India
കൊങ്കൺ പാതയിൽ സമയമാറ്റം 10 മുതൽ
തിരുവനന്തപുരം : മൺസൂൺ കാലയളവിൽ കൊങ്കൺവഴിയുള്ള ട്രെയിനുകളുടെ സമയമാറ്റം 10 മുതൽ. വിവിധ സ്‌റ്റേഷനുകളിൽ എത്തുന്നതും പുറപ്പെടുന്നതുമായ സമയത്തിൽ മാറ്റമുണ്ട്‌. ഒക്ടോബർ 31 വരെയാണ് സമയക്രമം. പ്രധാനപ്പെട്ട ട്രെയിനുകൾ പുറപ്പെടുന്നതും എത്തിച്ചേരുന്ന പുതിയ സമയക്രമം.
എറണാകുളം ജങ്‌ഷൻ – ഹസ്രത് നിസാമുദ്ദീൻ പ്രതിദിന മംഗള ലക്ഷദ്വീപ് എക്സ്പ്രസ് (12617) എറണാകുളത്തുനിന്ന് രാവിലെ 10.10ന് പുറപ്പെട്ട്‌ തിരികെ (12618) രാവിലെ 10.25ന് എത്തും. തിരുവനന്തപുരം സെൻട്രൽ – ഹസ്രത് നിസാമുദ്ദീൻ രാജധാനി എക്സ്പ്രസ് (12431) തിരുവനന്തപുരം സെൻട്രലിൽനിന്ന് പകൽ 2.40ന് പുറപ്പെടും. തിരികെ (12432) പുലർച്ചെ 1.50ന് തിരുവനന്തപുരത്ത് എത്തും.
എറണാകുളം ജങ്‌ഷൻ – പുണെ ജങ്‌ഷൻ എക്സ്പ്രസ് (22149) എറണാകുളം ജങ്‌ഷനിൽനിന്ന് പുലർച്ചെ 2.15ന് പുറപ്പെടും. എറണാകുളം ജങ്‌ഷൻ – ഹസ്രത് നിസാമുദീൻ പ്രതിവാര സൂപ്പർഫാസ്റ്റ് (22655) എറണാകുളം ജങ്‌ഷനിൽനിന്ന് പുലർച്ചെ 2.15ന് പുറപ്പെടും.
കൊച്ചുവേളി – ചണ്ഡിഗഡ് സൂപ്പർഫാസ്റ്റ് (12217), കൊച്ചുവേളി – അമൃത്‌സർ പ്രതിവാര സൂപ്പർഫാസ്റ്റ് (12483) എന്നിവ കൊച്ചുവേളിയിൽനിന്ന് പുലർച്ചെ 4.50ന് പുറപ്പെടും. കൊച്ചുവേളി – ഇൻഡോർ പ്രതിവാര സൂപ്പർഫാസ്റ്റ് (20931), കൊച്ചുവേളി – പോർബന്തർ പ്രതിവാര സൂപ്പർഫാസ്റ്റ് (20909) എന്നിവ രാവിലെ 9.10ന് കൊച്ചുവേളിയിൽനിന്നു പുറപ്പെടും.
എറണാകുളം ജങ്‌ഷൻ മഡ്ഗാവ് പ്രതിവാര സൂപ്പർഫാസ്റ്റ് (10216) ഉച്ചയ്ക്ക് 1.25ന് എറണാകുളത്തുനിന്നു പുറപ്പെടും. തിരികെ രാത്രി 9ന് മഡ്ഗാവിൽനിന്നു പുറപ്പെടും. മുംബൈ ലോകമാന്യ തിലക് ടെർമിനൽ – തിരുവന്തപുരം സെൻട്രൽ നേത്രാവതി എക്സ്പ്രസ്(16345) രാത്രി 7.35ന് തിരുവനന്തപുരത്ത് എത്തും. തിരുവനന്തപുരം സെൻട്രലിൽനിന്ന് പുറപ്പെടുന്ന സമയത്തിൽ മാറ്റമില്ല.
