​പോ​ലും വ​യ​നാ​ട്ടി​ൽ നി​യ​മ​നം ല​ഭി​ക്കു​മോ എ​ന്ന ആ​ശ​ങ്ക​യിലാ​ണ് ഉ​ദ്യോ​ഗാ​ർ​ഥി​ക​ൾ.ജി​ല്ല​യി​ലെ ഹൈ​സ്‌​കൂ​ൾ മ​ല​യാ​ളം അ​ധ്യാ​പ​ക ത​സ്തി​ക​യി​ലേ​ക്ക് പി.​എ​സ്.​സി റാ​ങ്ക് പ​ട്ടി​ക​യി​ൽ​നി​ന്ന് നി​യ​മ​നം നടക്കാത്തതാണ് കാരണം . ഒ​ഴി​വു​ക​ൾ നി​ല​വി​ലു​ണ്ടെ​ങ്കി​ലും കൃ​ത്യ​മാ​യി റി​പ്പോ​ർ​ട്ട് ചെ​യ്യാ​തി​രി​ക്കു​ന്ന​താ​ണ് ഉ​ദ്യോ​ഗാ​ർ​ഥി​ക​ൾ​ക്ക് തി​രി​ച്ച​ടി​യാ​കു​ന്ന​ത്. 2021 ജൂ​ണി​ൽ ന​ട​ന്ന പ​രീ​ക്ഷ​യു​ടെ റാ​ങ്ക് പ​ട്ടി​ക 2023 ആ​ഗ​സ്റ്റി​ലാ​ണ് നി​ല​വി​ൽ വ​ന്ന​ത്. മു​ഖ്യ​പ​ട്ടി​ക​യി​ലും ഉ​പ​പ​ട്ടി​ക​യി​ലു​മാ​യി 104 പേ​രെ​യാ​ണ് ഉ​ൾ​പ്പെ​ടു​ത്തി​യ​ത്.

റാ​ങ്ക് പ​ട്ടി​ക​യി​ൽ​നി​ന്ന് നി​ല​വി​ൽ ആ​കെ അ​ഞ്ചു പേ​രെ മാ​ത്ര​മേ നി​യ​മി​ച്ചി​ട്ടു​ള്ളൂ. അ​തി​ൽ മൂ​ന്നെ​ണ്ണം എ​ൻ.​സി.​എ നി​യ​മ​ന​വും ആ​യി​രു​ന്നു.ഒ​ഴി​വു​ക​ളെ സം​ബ​ന്ധി​ച്ച് ജി​ല്ല​യി​ലെ വി​ദ്യാ​ഭ്യാ​സ ഓ​ഫി​സി​ൽ​നി​ന്ന് ല​ഭി​ക്കു​ന്ന മ​റു​പ​ടി​യി​ൽ പൊ​രു​ത്ത​ക്കേ​ടു​ക​ളു​ണ്ടെ​ന്ന് ഉ​ദ്യോ​ഗാ​ർ​ഥി​ക​ൾ പ​റ​യു​ന്നു. മു​മ്പ് ന​ൽ​കി​യ വി​വ​രാ​വ​കാ​ശം വ​ഴി ഹൈ​സ്കൂ​ൾ മ​ല​യാ​ളം ത​സ്തി​ക​യി​ൽ ജി​ല്ല​യി​ൽ 22 ഒ​ഴി​വു​ക​ളു​ണ്ടെ​ന്ന് ഉ​ദ്യോ​ഗാ​ർ​ഥി​ക​ൾ​ക്ക് മ​റു​പ​ടി ല​ഭി​ച്ചി​രു​ന്നു. എ​ന്നാ​ൽ, 2023ൽ ​ന​ൽ​കി​യ വി​വ​രാ​വ​കാ​ശ​ത്തി​ലെ മ​റു​പ​ടി​യി​ൽ ഒ​ഴി​വു​ക​ൾ ഒ​മ്പ​താ​യി ചു​രു​ങ്ങി.

2020ൽ ​അ​വ​സാ​നി​ച്ച ക​ഴി​ഞ്ഞ ഹൈ​സ്‌​കൂ​ൾ മ​ല​യാ​ളം റാ​ങ്ക്പ​ട്ടി​ക സം​ബ​ന്ധി​ച്ച കേ​സും നി​ല​വി​ലെ ഉ​ദ്യോ​ഗാ​ർ​ഥി​ക​ൾ​ക്ക് തി​രി​ച്ച​ടി​യാ​വു​ക​യാ​ണ്. ജി​ല്ല വി​ദ്യാ​ഭ്യാ​സ ഓ​ഫി​സി​ൽ​നി​ന്ന് പ്രൊ​വി​ഷ​ന​ൽ ഒ​ഴി​വു​ണ്ടെ​ന്ന് തെ​റ്റാ​യ റി​പ്പോ​ർ​ട്ട് ന​ൽ​കി​യ​തി​നെ തു​ട​ർ​ന്നാ​ണ് കേ​സി​ന് പോ​യ​വ​ർ​ക്ക് അ​നു​കൂ​ല വി​ധി സ​മ്പാ​ദി​ക്കാ​നാ​യ​തെ​ന്ന് ഉ​ദ്യോ​ഗാ​ർ​ഥി​ക​ൾ ആ​രോ​പി​ക്കു​ന്നു. പ്രാ​യ​പ​രി​ധി ക​ഴി​ഞ്ഞ​തി​നാ​ൽ ഇ​നി​യൊ​രു പി.​എ​സ്.​സി പ​രീ​ക്ഷ എ​ഴു​താ​ൻ ക​ഴി​യാ​ത്ത​വ​രാ​ണ് റാ​ങ്ക് പ​ട്ടി​ക​യി​ലു​ൾ​പ്പെ​ട്ട മി​ക്ക ഉ​ദ്യോ​ഗാ​ർ​ഥി​ക​ളും.