Connect with us

KANICHAR

കുടിവെള്ളം മുട്ടിച്ച് വന്യജീവികൾ; ആദിവാസികൾ പുഴയോരത്തേക്ക്

Published

on

Share our post

കണിച്ചാർ : കാട്ടാനകളും വന്യജീവികളും കുടിവെള്ളം മുട്ടിക്കുന്നുവെന്ന് ആരോപിച്ച് ആറളം ആദിവാസി സെറ്റിൽമെന്റ് മേഖലയിലെ ഇരുപതിൽ അധികം കുടുംബങ്ങൾ കേളകം, കണിച്ചാർ പഞ്ചായത്തുകളുടെ അതിരിലുള്ള ബാവലി പുഴയോരത്തേക്കു താമസം മാറ്റി. ഒഴിഞ്ഞ പുഴയോരത്തു കുടിൽ കെട്ടിയും ടെന്റുകൾ ഉണ്ടാക്കിയുമാണു താമസം. കാട്ടാനകളുടെയും മറ്റു വന്യജീവികളുടെയും ശല്യം കാരണം കുടിവെള്ളമെടുക്കാൻ പോലും ഫാമിലെ വീടുകളിൽനിന്നു പുറത്തിറങ്ങാൻ കഴിയാത്ത അവസ്ഥയാണെന്ന് ഇവർ പറയുന്നു. ഇപ്പോൾ വന്യജീവിശല്യമില്ലെന്നും കുടിവെള്ളം ലഭിക്കുന്നുണ്ടെന്നും ആദിവാസികൾ പറയുന്നു. ചിലർ കുടിൽ പോലും കെട്ടാതെയാണു പുഴയോരത്തു താമസിക്കുന്നത്.

മിക്കവരും ഫാമിൽ ഒരേക്കർ സ്ഥലവും വീടുമുള്ളവരാണ്. ചിലർ വളയംചാൽ കോളനിയിൽനിന്ന് എത്തിയവരാണ്. ഇവർ പുഴക്കരയിൽ താമസിക്കുന്നതിൽ ആരോഗ്യ വകുപ്പ് എതിർപ്പ് പ്രകടിപ്പിക്കുന്നുണ്ട്. ശുചിമുറി സൗകര്യമില്ലാത്തതിനാൽ പുഴയിലെ വെള്ളം മലിനമാകുന്നുവെന്നാണ് ആരോഗ്യ വകുപ്പ് പറയുന്നത്. ശുചിത്വം മുൻനിർത്തി നാട്ടുകാരും എതിർപ്പ് പ്രകടമാക്കിയിട്ടുണ്ട്. എല്ലാ വേനൽ കാലത്തും ഇവർ പുഴയോരത്ത് എത്താറുണ്ടെന്നും നാട്ടുകാർ പറയുന്നു. ഫാമിലുള്ള ഇവരുടെ വീടുകളിൽ വെള്ളമെത്തിക്കുന്നതിനു സർക്കാർ നടപടി സ്വീകരിക്കണമെന്ന് കേളകം പഞ്ചായത്തംഗം ജോണി പാമ്പാടിയിൽ ആവശ്യപ്പെട്ടു.


Share our post

Breaking News

മലയാംപടിയിൽ ഐറിസ് ഓട്ടോമറിഞ്ഞ് പരിക്കേറ്റ ഒരാൾ മരിച്ചു

Published

on

Share our post

കണിച്ചാർ: മലയാംപടിയിൽ ഐറിസ് ഓട്ടോമറിഞ്ഞ് പരിക്കേറ്റ ഒരാൾ മരിച്ചു. മണത്തണ ഓടംന്തോട് സ്വദേശിനി വെള്ളരിങ്ങാട്ട് പുഷ്‌പ (52) ആണ് മരിച്ചത്. തലയ്ക്ക് ഗുരുതരമായി പരിക്കേറ്റ പുഷ്പയെ കണ്ണൂരിലേക്ക് കൊണ്ടും പോകുമ്പോഴാണ് മരണം സംഭവിച്ചത്. ഇന്ന് വൈകിട്ടായിരുന്നു അപകടം. മലയാംപടിയിലേക്ക് പോയ ഓട്ടോ ടാക്സി താഴ്ചയിലേക്ക് മറിഞ്ഞാണ് അപകടമുണ്ടായത്. അപകടത്തിൽ മൂന്ന് ഓടംതോട് സ്വദേശികൾക്കാണ് പരിക്കേറ്റത്.പരിക്കേറ്റ മറ്റുള്ളവരെ പേരാവൂർ താലൂക്ക് ആസ്പത്രിയിലൂം , ചുങ്കക്കുന്നിലെ സ്വകാര്യആസ്പത്രിയിലും പ്രവേശിപ്പിച്ചു.


Share our post
Continue Reading

KANICHAR

കണിച്ചാർ ടൗൺ കപ്പേളയിൽ തിരുനാളിന് കൊടിയേറി

Published

on

Share our post

കണിച്ചാർ : കണിച്ചാർ സെന്റ് ജോർജ് പള്ളിക്ക് കീഴിലെ വിശുദ്ധ യൗസേപ്പിതാവിന്റെ നാമത്തിൽ കണിച്ചാർ ടൗണിൽ സ്ഥിതി ചെയ്യുന്ന കപ്പേളയിൽ തിരുനാളിന് കൊടിയേറി.ഇടവക വികാരി ഫാ. മാത്യു പാലമറ്റം പതാക ഉയർത്തി. മാർച്ച് 19 വരെ നടക്കുന്ന തിരുനാൾ ദിനങ്ങളിൽ കൊളക്കാട് ഇടവകാ അസിസ്റ്റന്റ് വികാരി ഫാ. നിധിൻ തകിടിയിൽ, പേരാവൂർ അസിസ്റ്റന്റ് വികാരി ഫാ. പോൾ മുണ്ടക്കൽ എന്നിവർ വിശുദ്ധ ബലിക്കും നൊവേനയ്ക്കും നേതൃത്വം നൽകും.


Share our post
Continue Reading

KANICHAR

വനിതാദിനാഘോഷത്തിന്റെ ഭാഗമായി കണിച്ചാർ പഞ്ചായത്തിലെ വനിതകൾക്കായി സിനിമ പ്രദർശനം

Published

on

Share our post

കണിച്ചാർ: അന്താരാഷ്ട്ര വനിതാദിനാഘോഷത്തിന്റെ ഭാഗമായി കണിച്ചാർ പഞ്ചായത്തിലെ വനിതകൾക്കായി സിനിമ പ്രദർശനം നടക്കും. ഇന്ന് രാത്രി 09:30ന് കണിച്ചാർ ദേവ് സിനിമാസിൽ ‘ഓഫീസർ ഓൺ ഡ്യൂട്ടി’ എന്ന സിനിമയുടെ പ്രത്യേക പ്രദർശനമാണ് ഉണ്ടായിരിക്കുക. കണിച്ചാർ പഞ്ചായത്ത്, വനിതാശിശു വികസന വകുപ്പ്, സി.ഡി.എസ്. എന്നിവയുടെ നേതൃത്വത്തിലാണ് പ്രദർശനം സംഘടിപ്പിക്കുന്നത്. കണിച്ചാർ പഞ്ചായത്ത് പ്രസിഡന്റ് ആന്റണി സെബാസ്റ്റ്യൻ പ്രദർശനം ഉദ്ഘാടനം ചെയ്യും.


Share our post
Continue Reading

Trending

error: Content is protected !!