തിരുവനന്തപുരം സെൻട്രൽ – ഹസ്രത് നിസാമുദീൻ പ്രതിവാര എക്സ്പ്രസ് (22653) രാത്രി 10ന് തിരുവനന്തപുരത്തുനിന്നു പുറപ്പെടും. തിരികെ (22654) രാവിലെ 6.50ന് തിരുവനന്തപുരത്ത് എത്തും.എറണാകുളം ജങ്‌ഷൻ – അജ്മീർ പ്രതിവാര മരുസാഗർ എക്സ്പ്രസ് (12977) വൈകിട്ട് 6.50ന് എറണാകുളത്തുനിന്നു പുറപ്പെടും. തിരികെ (12978) പുലർച്ചെ 5.45ന് എറണാകുളത്ത് എത്തും.
കൊച്ചുവേളി – യോഗ് നഗരി റിഷികേശ് പ്രതിവാര എക്സ്പ്രസ് (22659) പുലർച്ചെ 4.50ന് പുറപ്പെടും. തിരികെ (22660) ഉച്ചയ്ക്ക് 2.30ന് കൊച്ചുവേളിയിലെത്തും.
കൊച്ചുവേളി – മുംബൈ ലോകമാന്യ തിലക് ഗരീബ് രഥ് എക്സ്രപ്രസ് (12202) രാവിലെ 7.45ന് പുറപ്പെടും. തിരികെ (12201) രാത്രി 10.45ന് കൊച്ചുവേളിയിലെത്തും.
ട്രെയിനുകളും പുതുക്കിയ സമയവിവരങ്ങളും റെയിൽവേയുടെ എൻടിഇഎസ് (നാഷനൽ ട്രെയിൻ എൻക്വയറി സിസ്റ്റം) മൊബൈൽ ആപ്ലിക്കേഷനിലോ വെബ്സൈറ്റിലോ (https://enquiry.indianrail.gov.in/ntes/) ലഭിക്കും.
ഗാസ സിറ്റി : ഇസ്രയേൽ വംശഹത്യയിൽ തകർന്നടിഞ്ഞ ഗാസയിൽ 15 മാസത്തിനുശേഷം സമാധാനം. വീണ്ടെടുക്കാനാകാത്തവിധം മണ്ണടിഞ്ഞുപോയ നാട്ടിലേക്ക്‌ പലസ്‌തീൻകാർ മടങ്ങിത്തുടങ്ങി. മോചിപ്പിക്കുന്ന ബന്ദികളുടെ പട്ടിക ഞായർ രാവിലെ നിശ്ചിതസമയത്ത്‌ ഹമാസ്‌ കൈമാറിയില്ലെന്ന പേരിൽ വെടിനിർത്തൽ നീട്ടിക്കൊണ്ടുപോയ ഇസ്രയേൽ 26 പേരെക്കൂടി ബോംബിട്ട്‌ കൊന്നു.ആദ്യദിനം കൈമാറുന്ന മൂന്ന് ബന്ദികളുടെ വിവരം ഹമാസ്‌ പുറത്തുവിട്ടതോടെ കരാർ നിലവിൽ വന്നതായി ഇസ്രയേൽ പ്രഖ്യാപിച്ചു. മൂന്നുമണിക്കൂർ വൈകി, പ്രാദേശികസമയം പകൽ 11.15നാണ്‌ (ഇന്ത്യൻ സമയം പകൽ 2.45) വെടിനിർത്തൽ പ്രാബല്യത്തിലായത്‌. ആദ്യഘട്ടം 42 ദിവസമാണ്‌ വെടിനിർത്തൽ.
