Connect with us

Kannur

തേജസ്വിനിപ്പുഴയുടെ തീരത്തെ മാലിന്യക്കൂമ്പാരത്തിനു വീണ്ടും തീ പിടിച്ചു

Published

on

Share our post

ചെറുപുഴ : തേജസ്വിനിപ്പുഴയുടെ തീരത്തെ മാലിന്യക്കൂമ്പാരത്തിനു വീണ്ടും തീ പിടിച്ചു. ചെറുപുഴ കമ്പിപ്പാലത്തിനു സമീപം ഇന്നലെ ഉച്ചയ്ക്ക് 12ന് ആണു തീപിടിത്തം ഉണ്ടായത്. പ്ലാസ്റ്റിക് ഉൾപ്പെടെയുളള മാലിന്യം വലിച്ചെറിയുന്ന സ്ഥലത്താണ് തീപിടിത്തം ഉണ്ടായത്. പെരിങ്ങോം അഗ്നിരക്ഷാ സേനയും നാട്ടുകാരും ചേർന്നാണു തീ അണച്ചത്.

പുഴ തീരത്തു തീ പിടിച്ചതോടെ ചെറുപുഴ ബസ് സ്റ്റാൻഡും പരിസരവും പുകപടലങ്ങളിൽ മുങ്ങി. രാത്രികാലത്തു സാമൂഹിക വിരുദ്ധരാണു ഇവിടെ മാലിന്യങ്ങൾ വലിച്ചെറിയുന്നത്. അഗ്നിരക്ഷാ സേന സ്റ്റേഷൻ ഓഫിസർ പി.വി.അശോകൻ, ജീവനക്കാരായ സി.ശശിധരൻ, പി.കെ.സുനിൽ, പി.പി.ലിജു, പി.വി.ഷൈജു, എം.പി.റിജിൻ, പി.എം.മജീദ്, വി.കെ.രാജു എന്നിവരുടെ നേതൃത്വത്തിലാണു തീ അണച്ചത്.

കഴിഞ്ഞ വെള്ളിയാഴ്ചയും തേജസ്വിനിപ്പുഴയുടെ തീരത്തു തീപിടിത്തം ഉണ്ടായിരുന്നു. നിർമാണം നടന്നുവരുന്ന വയക്കര വില്ലേജ് ഓഫിസിനു പിന്നിലാണു തീപിടിത്തം ഉണ്ടായത്. അന്നും അഗ്നിരക്ഷാ സേനയും നാട്ടുകാരും ചേർന്നാണു തീ കെടുത്തിയത്. മാലിന്യത്തിന് ആസൂത്രിതമായി തീ ഇടുന്നതാണോ എന്ന സംശയം ഉയർന്നിട്ടുണ്ട്.

വിവരം അറിഞ്ഞു പഞ്ചായത്ത് പ്രസിഡന്റ് കെ.എഫ്.അലക്സാണ്ടർ, സ്ഥിരം സമിതി അധ്യക്ഷൻ എം.ബാലകൃഷ്ണൻ, പഞ്ചായത്ത് അംഗങ്ങളായ സിബി എം.തോമസ്, കെ.ഡി.പ്രവീൺ, പഞ്ചായത്ത് സെക്രട്ടറി കെ.വിനോദ്കുമാർ എന്നിവർ സ്ഥലത്തെത്തി. തീപിടിത്തം അറിഞ്ഞ് ഒട്ടേറെ ആളുകൾ സ്ഥലത്തു തടിച്ചു കൂടിയിരുന്നു.

തെങ്ങിൻ തോപ്പിൽ തീ പിടിത്തം

തിരുമേനി ∙ ടൗണിനു സമീപത്തെ തെങ്ങിൻ തോപ്പിൽ തീപിടിത്തം ഉണ്ടായി. ഇന്നലെ ഉച്ചയ്ക്ക് 2.30ന് ആണ് സംഭവം. പ്രദേശവാസികളും നാട്ടുകാരും ചേർന്നു തീ അണച്ചു. പെരിങ്ങോത്ത് നിന്നു അഗ്നിരക്ഷാ സേനയും സ്ഥലത്തെത്തി. നാട്ടുകാരുടെ സമയോചിതമായ ഇടപെടൽ മൂലം തീ പടരുന്നതു തടയാനായി.

