കടുവ സാന്നിധ്യം; കൊട്ടിയൂരിൽ വനം വകുപ്പ് ക്യാമറ സ്ഥാപിച്ചു
കൊട്ടിയൂർ:ജനവാസമേഖലയിൽ നാട്ടുകാർ തുടർച്ചയായി കടുവയെ കാണാൻ തുടങ്ങിയതോടെ സ്ഥിരീകരണത്തിനായി വനം വകുപ്പ് ക്യാമറ സ്ഥാപിച്ചു. മന്ദംചേരിയിലാണ് നിരീക്ഷണത്തിനായി ഒരു ക്യാമറ സ്ഥാപിച്ചത്. കടുവയാണെന്ന് സ്ഥിരീകരണമുണ്ടായാൽ തുടർനടപടികൾ സ്വീകരിക്കുമെന്നും കൂടുതൽ ക്യാമറകൾ സ്ഥാപിക്കുമെന്നും വനം വകുപ്പ് അറിയിച്ചു. എസ്.എഫ്.ഒ. സജീവ് കുമാറിൻ്റെ നേതൃത്വത്തിലുള്ള വനം വകുപ്പ് ഉദ്യോഗസ്ഥരാണ് ക്യാമറ സ്ഥാപിച്ചത്.