ഗാസനിവാസികളിൽ 90 ശതമാനവും ഭവനരഹിതരാണ്‌. 23 ലക്ഷം ജനങ്ങളിൽ 25 ശതമാനവും പട്ടിണിയിലും. 46,913 പേർ കൊല്ലപ്പെട്ടു.ഖാൻ യൂനിസ്‌ ഉൾപ്പെടെയുള്ള നഗരങ്ങളിൽ ജനങ്ങൾ നിരത്തിലിറങ്ങി ആഹ്ലാദം പങ്കിട്ടു. വെടിനിർത്തൽ യാഥാർഥ്യമായി 15 മിനുട്ടിൽ കരേംഷാലോം അതിർത്തിവഴി ഭക്ഷ്യവസ്‌തുക്കളുമായി ലോക ഭക്ഷ്യ പരിപാടിയുടെ ട്രക്കുകൾ ഗാസയിൽ പ്രവേശിച്ചു. മുനമ്പിലേക്ക്‌ ദിവസം 600 ട്രക്ക്‌ അവശ്യവസ്‌തുക്കൾ വീതം കടത്തിവിടും.അതേസമയം, ഗാസയിലെ വെടിനിർത്തൽ ശാശ്വതല്ലെന്ന്‌ ഇസ്രയേൽ പ്രധാനമന്ത്രി ബെന്യാമിൻ നെതന്യാഹു വ്യക്തമാക്കി.വെടിനിർത്തലിൽ പ്രതിഷേധിച്ച്‌ ഇസ്രയേൽ ദേശീയ സുരക്ഷാമന്ത്രി ഇറ്റാമെർ ബെൻഗ്വീർ രാജിവച്ചു. അദ്ദേഹത്തിന്റെ ഒറ്റ്‌സ്‌മ യഹൂദിത്‌ പാർടി സർക്കാരിനുള്ള പിന്തുണ പിൻവലിച്ചു. അമിച്ചായി എലി യഹു, യിത്സാക്‌ വസർ ലൗഫ്‌ എന്നീ മന്ത്രിമാരും രാജിവച്ചു.
രക്തച്ചൊരിച്ചിലിനും പട്ടിണിക്കും അറുതി
വെടിനിർത്തൽ നിലവിൽവന്നതോടെ നിരത്തുകളിലിറങ്ങി ആഹ്ലാദം പങ്കിട്ട്‌ ഗാസ നിവാസികൾ. മാസങ്ങൾ നീണ്ട ബോംബുവർഷത്തിനും കൊടുംപട്ടിണിക്കും അറുതിയാകുമെന്ന പ്രത്യാശയിൽ ജനങ്ങൾ പരസ്പരം ആലിംഗനം ചെയ്തും പലസ്തീൻ പതാക വീശിയും സന്തോഷം പങ്കിട്ടു. കുടിക്കാൻ ശുദ്ധജലവും കഴിക്കാൻ ഭക്ഷണവും മുറിവുകൾക്ക്‌ മരുന്നുകളും ലഭിക്കുമെന്ന പ്രതീക്ഷ അവർ പരസ്പരം പങ്കുവച്ചു.ഈജിപ്ത്‌ അതിർത്തിവഴി അവശ്യവസ്‌തുക്കളുമായി 197 ട്രക്കുകൾ മണിക്കൂറുകളിൽ കടന്നുപോയതായാണ്‌ വിവരം. തെക്കൻ നഗരം ഖാൻ യൂനിസിൽ ട്രക്കുകളിൽ മുദ്രാവാക്യമുയർത്തി പോകുന്ന ഹമാസുകാരെ ഗാസ നിവാസികൾ അഭിവാദ്യം ചെയ്യുന്ന ദൃശ്യങ്ങൾ അന്താരാഷ്ട്ര മാധ്യമങ്ങൾ പുറത്തുവിട്ടു.
കണ്ണെത്തുംദൂരം നാശംമാത്രം
മാസങ്ങൾ നീണ്ട തുടർച്ചയായ പലായനത്തിനുശേഷം സ്വന്തം വീടിരുന്ന ഇടത്തേക്ക്‌ തിരികെ പോകാമെന്ന സന്തോഷത്തിലാണ്‌ ഗാസയിലെ ജനങ്ങൾ. തെക്കൻ നഗരങ്ങൾ റാഫ, ഖാൻ യൂനിസ്‌, ജബാലിയ അഭയാർഥി ക്യാമ്പ്‌ തുടങ്ങിയ ഇടങ്ങളിൽ കൽക്കൂനകളായ ഇടങ്ങളിലേക്ക്‌ മടങ്ങുന്ന ജനങ്ങളുടെ ചിത്രങ്ങൾ പുറത്തുവന്നു. നോക്കെത്താദൂരത്തോളം നാശനഷ്ടങ്ങൾ മാത്രമാണ് ബാക്കിയാകുന്നത്‌. മൂന്നുഘട്ട വെടിനിർത്തൽ വിജയകരമായി പൂർത്തിയായാൽ അന്താരാഷ്ട്ര പങ്കാളിത്തത്തോടെ ഗാസയുടെ പുനർനിർമാണത്തിലേക്ക്‌ കടക്കുമെന്നാണ്‌ ധാരണ. ഇസ്രയേൽ തരിപ്പണമാക്കിയ മുനമ്പിലെ കോൺക്രീറ്റ്‌ അവശിഷ്ടങ്ങൾ നീക്കംചെയ്യാൻ മാത്രം വർഷങ്ങളെടുക്കും.