റബർതോട്ടത്തിൽ തീ പടർന്നു

ചൂരൽ ∙ കാങ്കോൽ ആലപ്പടമ്പ് പ‍ഞ്ചായത്തിലെ ചൂരലിൽ അരവിന്ദൻ വെള്ളൂരിന്റെ റബർതോട്ടത്തിൽ കഴിഞ്ഞ ദിവസം തീ പടർന്നു. നൂറോളം റബർ മരങ്ങൾ കത്തി നശിച്ചു. പെരിങ്ങോത്ത് നിന്ന് സി.പി.ഗോകുൽദാസിന്റെ നേതൃത്വത്തിലെത്തിയ ഫയർഫോഴ്സ് സംഘമാണു തീ അണച്ചത്.

ഫയർഫോഴ്സ് കുതിച്ചെത്തിയതിനാൽ സമീപത്തെ ഗ്യാസ്ഗോഡൗണിലേക്കും വീടുകളിലേക്കും സ്ഥാപനങ്ങളിലേക്കും തീപടരുന്നത് തടയുവാൻ കഴിഞ്ഞു. കെ.സുനിൽകുമാർ, എം.ജയേഷ്കുമാർ, പി.പി.ലിജു, വി.വി.വിനീഷ്, പി.രാഗേഷ്, ജെ.ജഗൻ, ഷാജി ജോസഫ്, വി.എൻ.രവീന്ദ്രൻ, ജോർജ് ജോസഫ് കൊങ്ങോല എന്നിവർ സംഘത്തിലുണ്ടായിരുന്നു.

പെരളം വെരീക്കര വയലിൽ അഗ്നിബാധ

കരിവെള്ളൂർ ∙ പെരളം വെരീക്കര വയലിൽ അഗ്നിബാധ. കോയിത്താറ്റിൽ പാടശേഖരത്തിലെ വയലിലാണ് ഇന്നലെ വൈകിട്ട് 5ന് തീപിടിത്തം ഉണ്ടായത്.

വയലിലെ ഒട്ടേറെ ചെടികൾ തീപിടിത്തത്തിൽ നശിച്ചു. പയ്യന്നൂർ അഗ്നിരക്ഷാ സേനയും നാട്ടുകാരും ചേർന്നാണു തീ അണച്ചത്. സംഭവം ശ്രദ്ധയിൽപ്പെട്ടയുടൻ നാട്ടുകാർ തീകെടുത്താൻ ശ്രമിച്ചതിനാൽ കൂടുതൽ സ്ഥലങ്ങളിലേക്ക് തീ പടരുന്നത് ഒഴിവായി.


Share our post

Kannur

കണ്ണൂർ സർവകലാശാലാ വാർത്തകൾ

Published

on

Share our post

പി.എച്ച്.ഡി പ്രവേശന പരീക്ഷയുടെ ഫലം പ്രസിദ്ധീകരിച്ചു

കണ്ണൂർ സർവ്വകലാശാല 2025 വർഷത്തെ ഇൻഫോർമേഷൻ ടെക്നോളജി & കമ്പ്യൂട്ടർ സയൻസ് വിഷയത്തിനായി 27.03.2025 ന് മാങ്ങാട്ട്പറമ്പ് ക്യാമ്പസിൽ വച്ച് നടത്തിയ പി.എച്ച്.ഡി. പ്രവേശന പരീക്ഷയുടെ ഫലം പ്രസിദ്ധീകരിച്ചു. ഇന്റർവ്യൂ സംബന്ധിച്ച വിവരങ്ങൾ പിന്നീട് അറിയിക്കുന്നതായിരിക്കും.

പരീക്ഷാഫലത്തിനായി സർവ്വകലാശാലയുടെ ഔദ്യോഗിക വെബ്‌സൈറ്റ്  സന്ദർശിക്കുക (https://research.kannuruniversity.ac.in).

പരീക്ഷാ വിജ്ഞാപനം

മെയ് 14 ന് ആരംഭിക്കുന്ന പ്രൈവറ്റ് രജിസ്ട്രേഷൻ ആറാം സെമസ്റ്റർ ബിരുദം റഗുലർ/ (റഗുലർ /സപ്ലിമെന്ററി/ ഇംപ്രൂവ്മെൻറ് (ഏപ്രിൽ 2025) പരീക്ഷകൾക്ക് 22.04.2025 മുതൽ 25.04.2025 വരെ പിഴയില്ലാതെയും 26.04.2025 വരെ പിഴയോടു കൂടിയും  അപേക്ഷിക്കാം. പരീക്ഷാ വിജ്ഞാപനം സർവകലാശാല വെബ് സൈറ്റിൽ ലഭ്യമാണ്.

