കേളകം: മലാനെ കിണറ്റിൽ ചത്ത നിലയിൽ കണ്ടെത്തി. കേളകം അടക്കാത്തോടാണ് മൂന്നുദിവസം പഴക്കമുള്ള മലാനെ ശനിയാഴ്ച ഉച്ചയോടെ കിണറ്റിൽ ചത്ത നിലയിൽ കണ്ടെത്തിയത്. അടക്കാത്തോട് വെണ്ടേക്കുംചാൽ പോർക്കാട്ടിൽ മോളിയുടെ ഉടമസ്ഥതയിലുള്ള കിണറ്റിലാണ് മലാനെ കണ്ടെത്തിയത്.

കേളകം – അടക്കാത്തോട് റോഡ് പ്രവൃത്തി നടക്കുന്നതിനാല്‍ കേളകത്തു നിന്നും അടക്കാത്തോട് വരെയുള്ള വാഹനഗതാഗതം ഏപ്രില്‍ 17 മുതല്‍ 24 വരെ പൂര്‍ണമായും നിരോധിച്ചു. കേളകത്ത് നിന്നും അടക്കാത്തോട് ഭാഗത്തേക്ക് പോകേണ്ടവര്‍ കണിച്ചാര്‍ – കുണ്ടേരി ആനക്കുഴി വഴിയും ഇരട്ടത്തോട് – ശാന്തിഗിരി – പാറത്തോട് വഴിയും പോകേണ്ടതാണെന്ന് തലശ്ശേരി പൊതുമരാമത്ത് നിരത്തുകള്‍ ഉപവിഭാഗം അസി.എക്‌സിക്യൂട്ടീവ് എഞ്ചിനീയര്‍ അറിയിച്ചു.

കേളകം: അടയ്ക്കാത്തോട് ടൗണിൻ്റെ പരിസരത്ത് അനധികൃത മദ്യവിൽപനയും മദ്യപന്മാർ തമ്മിലുള്ള ഏറ്റുമുട്ടലും പതിവാകുന്നതായി പരാതി. അടയ്ക്കാത്തോട് സാംസ്കാരിക കേന്ദ്രത്തിൻ്റെ പരിസരത്തും, തടിമില്ല്, ക്ഷീരസംഘം എന്നിവയുടെ സമീപത്തും തമ്പടിക്കുന്ന മദ്യപന്മാർ തമ്മിലാണ് വാക്കേറ്റവും തമ്മിലടിയും പതിവാകുന്നത്.

ടൗൺ പരിസരം കേന്ദ്രീകരിച്ച് അനധികൃത മദ്യ വില്പനയും വ്യാപകമാണെന്ന് നാട്ടുകാർ പറയുന്നു. പതിവായി പ്രശ്നങ്ങളുണ്ടാക്കുന്നവരുടെ ലിസ്റ്റ് പോലീസ് പരിശോധിക്കുകയും, പ്രദേശത്ത് നിരീക്ഷണം നടത്തുകയും ചെയ്യുന്നുണ്ട്. സ്ഥലത്തെ സി.സി.ടി .വി കാമറകൾ പരിശോധിച്ച് കുറ്റക്കാരെ കണ്ടെത്തണമെന്നാണ് വ്യാപാരികൾക്കൊപ്പം നാട്ടുകാരുടെയും ആവശ്യം.