ബി.ടെക്/ബി.ആര്‍ക് വിദ്യാര്‍ഥികള്‍ക്ക് മലയാളി എന്ജിനീയേഴ്സ് അസോസിയേഷന്‍ സ്‌കോളര്‍ഷിപ്പ്
അമേരിക്കയിലെ മലയാളി എന്ജിനീയേഴ്സ് അസോസിയേഷന്‍ (ഹൂസ്റ്റണ്‍, ടെക്സസ്, യു.എസ്.എ) എന്‍ജിനീയറിങ്/ ആര്‍ക്കിടെക്ചര്‍ വിദ്യാര്‍ഥികള്‍ക്കായി സ്‌കോളര്‍ഷിപ്പ് നല്‍കുന്നു. സാമ്പത്തികമായി പിന്നാക്കം നില്‍ക്കുന്ന മികച്ച അക്കാദമിക് പശ്ചാത്തലമുള്ള മലയാളി വിദ്യാര്‍ഥികള്‍ക്ക് അപേക്ഷിക്കാം. ഓരോ വര്‍ഷവും 600 യു.എസ് ഡോളര്‍ (48,660രൂപ) സ്‌കോളര്‍ഷിപ്പായി ലഭിക്കും. അപേക്ഷ ഓണ്‍ലൈനായി നല്‍കണം
ആര്‍ക്കൊക്കെ അപേക്ഷിക്കാം
*എന്‍ജിനീയറിങ്, ആര്‍കിടെക്ചര്‍ ഒന്നാം വര്‍ഷബിരുദക്കാര്‍ക്കാണ് അവസരം.
*കുടുംബ വാര്‍ഷിക വരുമാനം പ്രതിവര്‍ഷം ഒന്നരലക്ഷം രൂപയില്‍ കവിയരുത്
*KEAM റാങ്ക് 5000-ല്‍ താഴെ ആയിരിക്കണം/ബി.ആര്‍ക്ക് വിദ്യാര്‍ഥികള്‍ക്ക് NATA സ്‌കോര്‍ 110 ന് മുകളിലായിരിക്കണം
*പത്താം ക്ലാസിലും പ്ലസ്ടുവിലും 85 ശതമാനത്തിന് മുകളില്‍ മാര്‍ക്ക് ഉണ്ടായിരിക്കണം.
*സ്‌കോളര്‍ഷിപ്പിന് അപേക്ഷിക്കേണ്ട അവസാന തീയ്യതി – ഡിസംബര്‍ എട്ട്
കൂടുതല്‍ വിവരങ്ങള്‍ക്ക്: www.meahouston.org