പരീക്ഷാ സമയം പുന:ക്രമീകരിച്ചു

കണ്ണൂർ സർവ്വകലാശാലയ്ക്കു കീഴിലുള്ള അഫിലിയേറ്റഡ് കോളേജുകളിലെ ഇന്റെഗ്രേറ്റഡ് എം.എസ്.സി. ഇൻ കമ്പ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേർണിംഗ് പ്രോഗ്രാമിൻറെ എട്ടാം  സെമസ്റ്റർ (റഗുലർ /സപ്ലിമെന്ററി/ ഇംപ്രൂവ്മെൻറ്) ഏപ്രിൽ   2025   പരീക്ഷയുടെ  സമയക്രമം  രാവിലെ 10.00 മണിമുതൽ 1.00 മണി വരെയെയും വെള്ളിയാഴ്ച ദിവസങ്ങളിൽ രാവിലെ 9.30 മുതൽ 12.30 വരെയും ആയിരിക്കും. പരീക്ഷാ  തീയതിയിൽ മാറ്റമില്ല.


Share our post
Continue Reading

Kannur

വിദ്യാർഥികളുടെ യാത്രാപാസ് കാലാവധി നീട്ടി

Published

on

Share our post

കണ്ണൂർ: പ്രൈവറ്റ് കോളജുകളുടെ സിലബസ് പ്രകാരമുള്ള കോഴ്‌സുകൾ തീരാത്തതിനാൽ വിദ്യാർഥികളുടെ യാത്രാപാസിന്റെ കാലാവധി 2025 മെയ് 31 വരെ നീട്ടിയതായി കണ്ണൂർ ആർടിഒ അറിയിച്ചു. നിലവിൽ മാർച്ച് 31 വരെയുള്ള യാത്രാ പാസിൽ ഇത് രേഖപ്പെടുത്തേണ്ടതില്ല. ഈ പാസുകൾ മെയ് 31 വരെ നീട്ടിയതായി കണക്കാക്കാവുന്നതാണെന്ന് അറിയിച്ചു.


Share our post
Continue Reading

Kannur

വിനോദ സഞ്ചാരികള്‍ക്ക് കാഴ്ച്ചയുടെ ഉത്സവമൊരുക്കി കണ്ണൂര്‍ മുഴപ്പിലങ്ങാട് ബീച്ച്‌ ഫെസ്റ്റ്

Published

on

Share our post

കണ്ണൂർ: ഒൻപതാമത് മുഴപ്പിലങ്ങാട് ബീച്ച്‌ ഫെസ്റ്റ് മാർച്ച്‌ 29 മുതല്‍ ഏപ്രില്‍ 21 വരെ മുഴപ്പിലങ്ങാട് ബീച്ച്‌ സെൻട്രല്‍ പാർക്കില്‍ നടത്തുമെന്ന് സംഘാടകർ കണ്ണൂർ പ്രസ് ക്ളബ്ബില്‍ വാർത്താ സമ്മേളനത്തില്‍ അറിയിച്ചു. വൈകിട്ട് ആറിന് സമാധാനത്തിൻ്റെ പ്രതീകമായ വെള്ളരിപ്രാവുകളെ പറത്തി ബീച്ച്‌ ഫെസ്റ്റിലേക്ക് ആളുകളെ പ്രവേശിപ്പിക്കും. വിശാലമായ പുഷ്പോത്സവം, അമ്യൂസ്മെൻ്റ് പാർക്ക്, പൊതുജനങ്ങള്‍ക്കും കുട്ടികള്‍ക്കും വിവിധ മത്സര പരിപാടികള്‍, എല്ലാ ദിവസവും പ്രശസ്തരായ കലാകാരൻമാർ അണിനിരക്കുന്ന കലാവിരുന്ന്,രുചികരമായ ഫുഡ് കോർട്ട്. സാംസ്കാരിക സായാഹ്നം എന്നിവ നടത്തും. മുതിർന്നവർക്ക് 50 രൂപയും കുട്ടികള്‍ക്ക് 30 രൂപയുമായ പ്രവേശന നിരക്ക്.ഹരിത കർമ്മസേനയുടെ നേതൃത്വത്തില്‍ കടലോര ശുചീകരണം, വിശാലമായ പാർക്കിങ് സംവിധാനം, ബീച്ച്‌ ഹോം ഗാർഡുകളുടെ നേതൃത്വത്തില്‍ സുരക്ഷാ ക്രമീകരണങ്ങള്‍ എന്നിവ ഏർപ്പെടുത്തിയതായി സംഘാടകള്‍ അറിയിച്ചു. വാർത്താ സമ്മേളനത്തില്‍ കെ. ശോഭ,എം വി ഹാഫിസ് , കെ. രത്ന ബാബു, കു നോത്ത് ബാബു എന്നിവരും പങ്കെടുത്തു.


Share our post
Continue Reading

Trending

error: Content is protected !!