മെഗാ തൊഴിൽമേള 24-ന് ആരംഭിക്കും

വ്യാവസായിക പരിശീലന വകുപ്പ് സംസ്ഥാനത്തെ വിവിധ ഐ.ടി.ഐ കളിൽ നിന്നും പരിശീലനം നേടിയവർക്കും വിവിധ കമ്പനികളിൽ നിന്ന് അപ്രന്റിസ്ഷിപ്പ് കഴിഞ്ഞവർക്കും വേണ്ടി നടത്തുന്ന മെഗാ തൊഴിൽ മേള ‘സ്‌പെക്ട്രം ജോബ് ഫെയർ’ ഒക്ടോബർ 24-ന് ആരംഭിക്കും.ജില്ലകളിലെ നോഡൽ ഐ.ടി.ഐകളിൽ നവംബർ നാല് വരെ നടക്കുന്ന മേളയിൽ സ്വദേശത്തും വിദേശത്തുമുള്ള തൊഴിൽ ദാതാക്കൾ പങ്കെടുക്കും.

knowledgemission.kerala.gov.in/ പോർട്ടൽ വഴി തൊഴിൽ മേളയിൽ പങ്കെടുക്കുന്നതിന് രജിസ്‌ടേഷൻ ചെയ്യാം. സ്‌പോട്ട് രജിസ്‌ട്രേഷൻ സൗകര്യവും ലഭ്യമാണ്. കൂടുതൽ വിവരങ്ങൾക്ക് അടുത്തുളള ഐ.ടി.ഐകളിൽ ബന്ധപ്പെടുക.