3 ബന്ദികൾക്ക്‌ മോചനം
ബ്രിട്ടീഷ്–- ഇസ്രയേൽ പൗര എമിലി ദമാരി, വെറ്ററിനറി നഴ്‌സും റുമേനിയൻ വംശജയുമായ ഡൊറോൺ സ്‌റ്റെൻബ്രെച്ചർ, റോമി ഗൊനോൻ എന്നിവരാണ്‌ വെടിനിർത്തലിന്റെ ആദ്യ ദിനത്തിൽ ഹമാസ്‌ മോചിപ്പിച്ച ബന്ദികൾ. 2023 ഒക്ടോബർ ഏഴിന്‌ നടത്തിയ അപ്രതീക്ഷിത ആക്രമണത്തിലൂടെ ഇസ്രയേലിൽനിന്ന്‌ പിടികൂടിയ ഇവരെ റെഡ്‌ ക്രോസ്‌ മുഖാന്തിരമാണ്‌ കൈമാറിയത്‌.നോവ സംഗീതനിശയിലേക്ക്‌ നടത്തിയ ആക്രമണത്തിലാണ്‌ റോമി ഗോനൻ എന്ന 24കാരിയെ ഹമാസ്‌ ബന്ദിയാക്കിയത്‌. ഡൊറോൺ സ്‌റ്റെൻബ്രെച്ചർ ജീവിച്ചിരിക്കുന്നെന്ന്‌ പുറംലോകമറിഞ്ഞത്‌ അടുത്തിടെ ഹമാസ്‌ പുറത്തുവിട്ട വീഡിയോയിൽനിന്നാണ്‌. ഫാർ അസയിലെ ഭവനസമുച്ചയം ആക്രമിച്ചാണ്‌ ഹമാസ്‌ എമിലി ദമാരിയടക്കം 37 പേരെ ബന്ദിയാക്കിയത്‌.
ബന്ദിമോചനം ഇങ്ങനെ
ഹമാസ്‌ ബന്ദികളാക്കിയ 250 പേരിൽ ജീവിച്ചിരിക്കുന്ന 100 പേരെയാണ്‌ വെടിനിർത്തലിന്റെ ഭാഗമായി വിട്ടയക്കുന്നത്‌. ആദ്യഘട്ടത്തിൽ സ്ത്രീകൾ, കുട്ടികൾ, വൃദ്ധർ, പരിക്കേറ്റവർ എന്നിങ്ങനെ 33 ബന്ദികളെ ഹമാസും, കുട്ടികളും സ്ത്രീകളുമടക്കം 1890 തടവുകാരെ ഇസ്രയേലും മോചിപ്പിക്കും. ഏഴാംനാൾ നാലുപേർ, പതിനാലാം നാൾ മൂന്നുപേർ, 28, 35 ദിവസങ്ങളിൽ മൂന്നുപേർ വീതം, വെടിനിർത്തലിന്റെ അവസാനവാരം മറ്റുള്ളവർ എന്നിങ്ങനെയായിരിക്കും ബന്ദികളുടെ മോചനം.ആദ്യഘട്ട വെടിനിർത്തലിന്റെ 16–-ാം ദിവസം രണ്ടാംഘട്ടത്തിനായുള്ള ചർച്ചകൾ തുടങ്ങും. ആകെ മൂന്നുഘട്ട വെടിനിർത്തലെന്നാണ്‌ ധാരണ. ആദ്യഘട്ടത്തിൽ ഗാസയുടെ ചില മേഖലകളിൽനിന്ന്‌ ഇസ്രയേൽ സൈന്യം ബഫർസോണിലേക്ക്‌ മാറും. മൂന്നാംഘട്ടം പൂർത്തിയാകുമ്പോഴേക്കും പൂർണ സൈനിക പിന്മാറ്റം.
