വടകരയിൽ ട്രെയിൻ തട്ടി യുവാവ് മരിച്ചു
വടകര : വടകര പൂവാടൻ ഗേറ്റിൽ യുവാവ് ട്രെയിൻ തട്ടി മരിച്ചു. കുരിയാടി കോയന്റവളപ്പിൽ രജീഷ് (42) ആണ് മരിച്ചത്. വെള്ളിയാഴ്ച രാവിലെ ഏഴരയോടെ പൂനെ എക്സ്പ്രസ് തട്ടിയാണ് അപകടം.
തെറിച്ചു വീണ രജീഷിനെ നാട്ടുകാർ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പൂവാടൻ ഗേറ്റിൽ അടിപ്പാത നിർമ്മാണം നടക്കുന്നതിനാൽ മറ്റൊരു വഴിയിലൂടെ റെയിൽവേ ട്രാക്ക് മുറിച്ചുകിടക്കാൻ ശ്രമിക്കുന്നതിനിടയിലാണ് അപകടം.
മത്സ്യത്തൊഴിലാളിയാണ് രജീഷ്. അച്ഛൻ: സഹദേവൻ. അമ്മ: വിമല. സഹോദരങ്ങൾ: പ്രിയ, പ്രിയേഷ്. പോസ്റ്റ് മോർട്ടത്തിനായി മൃതദേഹം ഗവ. ജില്ലാ ആശുപത്രി മോർച്ചറിയിലേക്ക് മാറ്റി.
