ബസ് ജീവനക്കാർ മദ്യപിച്ചാൽ പണി പോകും
തിരുവനന്തപുരം: ബസ് ജീവനക്കാർ ജോലി സമയത്ത് മദ്യപിച്ചിട്ടുണ്ടോ എന്നറിയാൻ കർശന പരിശോധന നടത്തുമെന്ന് മന്ത്രി കെ. ബി ഗണേഷ് കുമാര്‍. കെ.എസ്.ആർ.ടിസിക്ക് പിന്നാലെ സ്വകാര്യ ബസിലും പരിശോധന നടത്തുമെന്നാണ് മന്ത്രി അറിയിച്ചത്. ഡ്രൈവര്‍ മദ്യപിച്ചിട്ടുണ്ടോയെന്ന് കണ്ടെത്താന്‍ സ്വകാര്യബസ് സ്റ്റാന്‍ഡുകളില്‍ മോട്ടര്‍ വാഹനവകുപ്പ് സ്‌ക്വാഡ് പരിശോധനയുണ്ടാകും.
ജോലി സമയത്ത് ഡ്രൈവര്‍ മദ്യപിച്ചെന്നു കണ്ടെത്തിയാല്‍ അന്നത്തെ ട്രിപ് റദ്ദാക്കുമെന്നും മന്ത്രി പറഞ്ഞു.കെ.എസ്.ആർ.ടിസി ജോലിക്കാര്‍ മന്യപിച്ചിട്ടുണ്ടേയെന്ന് പരിശോധിക്കാന്‍ എല്ലാ ഡിപ്പോകളിലും ബ്രെത്തലൈസര്‍ സ്ഥാപിക്കും. 20 എണ്ണം വാങ്ങിക്കഴിഞ്ഞെന്നും 50 എണ്ണം കൂടി ഈ മാസം തന്നെ വാങ്ങുമെന്നും മന്ത്രി പറഞ്ഞു.
