തൊണ്ടിയിൽ ഗുഡ് എർത്ത് ചെസ്സ് കഫെയിൽ നടന്ന ഇരിട്ടി ഉപജില്ല വിദ്യാരംഗം കലാസാഹിത്യ വേദിനവസാങ്കേതിക വിദ്യ പരിശീലനത്തിൽ പങ്കെടുത്തവർ

പേരാവൂർ: വിദ്യാരംഗം കലാസാഹിത്യ വേദി ഇരിട്ടി ഉപജില്ലയുടെ നേതൃത്വത്തിൽ നവസാങ്കേതിക വിദ്യ പരിശീലനം തൊണ്ടിയിൽ ഗുഡ് എർത്ത് ചെസ്സ് കഫെയിൽ നടത്തി. സി.എം.അഹമ്മദ് നാസിം ഉദ്ഘാടനം ചെയ്തു. റൂബി മോൾ ജോസഫ് അധ്യക്ഷയായി. കെ. അശ്വന്ത്, കെ.വിനോദ് കുമാർ നേതൃത്വം നൽകി.

ബി.പി.സി തുളസീധരൻ , ടി.പി.ശാദിയ സഹല , ഷബാന , മുഹമ്മദ് യുനസ് എന്നിവർ സംസാരിച്ചു. ജിമ്മി ജോർജ് , ചെസ്സ് പരിചയം, പുസ്തക പരിചയം, പുഴയറിവ് , സസ്യകൗതുകം എന്നീ പഠന പ്രവർത്തനങ്ങളെ എങ്ങനെ നവ സാങ്കേതിക വിദയുടെ സഹായത്തോടെ കുട്ടികളിൽ വിനിമയം ചെയ്യാം എന്ന ചർച്ചയും വീഡിയോ നിർമാണവും നടത്തി.

പേരാവൂർ:സെയ്ന്റ് ജോസഫ്‌സ് എച്ച്.എസ്.എസ്73-ആം വാർഷികാഘോഷവും യാത്രയയപ്പ് സമ്മേളനവും പേരാവൂർ പഞ്ചായത്ത് പ്രസിഡന്റ് പി.പി വേണുഗോപാലൻ ഉദ്ഘാടനം ചെയ്തു. ആർച്ച് പ്രീസ്റ്റ് ഫാ. മാത്യു തെക്കേമുറി അധ്യക്ഷനായി. കോർപ്പറേറ്റ് മാനേജർ ഫാ.മാത്യു ശാസ്താംപടവിൽ മുഖ്യപ്രഭാഷണം നടത്തി. സർവീസിൽ നിന്നും വിരമിക്കുന്ന കെ.വി ലൗലി, ഷാജു പോൾ, സെലിൻ ജോസഫ് എന്നിവരെ ആദരിച്ചു.

പ്രിൻസിപ്പാൾ കെ.വി.സെബാസ്റ്റ്യൻ, പ്രഥമാധ്യാപകൻ സണ്ണി.കെ.സെബാസ്റ്റ്യൻ, ജില്ലാ പഞ്ചായത്തംഗം വി.ഗീത, നൂറുദ്ദീൻ മുള്ളേരിക്കൽ, രാജു ജോസഫ്, കെ.ബാബു , സിബി തോമസ്, സോജൻ വർഗീസ്, രാജീവ്.കെ.നായർ എന്നിവർ സംസാരിച്ചു. കല, വിദ്യാഭ്യാസ, സാഹിത്യ, കായിക മേഖലകളിൽ കഴിവ് തെളിയിച്ച വിദ്യാർത്ഥികളെ അനുമോദിച്ചു.

ആറളം : ഫാമില്‍ നിന്നും വിരമിച്ച പെന്‍ഷന്‍ തൊഴിലാളികളുടെ കൂട്ടായ്മ ശനിയാഴ്ച (25/1/25) രാവിലെ 11ന് പേരാവൂര്‍ റോബിന്‍സ് ഓഡിറ്റോറിയത്തില്‍ നടക്കും. സണ്ണി ജോസഫ് എം.എൽ.എ ഉദ്ഘാടനം ചെയ്യും.