ജൂത സെറ്റിൽമെന്റുകളും ഭീഷണി
ജൂത സെറ്റിൽമെന്റുകൾ വ്യാപിപ്പിച്ച്‌ പലസ്തീൻ മേഖലകളെ ഒറ്റപ്പെടുത്തി കലാപം സൃഷ്ടിക്കുകയാണ്‌ ഇസ്രയേൽ സർക്കാർ. വെസ്‌റ്റ്‌ ബാങ്കിൽ നിലവിൽ ഏഴുലക്ഷം ജൂതകുടിയേറ്റക്കാരുണ്ട്‌. അത്‌ ഇസ്രയേൽ ജനസംഖ്യയുടെ പത്തുശതമാനംവരും. വെസ്‌റ്റ്‌ ബാങ്കിൽ സർക്കാർ നിർമിച്ച 150 സെറ്റിൽമെന്റുകളിലും 128 ഔട്ട്‌പോസ്റ്റുകളിലുമായി ജീവിക്കുന്നു. 1967ൽ ആറുദിനം നീണ്ട യുദ്ധത്തിൽ വെസ്‌റ്റ്‌ ബാങ്കും കിഴക്കൻ ജറുസലേമും പിടിച്ചെടുത്താണ്‌ ഇസ്രയേൽ ജൂത സെറ്റിൽമെന്റുകൾ നിർമിക്കാൻ തുടങ്ങിയത്‌. നിലവിൽ വെസ്‌റ്റ്‌ ബാങ്കിന്റെ 40 ശതമാനവും സെറ്റിൽമെന്റുകളാണ്‌. 1993ൽ ഓസ്‌ലോ കരാർ ഒപ്പിട്ടതിനുശേഷം ഇസ്രയേൽ സർക്കാർ നേരിട്ടുള്ള ജൂത സെറ്റിൽമെന്റ്‌ നിർമാണം നിർത്തിയിരുന്നു. 2017ൽ ഇത്‌ പുനരാരംഭിച്ചു. നെതന്യാഹുവാണ്‌ ഇതിന്‌ ഏറ്റവുമധികം പ്രോസ്താഹനം നൽകിയത്‌. സെറ്റിൽമെന്റുകളിലെ ജൂത കുടിയേറ്റക്കാർ പലസ്തീൻകാരെ നിരന്തരം ആക്രമിക്കുകയും പ്രകോപിപ്പിക്കുകയും ചെയ്യുന്നു.
വെടിനിര്‍ത്തൽ കരാറിനെ സ്വാഗതം ചെയ്യുന്നു: സിപിഐ എം
ഇസ്രയേലും ഹമാസും തമ്മിലുള്ള വെടിനിർത്തൽ കരാറിനെ സിപിഐ എം കേന്ദ്രകമ്മിറ്റി സ്വാഗതംചെയ്‌തു. 15 മാസത്തിലേറെയായി ഗാസയിലെ പലസ്തീൻ ജനതയ്‌ക്കെതിരെ ഇസ്രയേൽ നടത്തിയ വംശഹത്യയിൽ 46,000-ത്തിലധികം പേർക്ക് ജീവൻ നഷ്‌ടമായി. 1,20,000ത്തിലേറെ പേർക്ക് പരിക്കേറ്റു.സമാധാനം നിലനിർത്തുകയും രാഷ്‌ട്രീയ ഒത്തുതീർപ്പു പുനഃസ്ഥാപിക്കുകയും ചെയ്യുന്നുവെന്ന് ഉറപ്പാക്കേണ്ടത് പ്രധാനമാണ്. സമാധാനം സ്ഥാപിക്കുന്നതിനും സ്വതന്ത്ര പലസ്തീൻ രാഷ്‌ട്രം രൂപീകരിക്കുന്നതിനുള്ള നടപടികൾ സ്വീകരിക്കുന്നതിനും ഇന്ത്യൻ സർക്കാർ നയതന്ത്രപരമായി പ്രവർത്തിക്കണമെന്നും കേന്ദ്രകമ്മിറ്റി പ്രസ്‌താവനയിൽ ആവശ്യപ്പെട്ടു.
