മുഴക്കുന്നിൽ ഫിലിം ഫെസ്റ്റ്; പോസ്റ്റർ പ്രകാശനം നടത്തി
മുഴക്കുന്ന് : ഗദ്ദർ സാംസ്കാരിക വേദി മുഴക്കുന്നിൽ സംഘടിപ്പിക്കുന്ന ഫിലിം ഫെസ്റ്റിന്റെ പോസ്റ്റർ പ്രകാശനം പഞ്ചായത്ത് പ്രസിഡന്റ് ജാഫർനല്ലൂർ ബ്ലോക്ക് പഞ്ചായത്ത് മെമ്പർ സി. ഗോപാലന് നൽകി ഉദ്ഘാടനം ചെയ്തു. ജനുവരി 30 മുതൽ ഫെബ്രുവരി 1 വരെയാണ് ഫിലിം ഫെസ്റ്റ്. 30ന് വൈകിട്ട് 5ന് സിനിമാ സംവിധായകൻ ഷെറി ഗോവിന്ദൻ ഫെസ്റ്റ് ഉദ്ഘാടനം ചെയ്യും.31ന് സിനിമ പ്രദർശനവും ചിത്രരചനയും വിവിധ കലാപരിപാടികളുമുണ്ടാവും. സിനിമയിലെ രാഷ്ട്രീയം എന്ന വിഷയത്തിൽ സിനിമ സംവിധായകൻ ടി. ദീപേഷ് പ്രഭാഷണം നടത്തും.
