ന്യൂഡല്‍ഹി:സ്ഥാനാര്‍ത്ഥിക്ക് വോട്ട് ചെയ്യുമെന്ന പ്രസ്താവനയുമായി കോണ്‍ഗ്രസ് നേതാവ് രാഹുല്‍ ഗാന്ധി. താന്‍ എ.എ.പിക്കും അരവിന്ദ് കെജ്‌രിവാള്‍ കോണ്‍ഗ്രസ് സ്ഥാനാര്‍ത്ഥിക്കും വോട്ട് ചെയ്യുമെന്നാണ് രാഹുലിന്റെ പ്രസ്താവന. രണ്ട് സഖ്യകക്ഷികള്‍ തമ്മിലുള്ള ബന്ധത്തിന്റെ അടയാളമാണ് ഈ ലോക്‌സഭാ തെരഞ്ഞെടുപ്പെന്നും അതുകൊണ്ടാണ് താന്‍ എ.എ.പി സ്ഥാനാര്‍ത്ഥിക്ക് വോട്ടുചെയ്യുകയെന്നും രാഹുല്‍ വ്യക്തമാക്കി.

‘കെജ്‌രിവാള്‍ കോണ്‍ഗ്രസിന്റെ ബട്ടണ്‍ അമര്‍ത്തും, ഞാന്‍ എ.എ.പിയുടെ ബട്ടണ്‍ അമര്‍ത്തും’. ഇന്ത്യാ മുന്നണിയുടെ സ്ഥാനാര്‍ത്ഥികള്‍ക്ക് പിന്തുണ നല്‍കിക്കൊണ്ടുള്ള ഡല്‍ഹിയിലെ റാലിയില്‍ രാഹുല്‍ ഗാന്ധി പറഞ്ഞു.
റാലിയില്‍ ഡല്‍ഹിയിലെ ചാന്ദ്നി ചൗക്കിന്റെ വിഷന്‍ ഡോക്യുമെന്റും രാഹുല്‍ ഗാന്ധി പുറത്തിറക്കി.

ന്യൂഡൽഹി : സി.പി.എം സംസ്ഥാനകമ്മിറ്റിയംഗം പി. ജയരാജനെ വീടാക്രമിച്ച്‌ കൊലപ്പെടുത്താൻ ശ്രമിച്ച കേസിൽ ആർ.എസ്‌.എസ്‌ പ്രവർത്തകരായ പ്രതികളെ വെറുതെ വിട്ട ഹൈക്കോടതി വിധിക്ക്‌ എതിരായ ഹർജിയിൽ സുപ്രീംകോടതി നോട്ടീസ്‌.

പി. ജയരാജൻ സമർപ്പിച്ച ഹർജി ഫയലിൽ സ്വീകരിച്ച്‌ ജസ്റ്റിസ്‌ സുധാൻ ശുധുലിയ, ജസ്‌റ്റിസ്‌ സഞ്‌ജയ്‌ കുമാർ എന്നിവരുടെ ബെഞ്ചാണ്‌ നോട്ടീസ്‌ അയച്ചത്‌. നേരത്തേ പ്രതികളെ വെറുതെ വിട്ട ഹൈക്കോടതി വിധിക്കെതിരെ സംസ്ഥാന സർക്കാർ സമർപ്പിച്ച അപ്പീലിൽ സുപ്രീംകോടതി പ്രതികൾക്ക്‌ നോട്ടീസ്‌ അയച്ചിരുന്നു.

സംസ്ഥാന സർക്കാരിന്റെ അപ്പീലും പി. ജയരാജന്റെ ഹർജിയും സുപ്രീംകോടതി ഒന്നിച്ച്‌ പരിഗണിക്കും. ആർ.എസ്‌.എസ്‌ പ്രവർത്തകരുടെ നിഷ്ഠൂരമായ ആക്രമണത്തിൽ അതീവ ഗുരുതരമായി പരിക്കേറ്റ വ്യക്തിയായ ജയരാജൻ പ്രതികളെ വെറുതെവിട്ട ഹൈക്കോടതി ഉത്തരവ്‌ ചോദ്യംചെയ്യുകയാണെന്ന്‌ അദ്ദേഹത്തിനുവേണ്ടി ഹാജരായ മുതിർന്ന അഭിഭാഷകൻ പി.വി. ദിനേശ്‌ ചൂണ്ടിക്കാണിച്ചു.