ന്യൂഡൽഹി : ഇന്ത്യയിൽ ഏറ്റവും കൂടുതൽ കൊവിഡ് മരണങ്ങൾ ഉണ്ടായത് കേരളത്തിലാണെന്ന് കേന്ദ്രസർക്കാർ. കേരളത്തിൽ കഴിഞ്ഞ വർഷം രോഗം ബാധിച്ച് മരിച്ചത് 66 പേരാണ്.(Covid 19 deaths in Kerala ).ഇക്കാര്യം ലോക്സഭയിൽ പറഞ്ഞത് കേന്ദ്ര ആരോഗ്യമന്ത്രി ജെ പി നദ്ദയാണ്. കേരളത്തിൽ കഴിഞ്ഞ വർഷം 5597 പേര്‍ക്ക് രോഗം സ്ഥിരീകരിച്ചുവെന്നും, 2023ല്‍ സംസ്ഥാനത്ത് 516 മരണമാണ് റിപ്പോർട്ട് ചെയ്തതെന്നും കേന്ദ്ര ആരോഗ്യ മന്ത്രാലയത്തിൻ്റെ കണക്കുകൾ വ്യക്തമാക്കുന്നു.അതേസമയം, ഏറ്റവും കൂടുതൽ കേസുകൾ റിപ്പോർട്ട് ചെയ്യപ്പെട്ടത് കർണാടകയിലാണ്. 2024ല്‍ 7252 കേസുകളും, 39 മരണങ്ങളും ഇവിടെ റിപ്പോർട്ട് ചെയ്തു. ഇപ്പോൾ രാജ്യത്ത് നടക്കുന്നത് വളരെ പരിമിതമായ പരിശോധനകളാണ്.
ദുബൈ: ലോകത്തിലെ ഏറ്റവും മൂല്യമേറിയ കറന്‍സികളില്‍ ആദ്യ മൂന്ന് സ്ഥാനങ്ങളില്‍ ഗള്‍ഫ് കറന്‍സികള്‍. കുവൈത്ത് ദിനാര്‍, ബഹ്റൈന്‍ ദിനാര്‍, ഒമാന്‍ റിയാല്‍ എന്നിവയാണ് മൂല്യമേറിയ കറന്‍സികളുടെ പട്ടികയില്‍ ഉള്‍പ്പെട്ടവ. ജോര്‍ദാനിയന്‍ ദിനാര്‍, ഗിബ്രാൾട്ടർ പൗണ്ട്, ബ്രിട്ടീഷ് പൗണ്ട് എന്നിവയാണ് തൊട്ടടുത്തുള്ള സ്ഥാനങ്ങളില്‍.ഒരു കുവൈത്ത് ദിനാറിന് 280.72 രൂപയും ബഹ്റൈൻ ദിനാറിന് 229.78 രൂപയും ഒമാൻ റിയാൽ 224.98 രൂപയുമാണ് നിലവിലെ വിനിമയ നിരക്ക്. പ്രധാനമായും എണ്ണയെ ആശ്രയിച്ചാണ് കുവൈത്ത്, ബഹ്റൈന്‍, ഒമാന്‍ എന്നീ രാജ്യങ്ങളിലെ സമ്പദ്‍വ്യവസ്ഥ മുമ്പോട്ട് പോകുന്നത്. ശക്തമായ സമ്പദ്‍ വ്യവസ്ഥയാണ് കുവൈത്തിനുള്ളത്. ഏകദേശം രണ്ട് ശതമാനം മാത്രമാണ് തൊഴിലില്ലായ്മ നിരക്ക്.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
